Fegrunaraðgerð?

stjórnmálaflokks getur verið fólgin í því að þekkt andlit dragi sig í hlé. Sérstaklega ef að styrr hefur staðið um athafnir viðkomansi á kjörtímabilinu.
Aðrir kynnu að segja að flokkurinn sé bara að mála yfir nafn og númer með kattarþvotti. Tilgangur hans og stefna sé jafn skuggaleg og áður.

Væri flokkur sem býður fram óþekkt andlit flekklauss fólks þannig kjörþokkafyllra framboð en framboð einstaklinga með fortíð? Vissulega hafa flekklaus framboð eins og til dæmis Hreyfingin visst forskot á gamla syndara þegar þau fyrst koma fram. En þessi nýju framboð eru svo fljót að missa sakleysið og opinbera sig í að vera ekki hætinu skárri en gamla gengið. þessvegna er fjórflokkurinn svonefndi sú kjölfesta sem þessari þjóð hefur best dugað. Þröskuldarnir sem halda flokksbrotum úti mega alls ekki lægri vera. þessvegna er meðal annars rétt að vera á móti tillögum stjórnmálaráðs.

Einn bóndi lýsti þessu á framboðsfundi svona:" Ég á hest sem er bæði slægur, hrekkjóttur og latur. En hann er hestur sem ég þekki. Það er ekkert víst að ég fái betri hest ef ég fer í hestakaup því þá fæ ég hest sem ég ekki þekki. Eins er þetta með þingmennina okkar......"

Svona að óreyndu kann það að skipta máli fyrir kjósendur að rægja burt gott fólk af framboðslistum og fá einhverjar óþekktar stærðir í staðinn. En eins og bóndinn sagði, þá eru nýju andlitin eitthvað sem við þekkjum ekki og eru oftar en ekki furðu fljót að missa sakleysið. Það eru ekki allar fegrunaraðgerðir til fjár fyrir flokka.

Og svo er pólitíkin hópstarf þar sem sólóspil og upphlaup hafa lítið gagnast þjóðinni hvað sem fegurð einstakra andlita líður. Það er langhlaup að leiða þjóð til lífskjarabóta.

Athugasemdir

[Heimir Lárusson Fjeldsted, 11.9.2012 kl. 10:38]

Þökk fyrir góðan pistil.

[Helga Kristjánsdóttir, 11.9.2012 kl. 12:55]

Já Halldór góð sjónarmið.

[Ómar Ragnarsson, 11.9.2012 kl. 13:00]

Varla getur það talist lýðræðislegt að 16% kjósenda fái engan þingmann kjörinn eins og verða myndi ef úrslit kosninga yrðu í samræmi við síðustu skoðanakannanir.

Þröskuldurinn rómaði hefur ekki komið í veg fyrir að fjöldi þingmanna hefur ýmist skipt um flokka á kjörtímabilinu eða lýst sig utan flokka.

[Jóhann Kristinsson, 11.9.2012 kl. 15:23]

Ef að flokkur nær ekki 5% fylgi, þá er fylgi þessa flokks svo litið og er jafnvel smá hópur sérvitringa að flokkurinn á ekki að hafa neina brúðu í brúðuleikhúsinu við Austurvöll.

Það er alveg nóg af gasprörum, eins og Steingrímur Júdas brúðan var þegar hann var í stjórnarandstöðu og það eru aðrar slíkar brúður þarna í brúðuleikhúsinu við Austurvöll sem sjá um þetta fyrir Steingrím Júdas brúðuna. Þessar brúður hafa aldrei gert neitt að viti, sem dæmi má nefna sérvitringa flokking Hreyfinguna (Birgitta, Margrét, Þór og listamaðurinn sem þoldi ekki sérvisku flokksins og fór í VG).

Ég held að það ætti að hækka þessi mörk í 10%. Ef að sérvitringa flokkur fær ekki 10% fylgi kjósenda, þá fær flokkurinn enga brúðu í brúðuleikhúsið við Austurvöll. Þá kanski mundi brúðan Steingrímur Júdas ekki að fá að leika í brúðuleikhúsinu við Austurvöll, og ég held að fáir mundu sakna þeirrar brúðu.

Kveðja frá Las Vegas.

[Halldór Jónsson, 12.9.2012 kl. 23:50]

Takk Heimir og Helga

Ómar minn, sameinaðir stöndum vér, sundraðir föllum vér. Hafa 16 % þjóðarinnar engann sameiginlegan fulltrúa? Það er rétt. En 16 % þjóðarinnar geta ekki fengið einn þingmann á hvert prósent.

Ég er sammálaJ óhanni að 5 % eeru helst til lágir þröskuldar. Ég lít nefnilega á stjórnmálastarf sem hópstarf fólks sem binst samtökum til að vinna undir stefnuskrá. Maður sem vill ekki lengur vera ío flokki á að fara af þinginu og næsti maður að taka við. Þetta er ekki umboð frá Guði heldur kjósendum flokkslistans.