Verstu óvinir

Vesturlanda um þessar mundir eru líklega Islamistar og Talibanar. Grimmdin sem þetta lið býr yfir er einstök. Ekki bara að þeir álíti heilaga skyldu sína að drepa okkur Vesturlandabúa sem sýna spámanninunum ekki tilhlýðilega virðingu, heldur fara þeir öngu síður fáránlega með sitt fólk eins og menn geta horft á á netinu.

Talibanar eru mjög svo kostaðir af Pakistönum sem líka fá peninga hjá Bandaríkjamönnum. Þversagnirnar eru miklar í stórveldaheiminum. Um er að ræða sveitir nokkra tugi þúsunda ofsatrúarmanna, margir með uppruna af pastúna kynflokki í Pakistan.En þetta er sundurlaus hópur margra undirflokka sem drepa líka hvern annan með mestu ánægju. Foringi þeirra flestra er sagður vera Mullah Omar sem enginn veit hver er eða hvar er, bara að hann er sagður eineygur, stór eða lítill. Auðvitað þarf ofsatrú ekki að rista dýpra en nasmisminn var hjá fólki í nasistaflokknum í gamla daga. Hann var fljótur að gufa upp þegar hann fór úr tísku eða var bannaður.

Fáfræði þessa fólks er auðvitað með eindæmum og grimmdin eftir því einbeitt. Til eru myndbönd af þeim á netinu við þá iðju að sarga hausinn af tugum landsmanna sinna fyrir það eitt að þeir slógu upp balli. (Það er virðist vera talsvert mál að sarga haus af manni með búrhníf en þeir eru einbeittir og spara sig hvergi.) Þeim finnst þetta að manni heyrist af samræðum meira gaman en að skjóta fólk sem þeir sjást líka gera á myndböndunum, tugi í einu. Tekur hugsanlega of fljótt af.

Það er um fátt sem við Vesturlandamenn getum talað um við þetta fólk fremjur en við gætum talað við Egil Skallagrímsson eða Skarphéðinn. Það er einfalt í sinni trú við málstaðinn og finnst ekkert tiltökumál að stúta hverjum sem er sem er ekki á sömu skoðun og þeir. Þeir hafa lagt dauðarefsingu við dansi, sjónvarpi, tölvunotkun, tónlist, áfengisdrykkju og að kenna konum að lesa og mörgu fleira þar sem þeir hafa ráðið löndum. Salman Rushdie hefur verið á flótta í aldarfjórðung undan fatwa(dauðadómi vegna bókarinnar) sem Komeini erkiklerkur lagði á hann og enn skal framfylgt að viðlögðum verðlaunum.Yfir hvaða landamæri sem er nær þetta og Salman verður hvergi öruggur ævilangt.

Þetta fólk hótar hörðu hverjum þeim sem ekki gjörir vilja þess. Við megum ekki hæða þá í ræðu né riti heldur passa okkur á að styggja þá ekki eins og Hillary minnti á á dögunum. Við á Vesturlöndum nútímans kunnum lítið að fást við fólk sem fer svona fram. Við erum svo opinberlega á móti dauðarefsingum þó sumum finnist vandséð hver ágóðinn sé af því að geyma fjöldamorðingja í fangelsi fram að reynslulausn.

Islamistar færa sig stöðugt upp á skaftið á Vesturlöndum og krefjast meiri hlýðni af þeim löndum sem þeir flykkjast til. Bretar eru líklega lengst komnir með að samþykkja að sharía-lög skuli gilda til jafns við bresk lög án þess að ég þekki það gerla. Danska lögreglan er sögð forðast að fara inn í hverfi þeirra í því landi. Hér tölum við um að ótækt sé að þeir fái ekki að reisa sér moskur.

Innflutningur þessa fólks er víða vandamál á Vesturlöndum. Við skiljum það ekki og vitum lítið hvað það er að brugga fyrr en skellur í tönnum.

Það gæti virst eiginlega heimskulegt að bjóða verstu óvinum sínum heim til sín og búast við að þeir batni við það. En við gerum það nú samt.

Athugasemdir

[Björn Emilsson, 11.10.2012 kl. 02:02]

Satt segir þu Halldór. Leikrit Frisch ´Biderman og brennuvargarnir´. ´og hvað ætlið þið að gera við allar þessar bensintunnur' Nú auðvitað kveikja í þeim! Svo sprakk allt í loft upp. Þetta átti við ástandið þá, um uppgang nazismans. Sagan er að endurtaka sig. Allir, vona ég,vita hvernig fór, að ESB sinnum sennilega undaskildum. Islam er eins og olia á eld. Þeir eru í góðu gengi að ná undir sig Evrópu, með barneignum. Uppundir 80% nemenda í sumum skólum Skandinaviu eru Islamir .

Það er ekki eins og Bandaríkjamenn viti ekki hve alvarlegt ástandið er. Iran er eina landið á miðbiki jarðar sem ekki er hlynnt Bandaríkjunum. Það kemur til með að breytast. Athyglisverð bók ´Wild Fire´eftir hinn þekkta og viðurkennda New York höfund Nelson DeMille fjallar um áætlanir stjórnvalda að hreinlega eyða 130 borgum muslima með kjarnorkusprengjum. Til að hafa ástæðu, er ætlunin að eyða með kjarnorkusprengjum tveim borgum í USA, Los Angeles og sennilega Denver . Hugmyndin er auðvitað sótt í árásina á Twin Towers í NY. Auðvitað skáldskapur, en það var leikritið Biderman og brennuvargarnir líka. Ein af bókum Nelson DeMille ´Night Fall´ fjallar um þegar TW800 var grandað með flugskeyti. DeMille skrifar um samtímaatburði og byggir á staðreyndum, ´The Gold Coast´td um byggðina á Long Island og þær breytingar sem áttu sér stað.