Stjórnarskráin

á að vera í stöðugri endurskoðun. En það á ekki að kollvarpa henni. Þessu plaggi stjórnlagaþings á því að kasta fyrir róða. Þetta var álit Sigurðar G. Guðjónssonar lögmanns á Sprengisandi nú í þessu. Hann ætlar að segja nei af þessum sökum.Svo er um fleiri. Þó að við viljum mörg jafnari atkvæðisrétt þá er það ekki til umræðu vegna þessarar skoðanakönnunar 20 okt. Þar er einungis verið að setja upp marklausa skrautsýningu sem engu mun skila nema skömm þess Alþingis sem lét hana viðgangast.

Þetta plagg stjórnlagaráðs er út í hött eins og Sigurður G. bendir á. Ekki hvað síst að það þarf 300 blaðsíður frá þeim Þorvaldi Gylfasyni og Ómari Ragnarsyni til að skýra út fyrir fólki hvað í henni felst eins og maður heyrði þá lýsa á Sögustöðinni.

Stjórnarskrá á að vera stutt og einföld og hvert orð skal vera rétt og nauðsynlegt og skal gilda. Ekkert umfram málskrúð. Henni á í raun ekki að breyta eftir að hún er gerð eins og er í Bandaríkjunum. Þar gera menn bara viðbætur og þá aðeins ef brýna nauðsyn ber til.

Róttækir menn og lífsreyndir á öllum tímum hafa yfirleitt þverrandi trú á paragröffum en meiri trú á einbeittum brotavilja stjórnmálamanna til þess að sveigja og beygja lögin sér í hag. Einn maður orti svo ungur og reiður:

"Hver stjórnarskrá í heimi
er gerð úr gullnum hlekkjum
við göngum undir okið
það er frelsið sem við þekkjum
að kvölum okkar linni
ef við krjúpum ef við grátum
í kirkjum hinna háu
það er trúin sem við játum"

Af einhverjum ástæðum var þetta erindi fellt út í seinni útgáfum kvæðisins.

Stjórnarfar á að vera með þeim hætti að aldrei þurfi að reyna á stjórnarskrá. Hún er einungis notuð þegar stjórnmála(glæpa?)menn ætla að misbeita því valdi sem þeir hafa fengið að láni til að valda þjóð sinni tjóni. Öryggisventill ef óhappamenn slysast inn í stjórnmál og ætla að fremja illvirki.

Ef kjörnir fulltrúar eru ábyrgt fólk og trútt starfi sínu þarf ekki að nota stjórnarskrá til að verja almenning. Stjórnarskrá er nauðvörn gegn fantabrögðum stjórnmálamanna. Ekki þeirra sem settu hana 1944 og þeirra 98 % þálifandi Íslendinga sem samþykktu hana. Heldur vörn gegn því sem stjórnmálamönnum kynni að detta í hug síðar eða þeirra sem á eftir komu. Ekki bara árið 2012 heldur líka 2020 eða síðar. Núverandi Alþingi og ríkisstjórn er það sem höfundar stjórnarskrárinnar sáu fyrir sem ógn framtíðarinnar.

Segjum því NEI eins og Sigurður G. Reynum að hegða okkur eins og fólk þegar að stjórnarskránni kemur.

Athugasemdir

[Elle_, 14.10.2012 kl. 17:38]

Algerlega sammála þessum pistli, Halldór.  Já, stjórnarskráin á að vera vörn gegn bolabrögðum hættulegra stjórnmálamanna með einbeittan brotavilja eins og finnast í núverandi Jóhönnuflokki og stjórn.  Það á líka ekki að líðast að Jóhanna og aðrir yfirgangsseggir í stjórnmálum geti valtað yfir Hæstarétt.  Vonandi ógildir hann allt ruglið aftur. 

[Kjartan Eggertsson, 14.10.2012 kl. 22:18]

Það er undarleg afstaða að hvetja fólk til að segja nei við þessum spurningum og koma ekki með nein rök fyrir því. Allt vel meinandi fólk getur sagt já við öllum spurningunum.

[Hrólfur Þ Hraundal, 14.10.2012 kl. 22:20]

Þar sem það er gefið færi á að hafna óráðum svo nefnds stjórnlagaráðs í fyrstu spurningu þá ætla ég að nota mér þann kost og rýra það Nei í engu með afskiptum af öðrum spurningum.   

Það er mér þó þungbært að þurfa að þurfa að lúta þessari örlaga þrælapískun Jóhönnu Sigurðardóttur. 

   

[Halldór Jónsson, 14.10.2012 kl. 22:55]

Elle mín góð

Þú skilur þetta eins og ég. Ef stjórnmálamenn eru trúir fólkinu sem kaus þá, þá verður aldrei minnst á stjórnarskrá.

Góði skólastjóri Kjartan

Ég þykist einmitt hafa fært rök fyrir því hversvegna ég segi nei. Mér líkar ekki aðferðin sem viðhöfð var. Þetta er ekki sá aðili sem á að fjalla um stjórnarskrá, það er Alþingis að gera það. Stjórnarskrá á að vera einföld og auðskilin, hrein og bein. Ekki að tafsa á réttlætingu fyrir því sem búið er að misfara með. Ekki vera svo flókin að það þurfi 300 blaðsíður til að útskýra út á hvað hún gengur.

Góði Hrólfur P.

Þé er eins innanbrjósts eins og mér. Við gætum viljað ræða einstök atriði í stjórnarskrá. En ekki undir þessum formerkjum né tilbúnaði.

[Elle_, 14.10.2012 kl. 23:39]

Vil benda Kjartani að ofan á að ríkisstjórnarflokkar Jóhönnu og Steingríms óðu yfir æðsta dómstól landsins og þrískiptingu valdsins í þessu máli.  Ýmsir lömenn hafa fært rök gegn þessu ólögmæta Jóhönnuráði.  Þar með taldir Jón Magnússon, Reimar Pétursson, Sigurður Líndal. 

Jón Magnússon, hrl., skrifar: Atlagan að stjórnarskránni I. + Atlagan að stjórnarskránni II. 

Reimar Pétursson, hrl., ræðir þarna við Þorvald Gylfason.  Þarna er frétt um Reimar: Leikur að fjöreggi þjóðarinnar:

„Hópur fólks hefur nú um nokkurt skeið handleikið fjöregg þjóðarinnar, stjórnarskrá lýðveldisins, með glannalegri hætti en áður hefur sést. Nú er mál að linni“, segir Reimar Pétursson, hæstaréttarlögmaður, í grein í Morgunblaðinu í dag.

 Þá segir Reimar m.a. í grein sinni: „Fyrir liggur tillaga frá hópi sem kallar sig stjórnlagaráð. Tillagan er ónothæf og óboðlegt er að breyta öllum atriðum stjórnskipunarinnar í einu. Vissulega er eitt og annað í stjórnarskránni sem má færa til betri vegar, en ómögulegt er að gjörbylta kosningafyrirkomulaginu, störfum þings og framkvæmdavalds og ákvæðum um mannréttindi í einni svipstundu. Með því er núverandi stjórnskipun kastað fyrir róða og ófyrirsjáanleg áhætta tekin með framhaldið“.

 

 Sigurður Líndal, lagaprófessor, sagði:

Samkvæmt lögum um stjórnlagaþing skal Hæstiréttur skera úr um gildi kosninga fulltrúa á þingið. Þetta gerði Hæstiréttur með ákvörðun 25. janúar 2011 og lýsti kosningu til stjórnlagaþings 27. nóvember 2010 ógilda.

Ákvörðun Hæstaréttar verður ekki hnekkt og með lagasetningu sinni fól Alþingi æðsta handhafa dómsvaldsins endanlegt úrskurðarvald. Ákvörðun Hæstaréttar er því í reynd hæstaréttardómur eða að minnsta kosti ígildi slíks dóms.

Nú liggur fyrir þingsályktun um að skipa 25 manna stjórnlagaráð og binda skipun þeirra og varamanna við þá sem hlutu kosningu til stjórnlagaþings eða með öðrum orðum binda kjörið við hóp manna sem hlutu ógilda kosningu og eru því umboðslausir.

Með þessu er Alþingi í reynd að fella ákvörðun Hæstaréttar úr gildi og ganga inn á svið dómsvaldsins.

Jafnframt virðir Alþingi ekki þrískiptingu ríkisvaldsins og brýtur þannig gegn stjórnarskránni, eða að minnsta kosti sniðgengur hana. Um leið ómerkir þingið eigin ákvörðun um að fela Hæstarétti endanlegt ákvörðunarvald.

Ekki bætir úr þótt einhverjar málamyndabreytingar séu gerðar á hlutverki stjórnlagaráðs frá því sem ákveðið var um stjórnlagaþing.

Það má svo sem segja að þetta sé í samræmi við það sem nú tíðkast í umgengni við lög og reglur, jafnt í stjórnmálum sem atvinnulífi.

En gott væri að þeir sem hyggjast taka sæti í stjórnlagaráði hugleiddu stöðu sína og þá jafnframt hvort þetta sé gæfuleg byrjun á því að setja nýja stjórnarskrá.

[Júlíus Björnsson, 15.10.2012 kl. 06:57]

STJÓNARSKRÁ ER GRUNNFORSENDUR SEM ERU SAMÞYKKTAR SEM EKKI SKILJANLEGAR ER ALLTA RÉTTAR ÓHÁÐ TÍMA , FRÁ ÞEIM KOMA SVO GREINAR STJÓRNSKRÁRLÖG. SEM SÍÐARI TÍMA LÖG, REGLUR OG TILSKIPANIR MÁ REKJA TIL .  HÆSTARÉTTAR DÓMARAR ÞURFA AÐ HUGS KALT OG RÖKRÉTT OG VERA LANGMINNUGIR , LESA LAGANNA BÓKSTAFI: SETNINGAR GRUNNS ALLRA LAGA. ÞETTA KALLAST SIÐMENNING FYRIR GREIND SAMFÉLÖG.   10 BOÐORРVORU MEÐ STJÓRNARKÁRAGILDI LENGSTUM. þESSVEGNA MISSTI KANSKI STJÓRANSKRÁIN MARKS ÞEGAR TRÚFRELSI VAR INNLEITT.    
GREINA SUNDUR ER AÐ SKILJA OG GETA GREINT Á MILLI. ORÐAFÆÐ MARKAR FÁVÍSI OG AFHJÚPAR HEIMSKA. SETNGINGA FRÆÐI FELST Í SKILJA Í SUNDUR SETNINGAR OG ORÐ.     

[Sandy, 15.10.2012 kl. 07:06]

Góðan daginn! Já það er með þessar breytingar á stjórnarskránni okkar,  ég verð að segja að ég er alveg rugluð í þessu öllu saman t.d. veit ég ekki almennilega hvað það þýðir ef ég segi nei við spurningu 1 hvort ég sé þá búin að hafna öllum tillögum stjórnlagaráðs, sem mér þætti miður því mér finnst nokkrar þeirra áhugaverðar og vildi sjá þær inni í stjórnarskrá.

    Hins vegar finnst mér margar af þessum tillögum allt of opnar og þar sem ég treysti ekki þinginu fyrir neinu af því sem þarf að framkvæma í þessu blessaða þjóðfélagi okkar hef ég á tilfinningunni að það eigi að nota sér samþykkið til að koma okkur inn í ESB án atkvæðagreyðslu, það er með ólíkindum hversu fagmannlega er sniðið hjá því að setja í umræðuna afleiðingar þess að afsala sér fullveldinu til alþjóðastofnana það er t.d eitt af því sem lítið hefur verið rætt og ekki var samþykkt á þingi að ein af aukaspurningunum skyldi vera um hvort þjóðin vildi ganga þar inn eins og Vigdís Hauksdóttir stakk upp á, það hefði verið vel hefði þessi guðsvolaða ríkisstjórn samþykkt það.

[Júlíus Björnsson, 15.10.2012 kl. 07:22]

Hvað kostar svona stjórnarskrá í framkvæmd?  Ef þetta kostar meira en tekjur afgangur ríkisins er þetta andvana fæðing , brjóta skrána daginn sem hún gengur í gildi.  Heimskur byggir á sandi.

[Halldór Jónsson, 15.10.2012 kl. 11:42]

Elle og Sandy

Ég held að við gerum mest gagn með því að segja nei við fyrstu spruningu og ekkert meira. Ef við fiktum í hinum geta þeir túlkað það sem já. Þar að auki verður ekkert gert með þessar spurningar því það verður Alþingi sem geriri breytingr á stjórnarskrá. Og munið þá að AlÞingi er ekki sama og Alþingi. Þetta sem nú situr er samsett af mörgum einstaklingum sem eiga þar ekkert erindi en skolaði inn í búsáhaldabyltingunni. Það hefur sett virðingu Alþingis niður og stofnunin sem slík má ekki gjalda þess að þetta er nokkurskonar ómarksAlþngi sem skil aði okkur ömurlegustu ríkisstjórn lýðveldisins.

Segjum NEI við fyrstu spurningunni og eigum ekkert meira við seðilinn.

Skarpur Júlíus að vanda, brjóta skrána áður en hún gengur í gildi. Dæmigert fyrir höfunana.

[Elle_, 15.10.2012 kl. 17:28]

Já, Halldór, líkl. er bara NEI við no. 1 sterkast.  Komum við við hitt, túlka þessir landsölumenn það sem JÁ-VIÐ-MEGUM-ÞAÐ-SEM-VIÐ-VILJUM. 

Vil benda á einn pistil Jóns Magnússonar, hrl., enn í röðinni um stjórnarskrána: Atlagan að stjórnarskránni III.  Vonum svo bara að Hæstiréttur ógildi þetta enn á ný.  

[Elle_, 15.10.2012 kl. 17:37]

Og ég segi líka eins og Hrólfur: - - - Það er mér þó þungbært að þurfa að þurfa að lúta - - - ICESAVE var sko næg ´lútun´.

[Júlíus Björnsson, 15.10.2012 kl. 21:23]

Í upphafi skyldi endinn skoða. Byrgja bruninn áður en barnið dettur ofan í hann. Þetta eru milljóna einstaklinga skilboð sem hafa kostað mörg manslíf hingað til að hundsa.  Ekkert nýtt undir sólunni. Vitur nærri getur, reyndur veit þó betur. Auðþekktur er asninn á eyrunum. Hann heyrir ekki það sem hann vill ekki heyra.