Hversvegna vann Obama?

kosningarnar.

Margar samverkandi ástæður má telja líklegar. Romney fylgdi ekki eftir sigrinum í fyrstu kappræðunum, hann hætti í árásunum og fór í einhvern sáttagír og sanngirnis í seinni kappræðunum.

Hann notfærði sér ekki drápið á bandaríska sendiherranum í Benghasi, þeim fyrsta sem hlýtur slík örlög. Obama byrjaði fyrr að auglýsa sig og árangur sinn og hélt sér þannig uppi í skoðanakönnunum sem svo mótuðu skoðanirnar áfram þó að árásir Romneys kæmu síðar.

Svo kom Sandy og truflaði Romney verulega, forsetinn fékk skiljanlega sviðsljósið ekki einhver kall útí bæ.

Sú aðferð Obama að reka kosningabaráttuna beint án auglýsingastofu nýtti fjármagnið betur og keypti fleiri auglýsingar. Lög eru fyrir því að slíkt fyrikomulag njóti allstaðar bestukjara.

Romney var svo sakaður um að reka styrjöld gegn konum á mörgum vígstöðvum og galt þannig trúarvingls síns meira en hann græddi.

Svo var afgerandi að atvinnuleysið minnkaði úr 9 % í 7.8 % í Bandaríkjunum meðan á baráttunni stóð sem Obama nýtti sér óspart til þessa að sanna að Romney fylgdist ekki með.

Úr deilunni um kjarnorku Írana dró að minnsta kosi tímabundið á viðkvæmum tíma.

Svo er alltaf erfiðara að fara gegn sitjandi forseta sem er ekki með allt niður um sig heldur bara axlaböndin. Maður veit hvað maður hefur en ekki hvað maður fær. Að halda sitt strik, berja hausnum við steininn með sannfæringu og þráa en gefast ekki upp fyrir yfirboðum og árásum er líka þáttur í svona baráttu. Líklega sú eina aðferð sem Steingímur og VG geta sett traust sitt á hérlendis ef yfirfæra á lærdóminn hingað.

Hvað stjórnarandstöðuna hér á landi varðar er aðferðin greinilega árásir og árásir á ofan. Hvergi gefa eftir og berja og berja, aldrei sýna sanngirni né svara vörninni heldur byrja á nýju máli. Hvenær tíminn er kominn er svo nokkuð sem menn verða að velta fyrir sér. Sóknaraðili má ekki byrja of snemma eins og Romney því þá verða menn bara leiðir á honum.

Og svo mega náttúruöflin ekki grípa inní kosningabaráttu eins og hún Sandy gerði. Ég held að áhrif hennar hafi verið meiri en margir halda til að gera sigur Obama að veruleika.

Athugasemdir

[Ómar Bjarki Smárason, 7.11.2012 kl. 09:44]

Þetta er nú ein léttasta spurning sem þú hefur lagt fyrir okkur bloggivni þína, Halldór minn. Obama er einfaldlega miklu betri maður en Romney! Sá síðarnefndi snúast eins og vindhani um stefnumál sín og hefði að öllum líkindum ekki staðið við neitt sem hann lofaði, og ekki einu sinni reynt það. Og að tapa í sínu heimahéraði og líka þar sem hann var ríkisstjóri segir væntanlega nokkuð. Og vonandi er heiminum borgið næstu 4 árin með forseta sem hefur hefur þokkalega stöðu á milli eyrnanna og svo fáum við væntanlega Clinton næstu átta árin. 98% ísensku þjóðarinnar varð að ósk sinni að þessu sinni, en "auðvisaprósentin tvö" sem skarað hefur mest að sinni köku situr eftir sársvekkt. Og megi það gera sem oftast!

En svo undarlegt sem það nú er, þá virtist Obama hafa úr meira fé a moða en Romney, alla vega í sumum lykilríkjum, og eru það ekki yfirleitt peningarnir sem vinna kosningar þar, hér og alls staðar....?

[Kristján P. Gudmundsson, 7.11.2012 kl. 10:03]

Ágæti bloggvinur,Halldór, ég er bæði anægður með og sammála þessarri greinigu þinni á sigri forsetans. Ég vil engu við hana að bæta.

Kveðja, KPG.

[Ágúst H Bjarnason, 7.11.2012 kl. 10:56]

Mér fannst Romney vera óútreiknanlegur tækisfærissinni eins og sumir  framsóknarmenn voru í gamla daga. Sem betur fer réði skynsemin þó litlu munaði. 

[Halldór Jónsson, 7.11.2012 kl. 11:53]

Sælir allir og takk fyrir.

Ómar, það var nefnilega merkilegt að Obama virtist fara betur með fé en hinn og borgaði ekkert í milliliði sem menn hafa haldið áður að væri ekki hægt að komast hjá. Mér hugnaðist lítt trúmálahliðin á Romney þó milljónirnar hans væru til staðar og viðskiptavitið. Svo var ég sammála Obama þegar hann bjargaði GM frá stöðvun svo illa sem það hljómar í mínum flokki sem vildi líka selja símann sem ég var mikið á móti en var kaffærður. Svo stútaði Obama kaldur helvítinu honum Osama og mest öllu hyski hans með. Það er eitthvað sem ég vil sjá meira af að hætt sé að dekra við þetta hryðjuverkalið. Enda beitir kallinn omönnuðu flygildunum óspart í Pakistan og víðar.

Það er akkúrat frændi að það eru glompur í Romney sem maður skilur ekki. En nú er hann þátíð og við tölum ekki meira um hann.

[Ásgrímur Hartmannsson, 7.11.2012 kl. 23:28]

Ég held hann hafi unnið því hann fékk fleiri atkvæði.