Æsifréttamennskan

er óhugnaleg í sinni verstu mynd.

Morgan Freeman er þekktur fréttamaður vestan hafs. Hann hafði þetta að segja um fjöldamorðingjann vestan hafs:

"
You can help by forgetting you ever read this man's name, and remembering the name of at least one victim. You can help by donating to mental health research instead of pointing to gun control as the problem. You can help by turning off the news."(Þú getur hjálpað með því að gleyma því að þú hafir nokkru sinni lesið nafn þessa manns og munað nafn að minnsta kosti eins fórnarlambs,Þú getur hjálpað með því að styrkja rannsóknir á geðheilbrigði í stað þess að benda á takmarkanir á byssueign sem vandamálið. Þú getur hjálpað með því að slökkva á fréttunum.)

Hversu mörg okkar fylgdust með dýrinu Breivík og þekkjum nafn hans? Hlustuðum á fréttir af kvörtunum hans yfir aðbúnaði við sig osfrv. Hversu mörg nöfn munum við af fórnarlömbum hans? Hvað gerðum við í því? Kröfðumst byssubanns? Áburðarbanns?

Það er morðinginn sem drepur ekki vopnið sem hann notar. Maður var eitt sinn myrtur með skrúfjárni í 200 metra fjarlægð frá þeim stað sem ég og fjölskyldan sváfum. Auðvitað eiga allir menn ekki að eiga óheftan aðgang að eftirsóttum og hættulegum hlutum ein og sjónvarpið sýnir okkur og börnum okkar á hverjum degi. Bang dauður.Kannski bara allt í plati?

Æsifréttamennskan er bara að hugsa um að selja og græða á hverju sem er. Og við kaupum stundum DV.

Athugasemdir

[Jón Steinar Ragnarsson, 16.12.2012 kl. 13:11]

Morgan Freeman hefur aldreiverið fréttamaður Halldór. Hann er hinsvegarmafar þekktur Hollywoodleikari. Það er eiginlega makalaust að vera svona út á túni þegar menn ákveða að stinga niður penna. Hefurðu heyrt um Google?

Þessum meintu orðum Freemans er klastrað um alla snjáldurskjóðuna en eru raunar ekki hans orð heldur miklu eldri tilvitnun í aðra persónu. Hvað semöðru líður, þá þarf ekki nema meðal glöggskyggni til að álykta þetta sem fram kemur og hefur það margoft verið gert. Meira að segja ég hef kastað slíku fram í eldri umræðu, um þessi mál og reyndr margoft við ættmenni og vini í Noregi í tilfelli norska ódæðismannsins.

Allt er þetta gott og vel og góð vísa aldrei of oft kveðin, en að þekkja ekki Morgan Freeman er afrek út af fyrir sig, segi ég.

[Halldór Jónsson, 16.12.2012 kl. 15:51]

Jæja, Jón Steinar

ég þekkti John Wayne og Roy hér í gamla daga, Clint Eastwood og fleiri sjálfsagt. En þennan Morgan Freeman þekki ég ekki, hvorki sem fréttamann eða leikara, aldrei séð hann né heyrt. Og skammst mín ekkert fyrir það að vera ófróður um þetta lið í bíóunum eða sjónvarpi sem ég skoða lítið. Mér þykir fyrir því ef ég hef móðgað þina viðkvæmu sál.

En mér finnst þetta samt vera skynsamlegt að velta sér ekki uppúr soranum.

[Halldór Jónsson, 16.12.2012 kl. 15:53]

Og ef Morgan er svona mikið í fréttunum er hann þá ekki fréttamaður?

[Hrólfur Þ Hraundal, 16.12.2012 kl. 16:08]

Ágæt mál hjá þér Halldór svo sem oftast. 

En ég skil ekki alveg þennan ágæta Jón Steinar.  Ég held að honum hentaði best að halda áfram að auglýsa sig með sjálfvirkum sóar hrings myndatökum.

En ég hlít að vera vangefin eða dæmdur útaf samfélaginu þar sem við Morgan Freemann vorum ekki kunningjar.   

[Halldór Jónsson, 16.12.2012 kl. 18:34]

Takk fyrir Hrólfur að skera mig niður úr snörunni. Ég sá bara vitnað íhann á fésbók og hélt að hann væri fréttamaður þar semég er svona mikill menningarhálfviti að þekkja ekki leikarana í bíó af því ég fer ekkert þangað eða horfi á slíkt.

[Þórhallur Kristjánsson, 16.12.2012 kl. 21:15]

Morgan Freeman er kynnir í skemmtilegum fræðsluþáttum sem heita Through The Wormhole.

Þeir sem hafa áhuga á eðlisfræði og vísindum ættu að kíkja á þessa þætti. Hægt er að horfa á þá alla hér.

http://topdocumentaryfilms.com/through-the-wormhole/

Hér er hægt að skoða kvikmyndaferill Freemans sem spannar   áratugi Sannarlega glæsilegur ferill. Freeman er eitt af stærstu nöfnunum í kvikmyndaheiminum. Eitt er alveg víst og það er að Freeman er ekki fréttamaður.

http://www.imdb.com/name/nm0000151/

[Hrólfur Þ Hraundal, 16.12.2012 kl. 22:52]

 Já þeir voru góðir þarna í Austurbæjarbíói og svo var Tarsan  í Laugarvegs bíói og svo var Hafnarbíó í gamla herbragganum fyrir neðan Hverfisgötu 99 þar sem afi og amma áttu heima og hjá Sigríði ömmu fengum við mjólk í grænum glösum frá Bretlandi og brauð með áleggi, en bara í hálf tíma og svo áttum við að fara út að leika okkur, ekkert gauf á þeim bæ.   

[Halldór Jónsson, 16.12.2012 kl. 23:14]

Já Hrólfur

Þrjúbíó á Roy í Austurbæjarbíó og hasarblaðasölu er eitthvað sem við munum. ég man enn hvað mér þótti tilveran grá hér á skerinu þegar maður kom út frá þessu glaða kábojlífi með skrautlegan klæðnað og glampandi byssur.

[Hrólfur Þ Hraundal, 17.12.2012 kl. 00:06]

Já og svo straujaði maður ódýr krumpin Dell hasarblöð með straujárninu hennar mömmu og þá urðu þau verðmeiri.