Ofurþing

hlýtur það að vera sem getur afgreitt 272 mál á 28 þingfundardögum. Sérstaklega þegar meðal þeirra eru smáræði eins og stjórnarskrá fyrir lýðveldið Ísland og rammáætlun um nýtingu orkuauðlinda sama lands. Ef ekki væri fyrir þingljónið Þór Saari myndi maður fyllast svartsýni á að ríkisstjórninni takist að klára þetta allt saman. Auðvitað mætti til sanns vegar færa að allt væri þetta auðveldara ef við værum komnir í Evrópusambandið sem gæti unnið þetta fyrir okkur. En svo er víst ekki alveg enn þá.

Nú veltur mikið á stjórnarandstöðunni að vera ekkki með múður og málþóf sem truflar andlega leiðtoga vora eins og téðan Þór og svo þann sem kemur í skýjunum, Guðmund Steingrímsson. Þeir verða líka að fá tíma með þessu öllu til að útlista fagnaðaboðskap sinn fyrir okkur þar sem sagt er að það eigi að kjósa um eittthvað í vor.

En kannski má bara sleppa því og láta ofurþingið sitja áfram?

Athugasemdir

[Gunnar Heiðarsson, 8.1.2013 kl. 08:44]

Það er eina leiðin að gera bara grín að þessu raunveruleikafirrta liði sem þykist stjórna landinu. Ekki hlustar það á rök, svo mikið er víst.

Kannski háð fái það til að hugsa.

[Halldór Jónsson, 8.1.2013 kl. 10:00]

Gud bevare os Gunnar,

ekki förum við að tala í alvöru við þessar góðu aðstæður í þjóðfélagi okkar eftir því sem maður gat lesið í áramótagreinum Steingríms og Jóhönnu þar sem allt er á uppleið, búið að dæma nærri 200 milljónir gengisbundinna lána heimilanna ólögleg og þau þannig getað létt þeim af heimilinum, hækka barnabætur og minnkað atvinnuleysið með því að áttaþúsundkall er búinn að hypja sig úr landi og Guð veit hvað meira.

Nú er bara eftir að endurkjósa þau sem manni skilst að séu bara formsatriði þar sem fólkið ætlar ekki að fá stóra Satan yfir sig aftur. Vonandi gleymir enginn stórmenninu honum Þór Saari líka, illa gætum við án hans hreyfinga verið.

[Gunnar Heiðarsson, 8.1.2013 kl. 10:48]

Svo er aldrei að vita nema hinn geysiöflugi þingmaður Gummi Dennason komi með einhvern stórasannleik, auðvitað blandaðann hæfilegum skammti af einhverju sem er svo ofboðslega gaman!