Ónýtir vegir

leyfir Vegagerðin  sér að segja okkur landsmönnum.

Komnir á tíma!

Halda þeir að landsmenn séu hálfvitar? 

Svo koma myndir af flutningatrukkunum á 24 hjólum vaðandi áfram án þess að borga nokkurn skapaðan hlut miðað við það sem þeir slíta vegunum. Búnirað útrýma strandsiglingunum vegna þess að þeir keyra frítt á vegunum okkar sem við höfum striðað við að byggja í áratugi.

Tíföldum þungaskattinn á trukkunum.  

Það er þeir sem eru að gera vegina okkar ónýta. 

 

Athugasemdir

[Ágúst H Bjarnason, 2.3.2013 kl. 06:37]

Úr bæklingi Vegagerðarinnar blaðsíðu 6:

http://www.vegagerdin.is/vefur2.nsf/Files/Vegirnir_okkar/$file/Vegirnir%20okkar.pdf

 

"Með vaxandi umferð hefur slit á vegum
aukist til muna en þar vega þungt auknir
vöruflutningar. Þungar bifreiðar slíta þjóðvegunummargfalt meira en léttar fólksbifreiðarþví þungaumferðin brýtur niður burðarlög veganna smátt og smátt og veldur því að með tímanum minnkar burðarþol þeirra.

Í grófumdráttum er talið að áhrif þyngdar hafi fjórða veldis áhrif á niðurbrot veganna. Þetta þýðir að öxull, sem er 10 tonn að þyngd, hefur 10 þúsund sinnum meiri áhrif á niðurbrot vegar
en öxull sem er 1 tonn."

Þetta þýðir að einn 10 tonna bíll á dag brýtur niður veginn jafn mikið og 10.000 bílar. Það þarf því ekki að koma á óvart þegar eitthvað gefur sig. 

Það eru ekki margir vegir þar sem umferðarþunginn á dag er 10.000 bílar...

Þar sem um fjórða veldis áhrif er að ræða getum við fundið hver áhrifin eru að tvöfalda þyngd farartækisins: 2x2x2x2=16.  Bíll sem er 20 tonn ætti því að skemma jafnmikið og 160.000 bílar sem fara eftir veginum.

[Valdimar Samúelsson, 2.3.2013 kl. 09:05]

Þetta mál er ekki flókið. Flestir vegir eru ekki burðarvegir. Hér fá trukkar að flytja 40 til 60 tonn og jafnvel inn í borgum og bæjum. Ef við tökum borgir í Ameríku þá eru notaðir litlir trukkar kallaðir dumpsterar til þess að koma grús og möl heim á byggingareiti en hér á landi eru heilu vagnarnir með tugum tonna látnir aka heim um hverfi án þess að blikna. Ég tala nú ekki um þegar vegagerðin er að svindla með staðla og notar vatnsuppleysanlega repjuolíu til að gera yfirborðið vatnsþétt en það mun aldrei takast.

[Hrólfur Þ Hraundal, 2.3.2013 kl. 09:06]

Rétt Halldór. Það var ákvörðun heimskunnar að flytja alla þungaflutninga af sjó, án þess að hafa svo kallaðar rafmagns járnbrautalestir, því vegir á Íslandi koma aldrei til með að bera þetta sem nú er, hvað á það sem verður í framtíðni.   

[Gunnar Rögnvaldsson, 2.3.2013 kl. 10:09]

Ríkið innheimtir þegar mikla skatta af þeim sem nota vegakerfið og mörgum sinnum meira en það veitir til vegakerfisins.

Peningarnir fara bara í Kredithörpur, gæluverkefni, atvinnuleysisbætur, allar aðrar bætur, stjórnsýsluna og ríkisrekinn þvætting. 3/4 af verði hvers líters sem notað er sem eldsneyti á vegakerfinu rennur til ríkissjóðs. Bifreiðaskattar eru sóðan komnir til að vera sóbrotleg innbrot í peningaveski allra sem eiga bifreið.  

Sektir, sekta-sektir og hundraðföld sovétríkisgjöld af öllu tagi á vegakerfinu er orðin stór af tekjulind ríkisins. Ríkið blóðmjólkar þá sem nota vegina.

Hér þarf ekki að aukna nein gjöld. Hins vegar þarf að setja stjórnmálamönnum stólinn fyrir dyrnar þegar þeir gerast fjárplógsmenn og ýta með ríkisvaldsjarðýtum sínum þeim peningum sem eyrnamerktir eru til vegamála, alla leið yfir og ofaní sukk-drullu-sokka hinnar vonlausu útgerðar þeirra á NORRÆNDNU HELFERÐINNI.

Ég vil fá álagningarselið sem segir:

XX Krónur af álagningunni á þig: fer í vegakerfið

XX Krónur af álagningunni á þig: fer til heilbrigðismála

XX Krónur af álagningunni á þig: fer til löggæslu

XX Krónur af álagningunni á þig: fer til holræsa

XX Krónur af álagningunni á þig: fef til dóms og réttarmála

Þá get ég fylgst með því hvenær einkarekstur er ávalt betri og sífellt betri og sífellt ódýrari kostur.

Svo þarf Ríkisendurskoðun af fylgjast með því að þetta sé gert. Að tekjur ríkisins séu ekki notaðar í sukk og burtflognar hænur í gæludýragörðum stjórnmálamanna.

Ef mér finnst þessar tekjur notaðar í sukk, þá vil ég fá að setja merki við þá ríkisþjónustu sem ég ekki lengur vil borga fyrir því einkafyrirtæki bjóða mun ódýrari lausnir.

Svona er hægt að auka samkeppni og bæta inn valmöguleikum og lækka verðið. 

[Valdimar Samúelsson, 2.3.2013 kl. 10:46]

Það má líka hafa þunga og hraðatakmarkanir á trukka og skylda þá til að víkja fyrir umferð. Alaska sem hefir svipað vegakerfi og við hér þá aka trukkar hægar og ef sérstakur þungaflutningur þ.e. overweight miðað við burðarþol vega ekki trukka eins og hér þá lúsast þeir áfram með pilot bílum á undan og eftir. Með þessari aðferð halda vegirnir sem eru byggðir yfir flóa og mýrlent svæði. Þar eru gámar fluttir með skipum og prömmum og þeir skildir eftir og tómir teknir til baka. Þar líka keyra skipin eftir veðri en hér þarf allt að vera á útopnuðu og forheimskan ræður. Menn heimta út í hið óendanlega í stað þess að vinna með náttúrunni og segja sér sjálfir hvað má og hvað má ekki með þjóðarhag í huga.

[Gunnar Heiðarsson, 2.3.2013 kl. 10:59]

Það er rétt Halldór, að þungaumferðin er að rústa vegakerfinu. Það voru hinsvegar ekki þessir landflutningar sem útrýmdu strandsiglingunum, heldur sjálf skipafélögin. Þau fluttu þessa flutninga á land sjálf. Tvö stæðstu landflutningafyrirtækin voru rekin af tveim stæðstu skipafélugunum.

En það kemur fleira til en aukin umferð. Vegagerðin er ekki að standa sig. Þegar slitlag er lagt á vegi, eru þeir oftast byggðir upp, ekki þó alltaf. Svokallað Ottódekk, eða olíumöl er lögð á flesta vegi á landsbyggðinni. Þetta kallar á tvöfalt yfirlag, en lenska vegagerðarinnar hefur verið að leggja ekki efra lagið fyrr en neðra slitlagið er orðið verulega skemmt. Spara sér stundum einhverja mánuði með þessu en eyðileggja í raun veginn. Þessu hefur maður marg oft orðið vitni að og síðan fylgst með baráttu vegagerðarinnar ár eftir ár við að reyna að halda veginum við. Oftar en ekki hefur það endað með því að vegurinn er fræstur upp aftur og lögð ný olíumöl og aftur byrjar sami hringurinn. Efra lagið er ekki lagt á fyrr en vegurinn er aftur farinn að skemmast.

Skattheimta á bílaflotann er þegar næg. Það þarf hinsvegar að sjá til þess að sá skattur sem innheimtur er, fari til vegabóta og nýbygginga vegakerfisins. Í dag fer stór hluti þessa fjár til annara nota. Því leysir aukin skattheimta ekki neinn vanda, en hugsanlega þarf að endurskoða skiptingu þessara skatta. Að skattheimtan tæki meira mið af þyngd bílanna.

[Halldór Jónsson, 2.3.2013 kl. 18:53]

Ágúst frændi

Þetta er enmn verra en minnti. Hvernig geta menn hjá Vegagerdinni staðið frammi fyrir okkur og talað svona eins og þessi G.Pétur?

Svo á að setja peninga í einbreiðar brýr og breikka þær. Kaflinn frá Flúðaveginum upp að Gullfossvegi er nánast ófær á sumrin.Og sjálfsagt fleiri malarvegir. Hvort er betra að bíða við einbreiða brú eða hálfeyðileggja bílinn í holunum að henni? Eða leggja nýjan veg yfir Öxi meðan Samskip og Eimskip eyðileggja þá akfæru vegi sem við vorum búnir að eignaast? Og borga kúk og kanil fyrir en heimta bara nýja vegi.Hverslags ráðslag er þetta?

[Halldór Jónsson, 2.3.2013 kl. 18:54]

Gunnar Heiðarsson. Skattheimta á vörubíla sem eyðileggja vegina á að duga til að gera við þá.Er það ekki sanngjarnt?

[Halldór Jónsson, 2.3.2013 kl. 18:55]

Gunnar, djúpur að vanda

[Halldór Jónsson, 2.3.2013 kl. 18:56]

Valdimar, það er margt tlil í þessu sem þjóðareinkenni okkar.

[Halldór Jónsson, 2.3.2013 kl. 19:00]

Hrólfur, við stukkum yfir járnbrautatímann.Hvílík breyting var að fá Ottadekkið á vegina til að komast um landið. Það er hrikalegt að horfa uppá þennan útrásarvíking Ólaf Ólafsson í Samskip komast upp með að stela af okkur vegakerfinu líka og fá hjálp af óskabarni þjóðarinnar við þá iðju. Af hverju er þetta ekki stoppað með skattlagning?