Össur enn á ferð,

blæs í púkablístru sína eins og hans sé ríkið að eilífu og skrifar níðgrein um ritstjórann Davíð Oddsson í Morgunblaðið í dag. Þar hakkar hann ritstjórann fyrir að hafa vikið nokkrum orðum að endurreisnarskýrslu sem var ómerkilegt áróðursplagg fyrir inngöngu Íslands í ESB á Landsfundi.En á þeim fundi gerði þessi litli hópur áhlaup á fundinn en var hafnað með minnst 95 % atkvæða.

 

Ég var á Landsfundinum og var búinn að lesa plaggið og ætlaði að hjóla í það. Þá talaði Davíð og sagði í nokkru orðum allt sem þurfti að segja um þetta auma áróðursplagg fyrir inngöngu í ESB. En fundurinn sýndi hug sinn til inngöngu í atkvæðagreiðslu þar sem aðildarsinnar urðu undir með minna n 5 % atkvæða.

 

Í tilefni útfarar Margrétar rifjar Gunnar Rögnvaldsson orð hennar frá 1992:

Haag; 15. maí 1992: "If the European Community proceeds in the direction which the majority of Member State Governments and the Commission seem to want they will create a structure which brings insecurity, unemployment, national resentment and ethnic conflict"- Margaret Thatcher 

 

Margrétar verður minnst lengi eftir að þessi Össur er gleymdur í þar næstu viku. Vonandi þarf Mogginn ekki að eyða meiri pappír í svona samsetninga frá þessum gamla kommúnista eftir kjördag. Vonandi dettur næstu ríkisstjórn ekki í hug að setja Össur þennan í ferð á opinberu framfæri í sendiherrastöðu enda nóg komið af slíkum subbuskap í pólitík.  

Athugasemdir

[Predikarinn - Cacoethes scribendi , 19.4.2013 kl. 00:05]

Já sæll kæri Halldór.

Ég tek undir það að ekki á að eyða meiri pappír í gamla kommann hann Össur. hann ert búinn að kosta þessa þjóð of mikið nú þegar!

Minning barónessunnar af Kesteven í Lincolnshireskíri, Margrétar Thatcher, sem einnig hlotnaðist að vera sæmd því að verða riddaari af sokkabandsorðunni, einhverri merkustu orðu sem til er, mun verða haldið á lofti sem einhverjum merkasta forsætiráðherra sem breska heimsveldið hefur alið. Eins og ritstjórinn og fyrrverandi forsætisráðherra okkar og seðlabankastjóri Davíð Oddson orðaði það : "hún var betri en allir karlarnir".

Auðvitað hafði barónessan af Kesteven rétt fyrir sér með ESB sem og Evruna löngu áður en aðrir komu auga á það sem var henni augljóst.

Sömuleiðis líða orð hennar um sósíalista mönnum seint úr minni það hún sagði :"...and Socialist governments traditionally do make a financial mess. They [socialists] always run out of other people's money. It's quite a characteristic of them."

[Predikarinn - Cacoethes scribendi , 19.4.2013 kl. 00:17]

Já ég gleymdi að minnast á þetta með endurreisnarskýrsluna sem dr. Vilhjálmur ritstýrí illu heilli fyrir þennan fræga landsfund.

Davíð Oddson var bara á undan okkur hinum að benda á hið augljósa við þessa slæmu ritsmíð. Hann bara gerði það með fáeinum orðum sem aðrir hefðu þurft langhund í að skíra fyrir fundinum. Þau eru um margt lík barónessan af Kesteven og Davíð Oddsson. Þau setja fram skoðanir sínar í fáum en hnitmiðuðum orðum sem flestum er ómögulegt að gagnrýna þar sem þau hafa lag á að grípa á kýlinu hverju sinni og segja sannleikann.

Fyrir það eru þau hötuð af andstæðingum sínum því þeir hafa ekki rök eftir slíka ræðubúta.

Ég held að þú kæri Halldór ofmetir fylgjendur ESB og endurreisnarskýrslunnar þegar þú segir þá 5 % af landsfundum undanfarin ár. Þeir eru mun færri en hafa óskaplega hátt. Þrátt fyrir tvennar kosningar á landsfundinum fræga um skýrslu endurreisnarhópsins, þar sem Davíð af Hádegismóum, vék að endurreisnarskýrslunni fáeinum orðum, þá var hún kolfelld. Sú skýrsluómynd átti ekkert annað inni hjá sjálfstæðismönnum, eigi þeir að standa undir nafni það er!

[Halldór Jónsson, 19.4.2013 kl. 08:22]

Gaman að heyra aftur í þér prédikari eftir langt hlé. Margt mælir þú spaklegat og seinni pistillinn er hárréttur. Hún Margrét var óviðjafnanleg og það mé líka segja um Davíð að persónurnar og hnyttnin sem stafar af svo eldskjótri hugsun heilla fólk. Slíkt fólk verður seint allra en oftar en hitt sjá menn skynsemina á bak við yfirborðið, hrjúft, mjúkt eða óskiljanlegt stundum. Oft skilur maður samt seinna hvað raunverulega réði á þeim tímapunkti.

[Ívar Pálsson, 19.4.2013 kl. 09:45]

Endurreisnarskýrslan sem var prentuð var gerólík niðurstöðunni úr endurreisnarnefndinni, þar sem farið var yfir hvert orð, en síðan gerbreytt í stýringu Vilhjálms & Co. Ég kannaðist ekki við prentaða plaggið, eftir að hafa eytt löngum stundum í nefndinni.

ESB- sinnar segja Sjálfstæðisflokkinn eiga eftir að gera upp hrunið, þegar sannleikurinn er sá að þeir, í Samfylkingunni eða hvar þeir finnast nú, eru pikkfastir í ESB- ást a la Hrunið árið 2008.

Sjálfstæðisflokkurinn sjálfur er löngu kominn úr hruninu.