Hverjir fá leiðréttingar Framsóknar?

eru spurningar sem Hjörtur Gíslason blaðamaður veltir fyrir sér í Mbl. í dag.

Þeir sem eru búnir að missa allt til dæmis? Þeir sem tóku við lánunum að skuldurum þrotnum á lánum sem tekin voru á leiðréttingarárunum 2004-2008?

Til Sjálfstæðismanna beinir hann einnig spurningunni hverjir eigi að fá skattafsláttinn?

Án þess að ég svari fyrir Sjálfstæðisflokkinn hef ég skilið það þannig að allir í hópnum megi láta séreignarsparnaðinn renna inn á höfuðstól húsnæðsiláns síns og þannig grynnka á skuldinni með skattfé. Það sem ég veit ekki enn er hvort sá sem missti húsið og lánið með því fái eitthvað?  Verða lánin kannski að vera tekin af viðkomandi upphaflega sjálfum?

Mér sýnist tillaga Sjálfstæðisflokksins  ná til fleiri. Enginn sem ekki hefur tekjur getur borgað af húsnæðisláni hvort sem er. Ég vona bara að lyklafrumvarpið gleymist ekki svo að fólk eigi þó von um framhaldslíf í stað skuldafangelsisins sem tíðkast hefur.

En spurningar Hjartar eru beinskeyttar. Framsóknarmenn hljóta að þurfa að svara því hverjir fái leiðréttingarnar.

Athugasemdir

[Gunnar Heiðarsson, 23.4.2013 kl. 10:59]

Sæll Halldór.

Tillögur Sjálfstæðisflokks eru flestar af hinu góða, en hvað varðar þeirra lausn á vanda heimila landsins, þá ganga þær einfaldlega ekki upp. Þær fjalla í stuttu máli um annars vegar skattaafslátt og hins vegar að nýta séreignasparnað. Þetta hvorutveggja er fólki boðið til að greiða niður hjá sér höfuðstól.

Hjá meðal launamanni gefa þessar tillögur nærri 70.000kr á mánuði til lækkunar höfuðstóls lána. Höfuðstóll meðalláns hækkar hins vegar um rúmar 130.000kr við hver mánaðarmót. Því gengur þetta ekki upp, hvernig sem reiknað er.

Það er ljóst að fyrir þann sem hefur tapað sínum eignum mun engu skipta hvort tillögur Framsóknar eða Sjálfstæðisflokks verða ofaná. Því verður Sjálfstæðisflokkur, alveg eins og Framsóknarflokkur og reyndar öll framboðin að svara því hvort eitthvað skuli gert fyrir það ólánsama fólk sem hefur þegar misst allt sitt og þá hvað.

Hitt getum við verið sammála um að fjögur ár til viðbótar með vinstri afturhaldsöflunum mun verða landinu skelfing. Því ættu Sjálfstæðismenn heldur að beyta sér gegn slíku samstarfi, en að hrekja Framsóknarflokk út í horn, þar sem hann á enga útkomu nema viðhalda slíku ógnaástandi.

Það verður ekki myndur einsflokks ríkisstjórn. Því verða sjálfstæðismenn að velja hvorn kostinn þeir kjósa, áframhald vinstri skelfingar, eða ríkisstjórn framfara og uppbyggingar. Þegar skoðuð er stefna stjórnmálaflokkanna er einungis ein lausn svo framfarir geti orðið í landinu, ríkisstjórn Framsóknar og Sjálfstæðisflokks. Þetta ætti sjálfstæðismenn að skoða alvarlega, það mun verða í þeirra höndum hvernig framtíð landsins mun þróast.

Stefna þessara flokka er mjög svipuð í öllum aðalatriðum og ljóst að stefna Framsóknar er mun nær Sjálfstæðisflokk en vinstri afturhaldsöflunum. Einungis virðist steyta á í lausn vanda heimila landsins og þar tel ég einfaldlega vera um að kenna vanþekkingu forustu Sjálfstæðisflokks á þeim vanda og hversu víðtækur hann er.

Horfum bjartsýnir til framtíðar, horfum til ríkisstjórnar Sjálfstæðisflokks og Framsóknar. Hvor flokkurinn leiðir þá stjórn skiptir engu máli, fyrir mestu er að komast út úr þeirri vinstriafturhaldskrísu sem er leggja landið í rúst.

Það mun því velta á ákvörðunum Sjálfstæðisflokks, eftir kosningar, hvort hér verður viðhaldið þeirri dauðastefnu sem við höfum búið við síðustu fjögur ár, eða hvort við getum farið að brosa aftur.

[Gunnar Heiðarsson, 23.4.2013 kl. 11:04]

Ég gleymdi í þessari langloku minni að velta því fyrir mér hvort þessar látlausu árásir sjálfstæðismanna á Framsóknarflokk væru til þess ætlaðar að koma honum frá næstu stjórnarmyndunarviðræðum, hvort sjálfstæðismönnum sjálfum sé svo umhugað að komast í samstarf við vinstri afturhaldsöflin. Ég trúi ekki að svo sé, en einhverra hluta vegna hefur Sjálfstæðisflokkur og málpípur hans tekið þann pól í hæðina að Framsóknarflokkur sé þeirra hellsti andstæðingur.

[Jörundur Þórðarson, 23.4.2013 kl. 12:24]

Ég skoðaði leið (S). Miðaði við 4% verðbólgu, 20millj kr lán til 40 ára. Laun fjölskyldu 600þ á mán. Skuldari greiddi áfram 115þ á mánuði. 40þ frá ríki plús 24þ séreignasp greidd inn á lánið aukalega og fór í það að lækka lánið.

Gallinn er að ríkið verður af skattalegum tekjum (49.600 á mánuði vegna þessarar fjölskyldu) Áætlað 16 milljarða tekjutap á ári brúttó. (tekið úr tómum ríkissjóði, lánskostnaður bætist við)

Annar galli: nær bara til þeirra sem standa í skilum.

[Anna Sigríður Guðmundsdóttir, 23.4.2013 kl. 13:51]

Halldór minn. Það er ekki búið að kjósa.

Kosningarnar eru næstkomandi laugardag, þann 27. apríl, eftir því sem okkur hefur verið sagt af fjölmiðlum þessa lands.

Þú hefur meiri þekkingu og reynslu af að fylgjast með pólitík en ég, og þess vegna spyr ég þig að útskýra fyrir mér, af fullri einlægni og hreinskilni, hvers vegna verið er að tala um stjórnarmyndun núna, þann 23. apríl?

Svo langar mig líka að spyrja þig hvort þú vitir eitthvað um, hvort það er satt, að eigendur MMR séu tengdir inn í bankakerfið?

MMR er víst að gera skoðanakannanir, og mikilvægt að ekki sé verið að blekkja og hafa áhrif á skoðanir fólks, með ó-ábyggilegum skoðanakönnunum og fjölmiðlaumfjöllun í kringum þær.

Lýðræði og sjálfstæði eru tvær hliðar á sama teningnum.

Heimurinn verður ekki heiðarlegri og betri en við gerum hann sjálf, með okkar heiðarlegu og réttlátu gagnrýni um alla siðblindu og spillingu.

Spilling og meðvirkni alvarlegum lögbrotum og stjórnarskrárbrotum kom okkur í þá stöðu sem við erum í dag. Og þar þarf leiðréttingin að byrja ef við ætlum að sleppa við enn meiri bankarán.

Neyðarlög verða að leysa bráðavanda almennings, til að bjarga lífi og heilsu.

Það er verkefni allra að vera vakandi og segja frá því sem ekki stenst lög og reglur, í siðmenntuðu landi.

Enginn veit allt en allir vita eitthvað. Við verðum að uppræta spillinguna í sameiningu, sem viljum raunverulegt siðferðis-samfélag.

Sameinuð stöndum við og sundruð föllum við öll aftur, og jafnvel innan 36 mánaða!

M.b.kv.

[Júlíus Björnsson, 23.4.2013 kl. 16:19]

Erlendis er mjög erfitt að selja almenar fasteignir sem er meira en 80% veðsettar, miðað við nýbyggingarkostnað og verðhugmyndir í þroskuðum 30 ár hverfum.  USA fasteignveðmat er endurskoðað á 5 ára fresti og tekur ekki miða að hlutbréfa vísatölu: frekar meðallaunum í hverfinu. Þetta tvennt skiptir miklu máli fyrir launastöðuleika í þroskuðum ríkjum.  Real intrest rate er er skilið í kauphöllum sem yielding rate over average [in sectors]. Realit rate á Íslensku er ekki til í markaðríkjum nemna þá sem total average rate. 

Gjalddagar jafngreiðslu veðskulda almennra neytenda eru 80% 360 jafnháar greiðslur með fyrir fram reiknum 30 ár verðbótum.  Max 150% verðbólga næstu 30 ár.

  þar er um 1/30 veðskulda á síðast ári og 1/30  á fyrsta ári , þegar hverfi eru 30 ára.  50% er því með fleiri gjaldaga en 180 að jafnaði.

Hér um 2000 voru um 90% minnst skulda með fleiri gjaldaga en 180. Allgjörla drasl veðsöfn  sub Prime og það merkir að geta veið stundu í 5 ára samhengi í áhættu lagi. 


Hér er því hægt að skipta út öllu drasli sem lifir lengur en 15 ár. 

Dæmi : 15 ára eftir 180 gjaldagar , nýtt vinsælt veðskuldarform á Aljóðmælikvarða Private banking geira [stunda ekki millifærslur milli veðsafna á áhæutt raunvaxta álagi]
yrði þá 180 x 2/3 + 60 = 180 gjaldagar,  hver borgar innstreymi eftir 15 ár sennilga hærri meðallaun að raunvirði á markaði.

Veðskuld 480 gjaldagar yrði 380 gjalddagar. Hver borgar eftir 32 ára, börn og barnbörn þeirra sem eru borga núna.

Lagist þrauvarsjóðveðsöfn á Íslandi, security rate lækkar niður Alþjóðlegt  [kallað nafnvextir á Íslensku veðskuldar formunum] þá geta Private banking lögaðilar byrja að lána hingað aftur.   Samkvæmt AGS hættu þeir um 1998.  Þá var þetta litla af örggum veðum bankanna búið. Lífeyrisjóðir einokuð allan markaðinn : kauphöll, íbíðalásjóður.  Rifjum  upp að fyrir 1984 átt sjárútvegur nóg veð og fékk lánað bein frá UK og Þýsklandi. þegar lá fyrir mikill niðurskurður á bankveðum og raunkostnaði í sjávarútveg hér, þá var byrjað að lána út át veðsöfn bankanna, sem voru öllu búin um 1998.   Thors var Dani og skildi málið hinna greindu á meginlandinu jafn vel og ég.  Það geta allir heyrt á mæli Íslendinga þegar þeir tjá sig á annarra ríka tungum  td. ensku að þeir hugsa svipað og millistéttir í UK.  þýða Íslensk orð yfir í ensku : þroskað: mature, neysluvítala: consumption numer , raunvextir: realty groth rate: efnahagreinkingur : econical account, eigið fé: my own cash?  samkeppni: compete together.

Reality groth rate er samanburðar PPP þegar risar eru að tala saman. Raunvirði meðallauna. 30 % lægra hér í samaburði við OCED ríki. lægri en á Írlandi. þessi lækkun á PPP hefur verið 1,0% á hverju ári síðustu 30 ár: upplýingar eru allar hjá hagstofu. Meðan erlendir átu upp hér alla varsjóði framtíðar.    Björgólfur og hinir munu ekki hafa stundað hér Private banking heldur factor, eða commercial charter starfsemi eins og lífeyrsjóðirnir : hámarksávöxtun á world yielding market.  Enda vel liðnir í UK.

[Anna Sigríður Guðmundsdóttir, 23.4.2013 kl. 17:01]

Bíldudals-miljónafélagið er enn með stjórnartaumana á íslenskri stjórnsýslu, eða hvað?

M.b.kv.