Móðursýki

stjórnar fréttaflutningi landsmanna að verulegu leyti.

Myndir frá því hvernig fordrukkin og illa til hafður kvenkyns áfengissjúklingur ræðst gegn valdstjórninni ítrekað, sparkar í bíl þeirra  og kórónar verkið með því að hrækja í auga lögreglumanns sem neyðist þá til að handtaka hana. Beitir viðurkenndum aðferðum við það.

Hrákinn sést ekki á mynd og því búa fjölmiðlar til óþarft lögregluofbeldi og móðursýki til úr atvikinu.

Verulega hættuleg aðför sjúkrar manneskju að lögreglumanni, sem fær svo sýkingu í augað sem óvíst getur verið hverrar gerðar er og hversu alvarleg, endar með því að lögregulmaðurinn er rekinn. Sjálfsagt er gerandinn kominn á götuna aftur jafnsjúkur og jafnvel tvíefldur til átaka.

Til hvers erum við með lögreglu? Er það ágæt leið til að fá lögreglumenn rekna úr starfi að hrækja í auga þeirra og fara í slag við þá? Finnst fólki þessar aðfarir gegn lögreglunni okkar í lagi?

Fjölmíðlar ættu ekki að spila á móðursýki almennings með þeim hætti sem þeir gerðu í þessu máli.

 

 

 

 

 

Athugasemdir

[Jack Daniel's, 10.7.2013 kl. 09:14]

Ömurlegur málflutningur hjá þér Halldór og þér til háborinar skammar.

Hvar sparkar hún í bílinn? Hún er varla með rænu þar sem hún er það drukkin og hefði ekki getað sparkað í bílinn.  Hins vegar keyrir lögreglubíllinn utan í hana þegar hún er komin nánast upp á gangstéttina og maður sér greinilega að spegillinn aflagast við það.
Þegar síðan lögreglumaðurinn stekkur út og þrífur í hana þannig að hún dettur á bekkinn, þá stórskaðast hún.  Hún er öll marin og slösuð eftir þessa meðferð og réttast væri að hún kærði helvítis hrottann sem fór svona með hana.
http://www.visir.is/konan-aetlar-ad-kaera-handtokuna/article/2013707109961

[Hrólfur Þ Hraundal, 10.7.2013 kl. 09:37]

Rétt Halldór, móðursýki upppumpuð af hinu svokallaða RÚF. 

[Ómar Ragnarsson, 10.7.2013 kl. 10:38]

Gat nú verið að RUV væri kennt um mynd, sem var búin að fara sem eldur í sinu á netinu áður en hún birtist hjá sjónvarpsstöðvunum!

[Hilmar Sigurðsson, 10.7.2013 kl. 16:11]

Halldór ! Les þig alltaf.  En nú stefnir í að ég hætti því.  Hrikalegt þetta innlegg þitt.  Um er að ræða ofbeldi lögreglu við sjúkling.  Sem gamall skáti hefði ég lagt konuna á bekkinn, hringt í sjúkrabíi, og talað hana niður í rólegheitunum.  Á heima á sjúkrastofnun en ekki fangelsi.  Minnir illa á fréttir utan úr heimi  um ofbeldi lögreglu.  Að Landssamband lögreglumanna skuli vera með yfirlýsingar um ágæti "handtökunnar" tekur svo steininn úr.  Fráleitt á meðan á rannsókn stendur. Hvaðan hefur þú uppl. um hráka í auga, og sýkingu í framhaldinu?

[Marta B Helgadóttir, 10.7.2013 kl. 16:56]

Óskaplega er þetta vitlaust innlegg frá þér Halldór.

Þessi handtaka var fyrir neðan virðingu lögreglunar, það eru svona vinnubrögð sem koma á hana óorði.

Konan gat ekki staðið í lappirnar svo ekki var mikil ógan af henni og ekki var karlmennskunni fyrir að fara í viðbrögðum lögreglumannsins.

Ef starfsmenn lögreglu fara á taugum og beita ofbeldi af ekki alvarlegra tilefni en þarna átti sér stað, þá eru menn ekki hæfir til starfans. Það er ekki nóg að lögreglumaður sé sterkur og kunni að slást, menn þurfa líka að hafa snefil af skynsemi og kunna að leggja mat á aðstæður.

Ef einhver hysería var í gangi þá var hún hjá þessum tiltekna lögreglumanni.

[Marta B Helgadóttir, 10.7.2013 kl. 17:03]

Óskaplega er þetta vitlaust innlegg frá þér Halldór.

Þessi handtaka var ekki samboðin virðingu lögreglunar, það eru svona vinnubrögð sem koma á hana óorði.

Konan gat ekki staðið í lappirnar svo engum stóð ógn af henni. Ef starfsmenn lögreglu fara á taugum og beita ofbeldi af ekki alvarlegra tilefni en þarna átti sér stað, þá eru menn ekki hæfir til starfans. Það er ekki nóg að lögreglumaður sé sterkur og kunni að slást, menn þurfa líka að hafa snefil af skynsemi og kunna að leggja mat á aðstæður.

Ef einhver hystería var í gangi þá var hún hjá þessum tiltekna lögreglumanni.

Það er fullkomlega réttlætanlegt að almenningi misbjóði þegar ofbeldi er beitt af tilefnislausu.

[Marta B Helgadóttir, 10.7.2013 kl. 17:19]

Þú mátt eyða fyrri athugasemdinni frá mér, mér sýndist hún ekki hafa vistast inni.

[Halldór Jónsson, 10.7.2013 kl. 18:23]

Marta, ég kann ekki a' breyta athugasemdum hjá mér né þér.

Auðvitað er leiðinlegt að horfa uppa svona og það hefði ekki komið til þess nema vegna þess að hún hrækti í augað á löggunni. Það er hættuleg beiting á því sem getur verið hættulegt.Mé er til efs að Hilmar hefði reynt að sansa vesalinginn eftir það en það má vel vera að hann sé slíkur maður.

[Halldór Jónsson, 10.7.2013 kl. 18:27]

Kannski fer þetta bara fyrir dóm og þá er rétt að bíða þess. Þá kemur bara í ljós hversu vitlaus ég er. En mér sýndist þetta svona þó ég hafi ekki legið yfir myndinni. Auðvitað sárvorkenni ég konunni af mörgum ástæðum. En hún er ekki blásaklaus.

[H.T. Bjarnason (IP-tala skráð) 10.7.2013 kl. 18:33]

Fólk sem er drukkið er ekki endilega með sjúkdóminn "alkóhólisma".

[Marta B Helgadóttir, 10.7.2013 kl. 19:05]

Ég þekki konuna ekkert og þú ekki heldur. Þess þarf ekki til að hafa skoðun á atvikinu en þú ert með fullyrðingar í þínu innleggi sem eru skáldskapur. Þú veist ekkert um hvort konan er alkóhólisti eða ekki. Þú fullyrðir að hún hafi sparkað í bíl lögreglunnar, það er augljóst á myndbandinu að það gerði hún ekki, hún hefði væntanlega ekki getað það af því hún stóð ekki undir sjálfri sér.

Ég hef ekki haldið því fram að konan sé blásaklaus. Að sjálfsögðu átti að handtaka þessa konu fyrir sinn þátt, en ekki á þennan hátt. Ofbeldi er og á alltaf að vera ólíðandi.

Við erum bæði uppalin við það viðhorf Halldór að bera virðingu fyrir lögreglunni og að hún sé til fyrirmyndar. ;)

[Halldór Jónsson, 10.7.2013 kl. 21:31]

Marta mín, ég held að sú manneskja sem drekkur sig svona fulla eigi við drykkjuvandamál að stríða. Er dryjjuvandamál ekki endilega alkóhólismi? Mér finnst það dálítið langsótt en maður getur alltaf lært eitthvað nýtt.

[Halldór Jónsson, 10.7.2013 kl. 21:31]

drykkjuvandamál átti það að vera

[Marta B Helgadóttir, 11.7.2013 kl. 00:10]

Þessi skrif þín hérna eru þvæla Halldór.

[Halldór Jónsson, 11.7.2013 kl. 00:16]

Hvar hefur þú lært svona mikið um áfengisvandamál Marta?

[Marta B Helgadóttir, 11.7.2013 kl. 00:39]

Ég er að vitna til sjálfrar færslunnar þinnar þegar ég nota orðið "þvæla".

Áfengi er ekki og hefur aldrei verið mín freisting, bara svo það komi nú fram fyrst þú spyrð. Það verður varla sagt að ég snerti það yfirhöfuð.

Hinsvegar hef ég séð eitt og annað gerast, einmitt af því ég er sjálf venjulega edrú. Fólk getur orðið illa drukkið þó það sé ekki áfengissjúklingar. Ég er ekki að verja það að fólk verði ofurölvi.

Þetta vita flestir sem eru eldri en tvævetur.

Því síður dettur mér í hug að verja það að konan sé "ótilhöfð" á almannafæri (grín!:) ) og enn vitna ég til færslunnar þinnar.

[Halldór Jónsson, 11.7.2013 kl. 00:59]

Kæra Marta(Smarta?). Þegar ég blogga þá skrifa ég það sem í hugann kemur. Ég ligg ekkert yfir því hvort þetta orð eða hitt þoli réttarskoðun. Ég reyni að vera vægur í orðanotkun en tekst það greinilega ekki þér til geðs og heldur ekki Hilmari.

En ég er bara svona, einfaldur og illa meinandi líklega að sumra áliti.

"Ordnung muss sein" var mér kennt í Þýskalandi í gamla daga, valdstjórnin hefur sinn gang. Pólarnir þar drógu upp byssuna ef maður reif kjaft. Menn hættu því flestir yfirleitt snarlega.

Það voru líka allskyns skrækir í gangi í þá daga yfir Polizeibrutalität, sem stundum skaut einhver Warnungsschuss durch den Kopf. Þetta atvik sem við erum að geisa okkur yfir er sem betur fer vægt miðað við sumt sem maður hefur haft spurnir af.

[Halldór Jónsson, 11.7.2013 kl. 01:02]

Hvað lögreglu varðar þá myndi ég ekki sjá hvað gerðist eftir það sem þessi kona er að gera til dæmis í New York. Þar er löggan ekki með nein vettlingatök.

[Marta B Helgadóttir, 11.7.2013 kl. 01:19]

Ég hef sjálf verið í skóla í Þýskalandi og líkaði vel að dvelja þar. Ég kann að meta að reglur séu skýrar og þeim fylgt eftir. Það veitir öryggiskennd sem er bara gott mál.

Þessi lögreglumaður var ekki að gera neitt slíkt. Hann stjakaði við konunni með sjálfum BÍLNUM fyrst og síðar með bílhurðinni. Þá fyrst skyrpir hún á hann inn um gluggann. Það er augljóst á myndbandinu að hún gat ekki einu sinni borið hönd fyrir höfuð sér.

Lögreglan er ekki hafin yfir gagnrýni og það er kjarni málsins.

Þessi kona þurfti bara aðstoð, hún var nánast ósjálfbjarga. Eðlilegast hefði verið að aðstoða hana við að setjast á bekkinn, útvega henni leigubíl svo hún kæmi sér heim. Það er það sem við borgararnir hefðum ætlast til af þessum lögreglumanni. Hann hafði hins vegar ekki yfirvegun til að ráða við það létta verk. Verst af öllu er að samtök lögreglumanna skuli reyna að verja þessa vitleysu.

[Halldór Jónsson, 11.7.2013 kl. 09:01]

Hvað á lögreglumaður að gera sem fær hráka í augað? Opna bara hitt? Marta mín, það er óafsakanlegt að hrækja í augað á löggu. Menn fá ómjúkar viðtökur við það. Reyndu það hvar sem er.

Enginn leigubíll hefði tekið þessa konu upp í bíl til sín.

[Marta B Helgadóttir, 11.7.2013 kl. 11:18]

Varðandi leigubílinn eru að setja fram enn eina fullyrðingu sem er bara þvæla, vegna þess að á það reyndi jú ekkert.

[Már Elíson, 11.7.2013 kl. 14:06]

Halldór....Þú hlýtur að þurfa læknishjálp. Nú ertu formlega orðinn bilaður. Það hefur sést á skrifum þínum lengi að þú gengur ekki heill, en núna kórónaðir þú allt og komst upp um innbyggða sýki þína og forheimsku. - Kallgreyið.

Þú virðist það skemmdur að sjáir ekki hvað er að gerast utan þíns forheimska heims, lest ekki sannleika, umbreytir því rétta í þá átt eins og ÞÚ vilt hafa það, horfir ekki á upptökur af hrotta-aðferðum lögreglunnar nema í gegnum þokukennd gleraugun, og það versta, að sjálfsögðu, ; - Mælir því bót. - Vesalings maðurinn...Þú átt bágt, Halldór. - Þú átt jafn bágt og lögreglumaðurinn sem sagði, að það hefði verið "óheppinlegt" að bekkurinn skyldi vera þarna á Laugaveginum.

Þú hefur átt þess kost (einhversstaðar hér á korkinum) að leiðrétta þig, og jafnvel skammast þín, en hefur ekki gert það. - Það ber vitni um heimsku, og það af yfirlögðu ráði.

Ef þú skoðar myndbandið, kjáninn þinn, þá sérðu að stúlka "frussaði" á hrottan í meters fjarlægð inn í bílinn og þegar hann er búinn að berja hana tvisvar með hurðinni og setja sín 90 kíló ofan á hana í götunni og enda með því að henda henni af offorsi inn í bíl eins og hveitipoka, þá lítur hann á "frussið" (meintan hráka) á hendinni á sér, lagar spegilinn sem hann hafði slengt á stúlkuna, og keyrir í burtu.

Þetta geturðu séð ef þú þrífur gleraugun, Halldór.

[Marta B Helgadóttir, 12.7.2013 kl. 10:08]

Mín lokaorð í þessari umræðu Halldór eru þau að framkoma konunnar var vissulega ekki til fyrirmyndar, en hún var minni máttar í þessum aðstæðum svo ekki varð um villst.

Framkoma lögreglumannsins var honum sjálfum og embættinu til háborinnar skammar, beinlínis til þess fallin að rýra traust fólks á störfum lögreglunnar.

[Marta B Helgadóttir, 14.7.2013 kl. 22:34]

http://www.dv.is/frettir/2013/7/8/stora-handtokumalid-logreglumadurinn-hefur-adur-brotid-af-ser/