Halldór Jónsson

25.8.2013 | 09:21

Yfir 50.000 hafa skrifað undir

stuðningsyfirlýsingu við Reykjavíkurflugvöll.

Þorkell Guðnason skrifar svo á sit blogg:

" Skipulagsyfirvöld Reykjavíkur 1940 völdu framtíð flugs stað við Vatnsmýri

Borgarráð samþykkti tillögu skipulagsnefndar um framtíðarstaðsetningu innanlands og millilandaflugvallar við Vatnsmýri tveimur mánuðum fyrir hernámið 1940.

Það var gert að undangenginni skoðun og rannsóknum skipulagsyfirvalda á mörgum öðrum valkostum. Þá vissi enginn hvort Bretar eða Þjóðverjar væru líklegri til að ráðast hér inn.

Stórhuga framtíðardraumar bæjaryfirvalda um flugvöll á þessum stað rættust, fyrr en nokkur þorði að láta sig dreyma um, vegna hins skelfilega ástands sem þá var í heimsmálunum.

Skömmu síðar var íslensku þjóðinni fært þetta fjöregg, nánast á silfurfati.

Það varð undirstaðan sem íslensk flugstarfsemi byggir ennþá á.

Sjá hér grein Mbl frá 10.mars 1940 - Ekki ætti að þurfa frekari vitnanna við: http://timarit.is/files/12228054.pdf

Borgaryfirvöld nýttu sitt skipulagsvald til frambúðar á þessum stað í mars 1940

Við búum á eyju og flugstarfsemi er grundvallarþáttur í lífi landsmanna. Nútímasamfélag á Íslandi er órofa tengt flugi, flugstarfsemi og flugsamgöngum og óhugsandi án þeirra.

Flugvöllinn ber að friða um ókomna tíð gegn dægurþrasi, hentistefnu pólitíkusa."

Hér er sannleikurinn um staðsetningu flugvallarins sagður. Það voru Reykvíkingar sjálfir sem staðettu völlinn þar sem hann er á Skildinganesmelum og í Vatnsmýri. Að ráðast gegn honum núna er vanvirðing við skipulagsvinnu gegninnar kynslóðar Reykvíkinga sem lagði sig alla fram um að móta framtíð borgarinnar. Hvaðan kemur Gísla Marteini, Gnarrinum og Degi B. sú viska að þeir viti betur en þeir kjörnu fulltrúar þess tíma.

50.000 er ágætt en betur má ef duga skal.

Flokkur: Stjórnmál og samfélag | Facebook