Á Sprengisandi

er Vilhjálmur Egilsson  mættur og kallar skoðun Kára á skattlagningu bankanna "Jóhönnulega".

Hann rifjaði upp veru sína í Verslunarráðinu á sínum tíma. Ég sat í því ágæta ráði mér til mikillar ánægju og gagns því ég kynntist þar mér fremri mönnum með meiri reynslu. Mér er minnistætt hvenrig Mannsi í Pfaff var óánægður með þegar framkvæmdastjórinn greiddi ítrekað atkvæði á Alþingi gegn stefnu hins vinnuveitandans síns, Verslunaráðsins, sem ekki vildi sérstakan skatt á verslunar og skrifstofuhúsnæði. Mannsi hætti en Villi hélt vinnunni.

Dr. Vilhjálmur var ekki sammála dr. Kára um gagnsemi Bifrastarskólans og taldi einhvern Bifrastarglampa í augum gamalla nemenda sanna gagnsemi skólans. Við MR-ingar sáum líka glampa í augum Laugvetninga þegar þeir voru að segja okkur sögurnar sem skeðu á heimavistinni þar og við vorum fjarri.  

Ég á góðar minningar frá fundum í Verslunarráðinu frá þessum árum og fannst ráðið hafa miklu þjóðfélagslegu hlutverki að gegna á þeim ofstjórnarárum sem þá voru. Mér fannst hann doktor Villi alltaf góður og gegn og vel hugsandi maður og finnst það enn. En þjóðhagspurningunni um framhald skólans á Bifröst held ég að hann eigi ekkert með að svara úr því að hann greiðir ekki kostnaðinn sjálfur eins og við gerðum í Verslunarráðinu.

Mér finnast tillögur Kára hreint ekkert Jóhönnlegar því þær leiða til augljóss árangurs fyrir land og þjóð sem er vistalítil á göngu um efnahagslegan Sprengisand. 

Athugasemdir

[Kristmann Magnússon, 29.9.2013 kl. 14:40]

Elsku karlinn minn og Cand.IS

Nú er minnið farið að láta undan hjá þér, því ég hætti ekki í Verzlunarráðinu vegna skatts á verzlunar og skrifstofuhúsnæði heldur þegar Villi fór beint á móti sannfæringu sinni (og okkar) þegar beyting var gerð á EES samningnum og fella átti niður ALLA tolla en hann - sennilega samkvæmt skipun frá æðri stöðum - breytti þeim í vörugjöld og jafnvel hækkaði gjöldin aðeins um leið.

Það mun í mínum augum verða Villa til eilífðar skammar vegna þess að þar fór hann gegn betri vitund og allri þeirri vinnu sem við og hann höfðum unnið áður í Verzlunarráðinu. Ég fór bara ekki úr Verzlunarráðinu heldur einnig úr Sjálfstæðisflokknum og mun ekki koma þangað aftur fyrr en þeir hafa breytt þessu - já og farið eftir samþykktum Landsfundar flokksins þar sem fella skuli niður alla tolla og vörugjöld. Þetta hefur Landsfundur ykkar samþykkt ár efti ár síðustu tuttugu árin í það minnsta, en EKKERT gert. Ég fór eftir sannfæringu minni en þú vildir áfram vera með hirðinni ! ! !

Góður vinur minn og pólitíkus kallaði Villa alltaf "Villa Viðutan" og hann hefur sennilega verið það þegar á þessu stóð, en samt virði ég nú karlgreyið alla vega af og til.

Oftast gaman að lesa þig kæri vinur

Mannsi

[Halldór Jónsson, 29.9.2013 kl. 15:54]

Ja hérna gamle ven, þú fyrirgafst honum þá oftar en einu sinni áður en þú rakst á dyrnar hjá bæði Verslunaráðinu og íhaldinu. Já maður er farinn klikka í minninu. En maður man lengst allskyns vitleysur manna og gönuhlaup út um galopnar hurðir sem er ekki einu sinni hægt að seklla á eftir sér.

Já, þessir helvítis tollar og vörugjöld breytast ekkert þó þú komir okkur í Evrópubandalagið því það er ekkert annað en tollabandalag gegn restinni af umheiminum. Gamli rektorinn okkar hann Ísak hefði áreiðanlega verið á móti allri kerfisvitleyu því hann stofnaði sinn skóla sem byltingu frá viðurteknum venjum í lestrarkennslu sem við búum að enn í dag.

Allt er hressandi gustur af þér Mannsi, það breytist ekkert þó árin líði.

[Halldór Jónsson, 29.9.2013 kl. 15:56]

Ætlarðu ekki að skrifa neinar skammir á bloggið þitt Mannsi

svo maður geti skammað þig eftir því sem með þarf?