Óargadýr?

 Svo segir í Mbl í dag:

 "»Við teljum að ekki þurfi að tilkynna sveitarfélögunum sérstaklega ef við leigjum íbúðir fyrir hælisleitendur í þeim sveitarfélögum,« segir Árni Sigfússon, bæjarstjóri Reykjanesbæjar.

 Bæði félagsmálaráð og bæjarráð Kópavogsbæjar hafa sent frá sér bókanir þar sem m.a. er spurt af hverju Kópavogsbær hafi ekki verið upplýstur um að hælisleitendur hefðust við í leiguíbúðum í bænum sem Reykjanesbær hefði tekið á leigu.

 

Lögreglan á höfuðborgarsvæðinu réðst inn í umrætt húsnæði fyrir viku.

 

Þar voru fimmtán karlmenn handteknir í aðgerðunum. Þeir eru allir af erlendu bergi brotnir og eru enn fremur með stöðu hælisleitenda.

 

Hælisleitendurnir eru allir í umsjá Reykjanesbæjar þrátt fyrir að leigt hafi verið undir þá húsnæði í Kópavogi. Þá sé algengt að Reykjanesbær leigi íbúðir fyrir hælisleitendur í öðrum sveitarfélögum....

 

....Í bæjarráði fór Ólafur Þór Gunnarsson, fulltrúi Vinstri grænna, fram á greinargerð frá bæjarstjóra vegna málsins. Spurði hann einnig um réttarstöðu bæjarins og hvort bæjaryfirvöld hefðu óskað eftir viðræðum við bæjaryfirvöld í Reykjanesbæ eða innanríkisráðuneytið.

 

Árni ítrekar að þessir einstaklingar séu frjálsir ferða sinna hér á landi á meðan þeir bíða eftir úrskurði Útlendingastofnunar. Þá bendir hann á að umræðan sé vandmeðfarin og »ekki megi gera úr þessum hóp einhver óargadýr. Það eru ýmsar ógnir sem steðja að þessu fólki og það kemur hingað til að leita að friði.«[e-mail] "

Hvernig getur Árni fullyrt að þessi hópur sé ekki endilega óargadýr?

Það er nokkuð ljóst eftir atburðina í Kópavogi að íslenskum almenningi stafar mögulega stórhætta af þessu fólki.

Það er rangt að hleypa skilríkjalausu og órannsökuðu fólki á íslenskan almenning. Kópavogshandttakan sannaði minnst 15 af hundraði hælisleitenda reyndust vera óargadýr sem komu hingað til að gera samfélaginu óskunda.

Það er röng stefna að dreifa þeim til beitar í samfélaginu. Þeir eiga að bíða afgreiðslu í búðum á Keflavíkurflugvelli þangað sem þeir koma. Sú aðgerð ein myndi spyrjast út og draga úr aðstreyminu.

Óargadýr þekkjast ekki endilega á útlitinu einu saman. 

Athugasemdir

[Jóhann Kristinsson, 5.10.2013 kl. 10:46]

Mikið er ég sammála þér í þessu Halldór.

Auðvitað átti að senda þetta fólk með næstu flúgvél þaðan sem það kom.

Kveðja frá Niamey Niger.

[Heimir Lárusson Fjeldsted, 5.10.2013 kl. 12:36]

Eiga bæjaryfirvöld að kanna hvers manns kopp?

[Jóhann Kristinsson, 5.10.2013 kl. 12:53]

Mér finnst það að bæjaryfirvöld sem fá svona fólk sé látið vita þegar að verið er að setja afbrotafólk í bæjarfélagið, af hverju var þetta fólk ekki hýst í Reykjanesbæ ef þetta er svona gott fólk?

Auðvitað er þetta fólk afbrotafólk þegar það kemur skilríkjalaust eða með fölsuð skírteini.

Kveðja frá Niamey Niger.

[Aztec, 5.10.2013 kl. 20:20]

Við erum hjartanlega ósammála. Að kalla alla hælisleitendur óargardýr er dæmi um ódulbúinn rasisma. Hælisleitendur eru mismunandi, en það er augljóst, að lögreglan lítur á alla útlendinga sem óargardýr, enda fór löggan með þessa hælisleitendur eins og skepnur.

Hvernig væri ef Kópavogsbær færi að taka á sig einhverjar skyldur í staðinn fyrir að láta öll önnur sveitarfélög um vandamálin? Við vitum að það yrði nýjung, en einhvern tímann verður allt fyrst.

[Gunnar Heiðarsson, 5.10.2013 kl. 21:34]

Óargadýr eða ekki, það breytir engu. Staðreyndin er að þetta fólk er utan íslenskra laga þar til það hefur fengið afgreiðslu inn í landið. Meðan það bíður afgreiðslu á það því ekkert erindi inn í landið, enda ekki með heimild til að vera hér.

Ef skilningur Árna Sigfússonar væri réttur, væri engin ástæða til að afgreiða umsóknir þessa fólks. Ef hann hefur rétt fyrir sér um að þessu fólki sé heimilt að fara hvert sem er um landið, væri engin ástæða til að sóa fé landsmanna í að kanna bakgrunn þess og taka ákvörðun um slíkt. Þá ákvörðun tæki þá fólkið sjálft við komu til landsins!

Umræðan um þetta mál er erfið. Einkum vegna þess að hver sem setur einhverjar efasemdir fram, eða einfaldlega vill að lögum sé framfylgt er dæmdur rasisti og á móti innflytjendum. 

Þetta kemur þó hvorki rasisma við, né neikvæðni við innflytjendur við. Þetta er einungis spurning um að halda hér uppi lögum í landinu. 

Meðan einhver hópur getur gengið um óáreittur utan laga, hvernig er þá hægt að ætlast til að aðrir fari að lögum?

Það er engin ástæða til að ætla að meðal innflytjenda sé ekki fólk sem talist getur til glæpamanna. Það hefur reyndar marg ítrekað komið í ljós að meðal þessa fólks eru einstaklingar sem hér brjóta af sér, mismundi mikið. Ekkert er hægt að gera annað en að yfirheyra þetta fólk. Engin lög ná yfir gerðir þess.

Þeir sem vilja að lögum sé framfylgt og að innflytjendum verði haldið á lokuðu svæði, eru ekki rasistar eða neikvæðir í garð þesa fólks, eða koma neikvæðu orði á hópinn sem slíkann. Um það sjá þeir einstaklingar úr hópnum sem hér ganga um og brjóta lög!!

[Aztec, 5.10.2013 kl. 22:09]

Já, en að álíta að allir hælisleitendur séu afbrotamenn, líka þeir sem ekkert hafa brotið af sér, er hreinræktaður rasismi. Sama hvernig þið pakkið því inn. Það á ekki að setja hóp mismunandi manns undir einn hatt vegna fordóma. Þeir sem brjóta lögin er hægt að vísa úr landi, en þeir esem eru löghlýðnir eiga rétt á réttlátri málsmeðferð. Að löggan handtaki fjölda manns þýðir ekki að þeir hafi allir brotið af sér, end er íslenzka löggan hafin yfir lög og rétt að því er virðist.

Ef ég ætti að fylgja sömu hugsun og þið, þá myndi ég staðhæfa að allir Sjálfstæðismenn í Kópavogi væru spilltir, en ekki bara sumir.

[Elle_, 6.10.2013 kl. 00:42]

Ég trúi ekki að nokkur maður hafi haldið að allir væru sekir.

[Ágúst H Bjarnason, 6.10.2013 kl. 08:57]

Hefur það komi fram hvers vegna lögreglan réðst inn í húsið?

Var það bara tilviljun eða forvitni, eða var raunverulegur rökstuddur grunur um ólöglega hegðun?

[Þorkell Guðnason, 6.10.2013 kl. 12:36]

Varla hafa afskiptin komið til vegna ótta lögreglu við að löghlýðni eða lögleg hegðan gengi þar úr hófi innandyra.

[Jóhann Kristinsson, 6.10.2013 kl. 13:01]

Aztec þessi rasista frasi er orðinn gamall og úr sér gengin.

Það hlýtur að vera að fólk sem er með fölsuð skilríki og jafnvel engin skilríki séu að brjóta lög ef þau eru að ferðast á milli landa sem sagt afbrotafólk.

Ættli að orðabók mundi ekki útskýra orðið afbrotamanneskja sem manneskja sem hefur brotið lög.

By the way, kom til Lagos í dag, ef ég hefði ekki verið með vegabréf og vegabréfsáritun þegar ég kom, þá væri ég ekki að skrifa þessa athugasemd.

Kveðja frá Lagos Nigeríu.

[Halldór Jónsson, 6.10.2013 kl. 13:08]

Ég þakka öllum sem hafa viljað hafa skoðun á þessu máli. Ég veit ekki hver þessi hugdjarfi nafnleysingi er sem telur sig þess umkominn að henda moldarkögglum í þessa umræðu. Ég skil ekki hvernig Mogginn getur liðið svona nfnlausu fólki að vera í umferð. Ég get auðvitað lokað á hann en hjálpar það nokkuð?

En ég vil gera orð Gunnars Heiðarssonar að mínum:

"Þeir sem vilja að lögum sé framfylgt og að innflytjendum verði haldið á lokuðu svæði, eru ekki rasistar eða neikvæðir í garð þesa fólks, eða koma neikvæðu orði á hópinn sem slíkann. Um það sjá þeir einstaklingar úr hópnum sem hér ganga um og brjóta lög!!"

Segir þetta ekki það sem segja þarf?

Svo skora ég á Mökkurkálfa að skýra frá sínu rétta nafni.

[Aztec, 6.10.2013 kl. 13:14]

En Jóhann, þú gætir þá sótt um hæli í Nígeríu og vonað að ekki yrði farið illa með þig.

[Ágúst H Bjarnason, 7.10.2013 kl. 11:39]

Sæll frændi.

Mikið er undarlegt þegar menn þora ekki að skrifa undir eigin nafni.

Margir bloggarar setja það sem skilyrði að menn skrifi athugasemdir undir fullu nafni, og birta ekki athugasemdir nafnleysingja, eða þeirra sem nota aðeins fornafn.

Þú getur haft sama hátt á og margir gera. Stilla bloggið þannig að þú þurfir að samþykkja athugasemdir áður en þær birtast.

Hjá mér gilda þessar reglur.

[Aztec, 7.10.2013 kl. 11:42]

Það er ekkert launungamál, að það kom upp spillingarmál í Kópavogi fyrir nokkrum árum, meðan Sjálfstæðismenn voru með meirihluta í bæjarstjórn.

[Ágúst H Bjarnason, 7.10.2013 kl. 16:08]

María

Ég er sammála því sem þú skrifar 5.10.2013 kl. 22:09 um að   "álíta að allir hælisleitendur séu afbrotamenn"  er rangt.  Vafalítið er ágætis fólk þar á meðal.

Því miður hafa sumir hælisleitendur (vonandi algjör minnihluti) reynst vera óprúttnir, og koma því óorði á hópinn. Þess vegna hættir mönnum til að alhæfa.

[Aztec, 7.10.2013 kl. 16:46]

Já, það eru rotin epli víða. Að villa á sér heimildir með fölsuðum pappírum er auðvitað lögbrot og á að afgreiða það sem slíkt. En það má aldrei vera álitinn glæpur að sækja um hæli. Hælisumsóknir verða að fara í eðlilegt ferli og það er ólíðandi að löggan sé að þjarma að þeim hælisleitendum, sem ekkert hafa til saka unnið.