Evrópufárið

hefur fátt gert fleira nema að skaða íslenska hagsmuni til þessa. EES samningurinn er líklega mesti ófögnuður sem dunið hefur yfir þjóðina. Af hans völdum eyðilögðum við Ameríkuviðskiptin sem við höfðum byggt upp í áratugi. Bréfaguttarnir eru meir að segja búnir að selja vörumerkið Iceland sem einhverjir reyfarar eiga núna og selja asískan skítfisk undir því merki.

Við klufum upp RARIK í tvennt með auknum kostnaði fyrir neytendur sem nú borga tvo rafmagnsreikninga í stað eins sem samanlagt eru hærri en orkan kostaði áður.

Nú erum við búnir að búa til Samgöngustofu sem sameinar fleiri apparöt. Hagræðing segja þeir. Áður fyrr fórum menn með skoðunarpapppírana fyrir einkaflugvélarnartil Flugmálastjórnar sem afgreiddi þá daginn eftir. Nú er komin Evrópureglugerð og EASA í þetta allt. Nú verða menn að bæta við  CAMO skoðunum og fleira í þeim dúr sem ekki er gert í vöggu flugsins Ameríku. Nú má ekki Bretinn nota IMC líftryggingu sína á meginlandinu. Né heldur má ég þar fljúga á gömlum blindflugsréttindum. Evrópa, þetta litla, þrönga og skammsýna sveitaþorp umhverfis Þýskaland og Frakkland sem eru einu alvöru ríkin utan Rússlands. Hvað erum við að kyssa á þessa rassa alla saman?

Einn sem ég þekki lagði inn pappírana fyrir vélina sína fyrir skemmstu. Honum var sagt að hann gæti spurst fyrir um horfurnar  eftir hálfan mánuð. Þá gætu þeir hugsanlega sagt honum hvenær þeir yrðu tilbúnir. Hvað skyldi opinberum starfsmönnum gafa fjölgað mikið við uppsetningu Samgöngustofu? Enda hefur bandarískt skráðum flugvélum fjölgað hér á landi sem er af sömu ástæðum og að fataverslunin er farin úr landi.

Meðan við segjum upp 400 manns í heilbrigðisgeiranum þá ráða stofnanir Umhverfisráðuneytisins 150  nýja starfsmenn. Ætlaði þessi ríkisstjórn ekkki að minnka ríkisböllinn? Fækka stofnunum? Draga saman? Ef þessi ríkisstjórn tekur ekki á þessum málum verður það aldrei.

Er ekki tímabært að við hættum að elta alla vitleysuna frá Evrópu svo sem EES svo og alla staðlana í Eurocode sem eru bara uppsuða upp úr bandarískum stöðlum að því að ég fæ helst séð með íbætingu fleiri sérevrópska ksía og hróa að hætti þýskra grillufangara. Og passa svo ekki við íslenskar aðstæður og við verðum að gefa út þjóðarskjöl þessvegna. Af hverju erum við ekki sjálfstæð þjóð og engum háð nema þegar við viljum sjálf?  Gerum það sem okkur sýnist best, gagnast best og við sjáum að er ekki hrein della?

Förum með þennan EES samning eins og okkur sýnist. Enda gerum við það með gjaldeyrishöftunum. Þessvegna getum við líka afgreitt málefni hælisleitenda á þann hátt sem okkur sýnist bestur. Við getum hætt þessu ráðleysi Útlendingastofnunar og pragrafadekri og tökum á málunum með fleiri endursendingum.

Athugasemdir

[Gunnar Rögnvaldsson, 9.10.2013 kl. 14:44]

Bingó! 

Kærar þakkir fyrir þennan góða og þarfa pistil Halldór

Kveðjur - og haltu vinsamlegast áfram

[Kristmann Magnússon, 9.10.2013 kl. 16:30]

þetta er nú meira andskotans bullið í þér í dag og þú ert bara argur út í þetta vegna nýrra reglugerða í fluginu. Hvað annað varðar þá veit ég ekki betur en

-- að þú sért menntaður í sveitaþorpinu Þýskalandi þar sem þú fékkst örugglega bestu menntun sem völ var á

- -að þú hafir setið fjölmarga landsfundi flokksins þíns þar sem ár eftir ár var samþykkt að afle´tta tollum og vörugjöldum m.a. til þess að fataverslun flyttist inn í landið. Hvað hafið þið gert = EKKERT nákvæmlega EKKERT í þeim málum - Jú þið fellduð niður tolla skv. samningi við EES EN breyttuð þeim bara í Vörugjöld í staðinn og hækkuðu þau um leið

---að þú hafir kosið stjórn ykkar undir kjörorðinu BÁKNIÐ BURT, en þeir sömu aðilar bættu þúsundum aðila í vinnu hjá ríkinu

Farðu upp í Valhöll og skammastu þar - þeir hafa greinilega ekki heyrt í þér

bestu kveðjur

Mannsi

[Heimir Lárusson Fjeldsted, 9.10.2013 kl. 18:27]

Halldór hefur mikið til síns máls, að vanda.

[Halldór Jónsson, 9.10.2013 kl. 22:51]

Takk Gunnar fyrir undirtektir. Ég tek meira mark á þér en honum sem kemur á eftir þér :

Der Fall Mannsi

Gamall geðvondur saumvélakaupmaður sem aldrei gat verið í selskab með neinum, allstaðar útlægur fyrir þverskuna í sér og situr mest í Ameríku og spilar golf. Þaðan leggur hann okkur hinum lífsreglurnar.

Annars er hann Mannsi bara helvíti góður enda þekki ég furtinn síðan í 6 ára bekk hjá Ísak Jónssyni í Grænuborg. Þaðan útskrifuðumst við báðir sem með titlinum: " Hr. cand Ís. Mannsi og Dóri. Mannsi lærði svo á bísness og varð ríkur en ég átti að læra verkfræði en er víst mest blekbullari nú orðið.

Já takk Heimir Fjeldsted, það er sama með þig, ég marka þig meira en hann Mannsa þegar kemur að Evrópusambandinu því hann hefur aldrei vitað hvert hann væri að fara eða hvaðan hann kæmi í pólitík. En hann er ekkert verri fyrir það.

[Gústaf Adolf Skúlason, 10.10.2013 kl. 08:00]

Kærar þakkir fyrir skýran pistil.