Ég gleymi því ekki

hvernig lögregluliðið okkar stillti sér upp djarflega gegn brjáluðum skrílnnum haustið 2008. Þegar grímuklæddir mökkurkálfar skutust um óátalið innan um mannfjöldann  og hentu grjóti í lögregluna og Alþingishúsið. Þetta voru í mínum augum terroristar sem verðskulduðu að fá afgreiðslu sem slíkir. En við við sem þjóð höfðum ekki afl til þess.  

Kvöld eftir kvöld var þessum örþreyttu hraustmennum lögreglunnar stillt upp til varnar opinberri stjórnsýslu.  Kvislingalið úr röðum  þingmanna innan Alþingishússins hvatti skrílinn til  dáða í gegnum símkerfið.  Alþingishúsið og Stjórnarráðið voru grýtt og svívirt og skríllinn henti grjóti og hverju sem er í þessi hús og þessa  góðu Íslendinga í lögreglunni okkar. 

Þegar öll sund virtust vera að lokast komu ungir menn úr múgnum og stilltu sér upp fyrir framan örþreytta lögreglumennina við Stjórnarráðið og buðu skrílnum byrginn. Óttalausir buðu þeir sig fram sem skotspæni. Líkt gerði  Dorrit forsetafrú þegar hún horfði hnarreist í augun á óreirðaseggjunum  á Austurvelli meðan frægðarmenn skutust að baki henn inn um bakdyrnar í Alþingishúsinu eins og minkar í holu. 

Þetta fólk sýndi hugrekki sem ég gleymi ekki.  En það munaði ekki miklu að skríllinn hefði betur. Ég spyr mig af hverju var ekki skotið táragasi eins og 30. mars? Hvar voru hvítliðarnir með kylfurnar?

Þarf ekki að vera til fjölmenn varalögregla sem er hægt að kveðja upp og er reiðubúin að leggja til atlögu við brjálaðan skríl og dreifa honum ef sú staða kemur upp. Íslendingar eiga ekki að þola það að gerð séu slík áhlaup á lýðveldið.

Í skrílnum voru nafnkunnir menn sem breyttust í óargadýr. Við slíkt hugarástand  verður ekki talað nema með kylfum og gasi. Líklega eru margir núna sem vilja ekki láta endursýna myndirnar af sér frá þessum tíma. En þær eru til.

Við óargardýr verður ekki fengist með rökum. Sé reglan í þjóðfélaginu brotin niður tekur við borgarastyrjöld. Vopnaðar sveitir geta myndast á örskammri stund og þá er voðinn vís eins og dæmin sanna.

Ég var á Austurvelli 30. mars 1949. Vegna æsku minnar þá skildi ég ekki ógnina til fulls. Ég var heima í elli minni við sjónvarpið  haustkvöldin 2008. Þá fannst mér ég skilja hvað fram fór.

Vonandi lifi ég ekki að sjá neitt þessu líkt aftur.  En ég gleymi þessum atburðum ekki og þeim leikurum sem ég kenndi deili á.

 

Athugasemdir

[Hrólfur Þ Hraundal, 14.10.2013 kl. 00:52]

Sá sem ekki kann að verja sig er illa staddur.  Sá sem ekki má verja sig er fangi.  Ef við skoðum þetta aðeins nánar, þá var Íslenskri  þjóð nauðgað með því að grýta gæslumenn hennar á örlaga tíma.  

Ég legg því til að næst þegar svona gerist þá setjum við löggæslu menn okkar ekki í þá hættu að mæta svona skríl án sæmilegra  verkfæra til að verjasig.   

[Wilhelm Emilsson, 14.10.2013 kl. 04:41]

"Hvar voru hvítliðarnir með kylfurnar?" segirðu. Er það ekki uppskrift að borgarastríði, sem þú segir að sé af hinu illa, að Íslendingar skipi sér í vopnaðar fylkingar og berjist á götum úti?

[Jón Þórhallsson, 14.10.2013 kl. 10:02]

"Að hver þjóð verðskuldi það sem hún kýs yfir sig".

(Segir máltækið).

[Skeggi Skaftason, 14.10.2013 kl. 11:38]

Í skrílnum voru nafnkunnir menn sem breyttust í óargadýr.

Hverjir voru það?

[Bjarne Örn Hansen (IP-tala skráð) 14.10.2013 kl. 12:03]

Þessi skríll, sem þú talar um er sami skríllinn og barði niður Lúðvík 14 í Frakklandi, og Keisarann í Rússlandi.  Þetta er sami skríllinn of fylgti sér í fylkingu gegn Englandskonungi, og sami skríllinn sem stóð gegn stríðinu í Vietnam.

Ég legg til, að "næst", taki menn um sömu herför gegn svívirðilegum illmennum, sem strika út sínar eigin skuldir og á sama tíma setja öreiga landsins á götuna.  Láta aldraða og fátæka borga fyrir hjúkrun.  Og þessir menn séu látnir finna fyrir sömu afdrifum, og aðrir mysindismenn sem níðast á almenningi, eins og Saddam Hussein, Hitler og Ghaddafi.

Næst, þegar menn vejla að berja á almúganum í lýðræðsiríki, er þá ekki kominn tími til að taka fram heigaflana.

[Már Elíson, 14.10.2013 kl. 12:34]

"Vonandi lifi ég ekki að sjá neitt þessu líkt aftur..." - Það er alveg klárt mál að þú verður ekki hér NÆST þegar þetta gerist...því þetta mun að sjálfsögðu gerast aftur, þegar nánast heil þjóð (að þér og þínum líkum undanskildum) verður fyrir þjófnaði og niðulægingu af þínum mönnum.

Hafðu því engar áhyggjur.

[Jón Valur Jensson, 14.10.2013 kl. 13:45]

<p>Góður pistill, Halldór. Af yfirsýn og réttsýni skoðarðu það sem gerðist og leggur glöggan dóm á það.</p>

Bjarne Hansen virðist hins vegar ekki kippa sér upp við, að bolsévíkar drápu með köldu blóði ekki aðeins Nikulás keisara í Rússlandi 17. júlí 1918, heldur konu hans líka, soninn á 14. ári og allar fjórar dæturnar, 17-22 ára.

Er þetta þá rétt lýsing á siðferði Bjarna Arnar Hansen? Vill hann, að það sama fái að viðgangast hér á Íslandi?

Hér er síðasta kunna myndin af Alexei, krónprinzi Rússa, og Olgu systur hans (tekin í maí 1918 um borð í skipinu Russia, sem ferjaði þau frá Tobolsk to Jekaterínborgar, þar sem þau voru myrt:

[Jón Valur Jensson, 14.10.2013 kl. 14:16]

Systurnar Olga, María, Tatiana, Anastasía:

Öllum var þeim fórnað á blóðaltari bolsévismans og milljónum í kjölfarið.

[Jón Valur Jensson, 14.10.2013 kl. 14:18]

Milljónum landsmanna þeirra! Það var ávinningurinn.

[Jónas Gunnlaugsson, 14.10.2013 kl. 16:38]

Hér eru tölurnar piltar, þær eru fengnar á Google. jg

4. 61,911,000 Murdered: The Soviet Gulag State
5. 35,236,000 Murdered: The Communist Chinese Ant Hill
6. 20,946,000 Murdered: The Nazi Genocide State
7. 10,214,000 Murdered: The Depraved Nationalist Regime

[Jónas Gunnlaugsson, 14.10.2013 kl. 16:57]

Ég var aðeins fljótur á mér þarna, flestir vita að Kínverskir kommunistar hafa oftast verið taldir hafa metið.  jg

[Halldór Jónsson, 14.10.2013 kl. 18:50]

Takk fyrir Hrólfur, ég var nokkuð viss um að þú lítur á máin svipað og ég.

Ég skil þig ekki Wilhelm ef þú leggur að jöfnu vopnaðar fylkingar borgara og löglega lögreglu landsins. Lögregla er til þess að láta borgarana virða lög landsins. Þeir voru ekki að því sem fremstir voru í búsáhaldabyltingunni. Skeggi veit áreiðanlega hverjir þar fóru án þess að ég ætli að fara að tyggja einhver nöfn í hann.

Já Jón, Jón Gnarr er tildæmis löglega kosinn. Það var Geir Haarde líka.

Bjarne, það er eitthvað sem ekki stemmir í þínum málflutningi þegar þú fordæmir lýðræði á Íslandi og berð okkar stjórnarfar saman við einræðisstjórnir. Af hverju hugsar þú ekki bara um norskan veruleika?

Már Elísson, ég skil ekki upp né niður í þér.Hvað ertu eiginlega að fara?

Jón Valur, þakka þér fyrir liðveisluna. En það er til fólk sem finnst ranglætið rétt. Hér má skjóta án allarar miskunnar bara ef það kemur Sovétríkjunum að gagni var sagt hér einusinni.

Já Jónas,

Hver drap mest? Góð eru Guðspjöllin þó enginn sé í þeim bardaginn sagði kallinn. Eitt morð er viðrustyggilegt. 1000 morð eru svo sögð bara tölfræði.

Spurt hef ég sautján milljón manns

séu myrtir í gamni utanlands,

sannlega mega þeir súpa hel

ég syrgi þá ekki fari þeir vel.

Svo orti maður sem var viðstaddur réttarhöldin yfir Búkharin og lagði blessun sínu yfir refsinguna. Nú er það allt gleymt og orðin tölfræði.

[Heimir Lárusson Fjeldsted, 14.10.2013 kl. 18:56]

Þakka góðan pistil.

[Wilhelm Emilsson, 14.10.2013 kl. 19:14]

Takk fyrir svarið, Halldór.

Þú notaðir orðið "hvítliðar". Hér er skilgreining á því orði: "Hvítliðar er niðrandi orð notað um þá sem aðstoða lögreglu í átökum við róttæka hópa eða taka sig sjálfir til og berja á þeim sem mótmæla" (Wikipedia).

Íslensk orðabók, ritstýrt af Árna Blöndal, skilgreinir "hvítliða" svona: "(einkum notað af andstæðingum) andbyltingarhermaður; maður sem berst móti verkamönnum (alþýðu) í stéttaátökum (með vopnum eða án þeirra").

Ég lagði þann skilning í orð þín að "varalögreglan" væri samsett af slíku fólki. Í skilgreiningum á orðinu "hvítliði" er það ekki notað um lögreglu.

Ég legg ekki að jöfnu "vopnaðar fylkingar borgara" og "löglega lögreglu landsins." Með því að nota orðið "hvítliði" fannst mér þú vera að gera það. Ef þú gerir það ekki--eða gerðir það og hefur skipt um skoðun--þá er málið útrætt.

[Halldór Jónsson, 15.10.2013 kl. 11:16]

Ég hafði ekki annað í huga egar ég talaði um hvítliða að ég mundi að aðstoðarmenn lögreglu sem gerði útrásina 1949 var síðan kölluð hvítliðar. Þetta voru borgarar sem lögregla kvaddi til og útbjó. Ekki veit ég frá hverjum þessi nafngift kom, kannski Þjóðviljamönnum. Ég hafði enga hugmynd um að orðið hvítliði hefði einhverjar aðrar merkingar. Var ekki talað um hvítliða í rússnesku byltingunni sem Lenin svo stal? Fyrir mér var þetta bara orð sem var notað um þá vösku sveit sem lögregla kvaddi sér til aðstoðar þegar kommúnistar gerðu áhlaup á lýðveldið.

Ég var að velta því fyrir mér hvort ríkið okkar þurfi ekki að hafa undirbúning sem hægt er að grípa til í svona tilvikum. Ég geri greinarmun á aðstoðarliði ríkislögreglu og vopnuðum sveitum upphlaupsmanna eins og nú djöflast í Sýrlandi.Þar eru samankomnir allskyns lukkuriddarar og málaliðar og útsendarar annara ríkja og svo allskyns sjálfboðaliðar sem vilja skemmta sér við að drepa fólk. Svo flýr fólkið þessar skepnur og verður að flóttamannavandamáli sem við Íslendingar eigum að leysa. Í satað þess að aðstoða Assad við að koma á friði þá eru kvalirnar dregnar á langinn. Afleiðingin er farsi eins og Vesturlönd komu á í Libíu og Egyptalandi.

[Jón Valur Jensson, 15.10.2013 kl. 15:28]

Hvítliðarnir í Rússlandi voru fylgismenn keisarans, sem háðu stríð gegn bolsévikum eftir októberbyltinguna, þó reyndar ekki að hvatningu keisarans.

Það er spurning, hvort keisarahatandi kommúnistarnir, sem voru uppivöðslusamastir í atganginum að Alþingi 1949, hafi ekki gefið andstæðingum sínum úr röðum almennra borgara (m.a. Heimdellingum) þessa nafngift, hvítliðar, í niðrunarskyni.

En hvítliði er svo sannarlega sæmdarheiti. &#39;Rauðliðar&#39;, &#39;brúnstakkar&#39; og &#39;svartstakkar&#39; eru hins vegar vansæmdar-orð (um kommúnista, nazista og fascista). Og af verkum sínum verða menn allir dæmdir.

[Starbuck, 15.10.2013 kl. 15:41]

Ég gleymi ekki eiginhagsmunagæslu og ranglæti Sjálfstæðisflokksins gagnvart almenningi í landinu í fortíð og nútíð.  Sem betur fór var Hrunstjórninni komið frá völdum með byltingu, annars væri ástandið í landinu mun verra en það er.   En hvers vegna þjóðin asnaðist til að kjósa þetta lið yfir sig aftur á ég erfitt með að skilja.

[Anna Sigríður Guðmundsdóttir, 15.10.2013 kl. 16:19]

Ég man þegar ég í einfeldni minni mætti við þingsetningar-mótmæli, þegar VG-skemmdu eplin & co höfðu farið í gegnum sitt fyrsta svika-korter í ríkisstjórninni.

Ég bað fólk um að róa sig niður og hætta þessum árásarhams-aðför að ungum lögregludrengjum, þegar ég sá hvernig átti að rústa ungum og fórnfúsum lögreglu-drengjum, sem búið var að stilla upp í fremstu víglínu!

En auðvitað virkaði það afskaplega takmarkað hjá mér.

Geir Jón "löggu-kórdrengur" var svo aftar en í fremstu víglínu, og virtist ráða allri atburðarrásinni, með sína lifandi ungu löggu-skyldi til að fórna sér! Fórna sér til þess taka á sig það sem gerðist í fremstu víglínu!

Þessu gleymi ég líklega aldrei.

Vegna þess að mér ofbauð svo gífurlega hvernig ungu og saklausu lögreglufólki var stillt upp sem skjöldum, til að verja gamla spillingar-skúrka lögreglu-dóms-yfirvalda Íslands!

Almættið algóða hjálpi þessum andlega fátæku, en því miður háttsettu embættis-lögregluliðs-hettumáfum.

M.b.kv.

[Wilhelm Emilsson, 15.10.2013 kl. 21:25]

Takk fyrir svarið, Halldór.

Ég skil núna hvað þú ert að fara. Að mínu mati er það slæm hugmynd að kalla út varalið sem samsett er af almennum borgum.  Fagmenn eiga að sjá um lögreglustörf.

Í átökunum við Alþingishúsið 1949 var lagaleg heimild fyrir því að kalla út og útbúa varalið, samkvæmt þeim heimildum sem ég hef séð. Ég veit ekki hvort það er enn löglegt. Ég vona að svo sé ekki. Þess í stað þarf að sjá til þess að lögreglunni sé gert kleift að vinna sitt verk og hafa nægan mannskap. Að kalla út varlið almennra borgara er fúsk, að mínu mati, og uppskrift að vandræðum.

[Wilhelm Emilsson, 15.10.2013 kl. 21:26]

"sem samsett er af almennum borgurum," vildi ég sagt hafa.

[Ólafur Björn Ólafsson, 15.10.2013 kl. 22:00]

Úr lögreglulögum

Lögreglulög

1996 nr. 90 13. júní

"20. gr. Skylda til að aðstoða lögreglu.
1. Ef nauðsyn ber til getur lögregla kvatt sér til aðstoðar hvern fulltíða mann, þar á meðal til að afstýra óreglu eða óspektum á almannafæri. Maður er skyldur til að hlýða kvaðningu lögreglu ef hann getur veitt aðstoð án þess að stofna lífi, heilbrigði, velferð eða verulegum hagsmunum sjálfs sín eða nánustu vandamanna í hættu.
2. Þeir sem kvaddir eru lögreglunni til aðstoðar skv. 1. mgr. fara með lögregluvald meðan þeir gegna starfinu og njóta sömu verndar og aðrir lögreglumenn".

Tek það fram að ef lögregla óskar aðstoðar frá mér þá mun ég svara kallinu, svo lengi ég telji mig geta framkvæmt verkið án þess að leggja sjálfan mig í hættu...

Kveðja

Kaldi

[Jón Valur Jensson, 16.10.2013 kl. 02:27]

Góður Kaldi !

[Wilhelm Emilsson, 17.10.2013 kl. 04:05]

Varðandi varalið:

Heimild um varalið lögreglu var felld niður árið 1996. Árið 2008 var lagt fram frumvarp um að endurvekja þá heimild (sjá frétt á Vísi.is 20. Apríl 2008).

Frumvarpið var ekki samþykkt (sjá frétt á Mbl.is 1. Júni 2008).

20. grein lögreglulaga er í gildi, en er greinilega ekki túlkuð sem heimild til að kalla út varalið. Annars hefði frumvarp um varlið ekki verið lagt fram 2008.