Fleiri bílastæði

á íbúð en ekki færri er það sem þarf. Stefna skipulagsfræðinga um færri en 2 bílastæði á íbúð er bull. Við erum bílaþjóð eins og aðrir Ameríkanar. Við viljum hvorki hjóla né fara í strætó.

Það er fáránlegt að þenja út stóra fleti af dýrmætu landi undir bílastæði. Þetta geta menn séð ágætlega til dæmis úr Perlunni með því að horfa yfir Háskólasvæðið. Glórulaus sóun á flugvallarsvæði. Sama gildir um ný hverfi sem er verið að skipuleggja. Næg bílastæði á að tryggja neðanjarðar.

Bíla á að geyma neðanjarðar og láta þá borga fyrir stæðið. Er ekki sjálfsagt mál að það þarf að geyma bílana sem næst ákvörðunarstaðnum? 

Athugasemdir

[Ómar Ragnarsson, 15.12.2013 kl. 02:50]

Tek undir sjónarmiðið að þeir borgi sem nota sem hluta af því að fólk velji sjálft fararmáta sinn. Japanir skattleggja bíla eftir því hve mikið þeir þekja, þ.e. slá verulega af gjöldum ef þeir eru mjórri en 1,48 og styttri en 3,40.

Lengdargjald væri réttast hjá okkur og í staðinn yrðu önnur gjöld lækkuð sem því næmi.

100 þúsund bílar fara um Miklubrautina á dag. Meðallengdin er líklega um 4,5 metrar.

Ef hún væri 4,0 metrar, sem er alveg nóg, myndu 50 kílómetrar af malbiki verða auð á dag sem annars eru þakin bílum.  

[Halldór Jónsson, 15.12.2013 kl. 12:04]

Ég er nú ekki alveg trúaður á þennan reikning þinn, það er akstursmátinn og persónurnar sem stjórna. Ég er ekkert viss um að það færu fleiri um brautina ef tekinn yrði upp lágmarks eða hámarkshraði.

Gönguljósin við Lídó og gott ef ekki önnur neðar stífla brautina austur í Háskóla og fólk getur hugsanlega skemmt sér við að ýta á þetta skilst mér.

Gatnamótin við Lönguhlíð er önnur þrenging. En þetta stjórnar sér sjálft. Bensínverðið kallar á minni bíla. Ég keyri á 8gata 2tonna af því mér finnst það lífsstíll. Ef sá dagur kemur að ég get ekki keypt allt þetta bensín þá verð ég að fá öðruvísi bíl en auka um leið líkurnar á að vera keyrður í klessu. Það er erfitt að reikna skynsemi í alla hluti eins og til dæmis flugið sem við þekkjum dáldið báðir.

Þetta umferðarvandamál stjórnar sér svo sjálft, ef tafirnar verða of miklar hættir fólk að keyra á þeim tímum og velur sér aðra tíma eða aðrar leiðir.