Hinir góðu hirðar

verðbólgunnar á Íslandi birtast núna sem hér segir:

66,7%  hækkun á vörslugjaldi á verðbréfareikningi í Landsbankanum.

3% hækkun á ferðum Herjólfs.

 24% hækkun á vegabréfum.

11.2% hækkun á útvarpsgjaldi.

25% hækkun á innritunargjaldií háskóla í eigu ríkisins. 

Skyldu þeir Bjarni Benediktsson og Sigmundur Davíð ekki geta nein áhrif haft á þessa verðþróun? 

Reykjavíkurborg þar sem vinir alþýðunnar ráða för, hækkar sorpgirðugjald og stöðumælagjöld um

10 %

Helgi í Góu hefur ekki hækkað neitt síðan 2009 á meðan Sælgætisgerðin  Freyja  hækkar sitt gotterí um 20 %.

Er ekki rétt að borða frekar súkkulaðirúsínur frá Helga en Freyju Hrís? Er ekki rétt að sneiða frekar hjá Landsbanklanum?

Hagar og Krónan eru að lækka verð hjá sér. N1 er að útdeila tugmilljóna kaupaukum til séffanna sinna í um boði Lífeyrisjóðafurstana sem eiga klabbið.

Sjóvá og Landsbankinn er að gefa völdum starfsmönnum eigur ríkisins sem þið eigið víst.

Skilanefndagreifarnir halda áfram sjálftöku á 35 þúsund kalli á tímann. Þeirra störfum mun skiljanlega aldrei ljúka meðan svo er. Er ekki orðið tímabært að setja opinbera starfsmenn á taxtalaunum í þau verk að skipta þessum þrotabúum upp og hirða þau í skaðabætur til þjóðarinnar fyrir ómakið.

Skuldir bankanna eru ekki skuldir þjóðarinnar þó að öll óþægindin hafi til þessa bitnað á henni. Af hverju er þeta látið viðgangast svona ár eftir ár?

Hvað er eiginlega að okkur að láta hrægammana pína okkur svona?

Af hverju ekki að berja þá duglega og sparka þeim út á nærbuxunum einum? Þeir eru fjárhirðar sem ætla að hirða af okkur hrakvirðiskröfur sínar og láta bankana sem Steingrímur J. gaf þeim, Íslandsbanka og Arionbanka, sjá um skítverkin fyrir sig með aðeyptum innlendum skrautfjöðrum. 

Hverjir eru hinir góður hirðar þjóðarinnar? 

 

Athugasemdir

[Gunnar Rögnvaldsson, 11.1.2014 kl. 23:28]

Ríkisstjórn impróvista hefur þessi áhrif Halldór. Hún er að impróvísera sig fram til næstu kosninga. Hvernig á ég að grenja framan í kjósendur næst? Ætti ég að vera með blátt bindi? eða rautt? Baka snúð? eða kleinu?

Smá stuff 

1) Free polarised politics from its intellectual vacuum

Cynics who say power is all that counts in politics forget that power without ideas is just improvisation. It is ideas that enable leaders to impose a direction on events. Margaret Thatcher’s death last year reminds us what it felt like to be led by a conviction politician | FT 9. jan 2014

2) 1915 ad from the Cadillac Motor Car Company, written by copywriter Theodore F. MacManus:

The leader is assailed because he is a leader, and the effort to equal him is merely added proof of that leadership. Failing to equal or to excel, the follower seeks to depreciate and to destroy — but only confirms once more the superiority of that which he strives to supplant. There is nothing new in this. It is as old as the world and as old as human passions — envy, fear, greed, ambition, and the desire to surpass. And it all avails nothing. If the leader truly leads, he remains — the leader. 

Daring Fireball 10. jan 2014

3) Hvað ætlarðu að kjósa næst Halldór? Kleinu eða snúð?

Kærar kveðjur

Gunnar 

[Ómar Ragnarsson, 11.1.2014 kl. 23:58]

Nokkrar ríkisstjórnir reyndu að skella á svonefndri verðstöðvun, svosem minnihlutastjórn Emils Jónssonar 1959 og síðan var þetta reynt í kringum 1970 en það var eins og að stökkva vatni á gæs.

[Ómar Bjarki Kristjánsson, 12.1.2014 kl. 00:02]

Þetta er nú bara það sem þið kjósið yfir ykkur og viljið. Þið viljið islensku krónuna. Þetta skott fylgir henni. Jafnframt hafiði komið forneskju og risaeðlum til valda með því að kjósa framara og sjalla. Það næsta verður án efa Verðlagsráð og Verðlagsstofa. Nú, síðan kæmi ekkert á óvart ef það fylgdu ekki brátt innflutningshöft af einhverju tagi. Vitleysisgangurinn er kominnn á það stig að stóralvarlegt er.

[Anna Sigríður Guðmundsdóttir, 12.1.2014 kl. 00:09]

Hvað kostar aðgöngumiðinn í himnaríki? Langtíma-pyntingar, bæði andlega og líkamlega, þar til yfir lýkur?

Það er víst tilverugjaldið hér á jörðinni, hjá öllum vanmáttugum og minnimáttar út um allan heim. Siðblindir sjá ekkert athugavert við þetta.

M.b.kv. 

[Gunnar Rögnvaldsson, 12.1.2014 kl. 00:18]

Skella verðstöðvun á ríki ríkisstjórnarinnar Ómar R?

Hvað með að setja verðstöðvun á hið fiktandi fasteignaverð ríkisstjórnarinnar? Kyndilbera kyndinga.

Ómar K:ýpur? Við lendum sennilega seint í þeirri stöðu að verða eins lokað og læst hagkerfi eins og hagkerfi stærstu og jafnframt flestra ríka EMMA eru (European Monetary Madness Area) í hinum nýju ESB-sovétríkjum evrópu. 

[Rafn Guðmundsson, 12.1.2014 kl. 01:05]

greinilegt að Gunnar R er ekki 'með okkur' á þessum tíma - ekki óvænt en samt ...

[Halldór Jónsson, 12.1.2014 kl. 10:11]

Gunnar, detuur þér í hug að kjósa nema annaðhvort íhaldið eða Framsókn? Ég hélt að þú hljótir að sjá að það er eini vitræni kosturinn. Ekki geturðu fært rök fyrir því að Steingrímur J eða Jóhanna eða þeir sem í gerfum þeirra eru þessa stundina, geti komið einhverju vitrænu til leiðar?. Ef þeir Sigmundur og Bjarni geta ekki komið skikki á þetta þá geta það engir. Jón Gnarr er þá næsti kosturinn og búktalarinn hans Dagur B.

[Halldór Jónsson, 12.1.2014 kl. 10:14]

Ómar, það tók enginn þát í verrðstöðvun af sannfæringu þá. Ekki ég að minnsta kosti. Nú horfir öðru vísi við. Ef hér tekst þjóðarvakning þá eru allir með, líka Gunnar Rögnvaldsson þó að hann sé ennþá fullur af svartagalli. Han áttar sig ef þetta tekst.

[Halldór Jónsson, 12.1.2014 kl. 10:15]

Ómar, ég vona að þú gangir ekki út eins og Júdas og hengir þig strax, Viltu ekki reyna eitthvað fyrst? Krónan er engin orsök fyrir ástandinu. Það er hvernig ég og þú höfum farið meða hana og nokkrir aðrir líka.

[Halldór Jónsson, 12.1.2014 kl. 10:17]

Anna, við getum búið til forsýningu á himnaríki með samstilltu átaki sem þjóð. Ekki komplett heldur reynt að vera englar alheimsins.

[Halldór Jónsson, 12.1.2014 kl. 10:17]

Rafn, það gildir sama með þig og Ómar.

[Halldór Jónsson, 12.1.2014 kl. 10:19]

Bjarni og Sigmundur munu láta til sín taka ef við veerðum með þeim en ekki sífellt á móti. Kleinur og snúðar verða að bíða hjá einhverjum Gunnar.