Þá þurfti ekki en núna skal

greiða þjóðaratkvæði um ESB aðildarviðræður. Allt þetta og meira til segir Árni Páll hjá Gísla Marteini. Án þess að depla auga. Hann kvartar svo yfir því að núverandi ríkisstjórn ætli bara að troða sínum málum í gegnum þingflokka og þing og svo troða því ofan í þjóðina.Vinnubrögð núverandi ríkisstjórnar eru aftan úr forneskju segir Árni Páll svo og segir hana aldrei tala við sig.

En þetta er auðvitað allt öðruvísi núna en þegar Árni Páll tróð aðildarviðræðum við ESB ofan í þjóðina án þess að tala við hana. Þá var það allt í lagi að hans dómi þráspurður af Gísla Marteini. Gula spjaldið í kosningunum var þá líklega tómur misskilningur. 

Ég vorkenni manninum eiginlega að hann skuli bera svona hluti á borð fyrir okkur. Enn þá verra er að hann virðist ætlast til að ég trúi þessu. Eða er hann að tala við einhverja aðra fyrst og fremst.  

Af hverju greiðum við ekki þjóðaratkvæði um hvort við viljum ganga í ESB eða ekki? Já eða nei?

Hafi ekki þjóðaratkvæði þurft þá þegar Árni Páll réð ferðinni en þess þurfi endilega núna þegar spurt er stefnubreytingu, þá er ég til. En ekki fyrr en eftir sveitarstjórnarkosningar.

Bara einfalt já eða nei núna í sumar og ikke noget kjæftede eins og vinur minn segir stundum.

Athugasemdir

[Ómar Ragnarsson, 10.3.2014 kl. 00:39]

Ég er sammála þér um það að þjóðin hefði átt að greiða beint atkvæði um það hvort hafnar skyldu viðræður við ESG 2009.

En munurinn á því og þessu núna er sá, að fyrir kosningarnar 2009 lofaði enginn því fyrirfram að þjóðaratkvæðagreiðsla skyldi sker úr um þetta.

Óróinn núna er eingöngu vegna þess að loforðin um þjóðaratkvæðagreiðslu á að svíkja.

[Ómar Ragnarsson, 10.3.2014 kl. 00:40]

Afsakið innsláttarvillu, auðvitað ESB en ekk ESG.

[Halldór Björgvin Jóhannsson, 10.3.2014 kl. 01:11]

Bjarmi Ben ásamt 2 ESB sinnum úr sjálfstæðisflokknum sögðu að það yrði haldin þjóðaratkvæðagreiðsla, þetta er ekki kosningaloforð, þetta eru ummæli nokkurra ráðherra sem höfðu ekki rétt á að lofa þessu þar sem landsfundur var með samþykktir um akkúrat hið gagnstæða, þ.e.a.s að umsóknin skyldi vera afturkölluð.

Og ástæðan fyrir því að enginn þurfti að lofa því að það skyldi haldin þjóðaratkvæðagreislað árið 2009 var af því að VG lofaði því að það yrði ekkert ESB ásamt öllum hinum flokkunum fyrir utan samfylkinguna.

Einnig þá skiptir þetta ekki máli, þessi ríkisstjórn ætlar sér ekki að halda þessu ferli áfram, atkvæðagreiðsla eða ekki, þetta er klúður fyrri ríkisstjórnar sem ætlaði að klára þetta mál á 18 mánuðum en gat það ekki, það þýðir ekki að núverandi ríkisstjórn þurfi að eyða öllum sínum tíma í málið sem strandaði hjá þeim sem reyndu að troða þessu upp á landann á sínum tíma.

Og aftur afhverju þetta þarf ekki að fara í þjóðaratkvæðagreiðslu núna er af því að þó að hún sé afturkölluð þessi innlimunarumsókn þá er ekkert mál að sækja um aftur þegar alvöru vilji er fyrir því. 

[Halldór Jónsson, 10.3.2014 kl. 02:15]

Ómar

það er Landsfundarályktun Sjálfstæðisflokksins sem gildir en ekki hvað einstaka maður hefur sagt, hvort sem hann heitir Bjarni eða eitthvað annað.Ályktunin lofar engri þjóðaratkvæðagreiðslu nema ef ætti að hefja viðræður á ný eftir að þeim hefur verið hætt.

Enginn sjálfstæðismnaður hefur neitt umboð til að lofa einu né neinu öðru en stendur í ályktunum Landsfundar. Það er ekki verið að svíkja eitt eða neitt.

Halldór þetta skilur þú líka á sama hátt og ég. Og við höfum rétt fyrir okkur í þetta sinn.