Nú þyrftu fréttamenn

að fylgjast með og senda okkur heim ræður Steingríms J.Sigfússonar sem hann heldur í ferð sinni til Aþenu. Þar ætlar hann að greina frá því hvernig hann bjargaði Íslandi úr hruninu og þá Icesave, I,II,III og IV og endurskipulagði bankamál íslensku þjóðarinnar svo mjög að honum er núna boðið til Grikklands þegar ekkert varð úr því að hann yrði þar landsstjóri eins og hann sjálfur hélt þegar mest var.

Er ekki fréttamaðurinn Óðinn Jónsson á lausu núna til að fara fyrir RÚV? Hlutlaus frásögn af boðskap Steingríms J., sem komst til metorða hjá þjóðinni útá 190 atkvæði  VG fólks,  til Grikkja er það sem þjóðin þarfnast.Annann eins leiðtoga hefur hún aldrei eignast og þá hlýtur að vera fréttnæmt hvað hann segir við Grikki og Grikkjur.

Athugasemdir

[Þorkell Guðnason, 23.3.2014 kl. 14:37]

Voru Grikkir virkilega að kalla þetta yfir sig sjálfir?Ég minnist þess ekki að íslensk þjóð eigi neinna harma að hefna gagnvart Grikkjum og tel engan veginn réttlætanlegt að gera Grikkjum svona grikk fyrir mánaðamótin. Öðru máli gegnir með grikki á fyrsta degi næsta mánaðar. Grínist hann að vild í grískum þann daginn!