Brjálæðislegur kostnaður

við rannsóknaskýrslur Alþingis er til umræðu á Sprengisandi Sigurjóns. Hvernig í veröldinni er hægt að réttlæta hátt í tvo milljarða fyrir einskis nýtar pappírshrúgur. Ég segi einskisnýtar því að enn hefur ekki verið dreginn minnsti lærdómur af hvorki fyrri skýrslunni né skýrslunni um sparisjóðina. 

En með sparisjóðina er sagt að vissir aðilar haf fengið of mikil lán og orðið kerfinu að falli. Þessir vissu aðilar eru fyrst og fremst Jón Ásgeir og Baugurinn í kring um hann. Ég sá þetta byrja að gerast þegar ég sá að Jóhanna Waagfjörð var komin í stjórn SPK fyrir Baug  og allt sem á eftir fór. Jón notaði svo Glitni til að ná út peningum hjá almenningi  sem átti að borga meira stofnfé inn svo hann gæti fengið meiri lán. Þá laug Glitnir  því að annara trygginga yrði ekki krafist en bréfanna sjálfra. En hann sagði auðvitað ekki að undirskriftin væri skuldbindandi. Hvíta-Birna og liðið sem við tók í hrægammabankanum Íslandsbanka guggnaði á að gera ekkjur og gamalemnni ásamt mér gjaldþrota með innheimtu.

  Hrunið kom í veg fyrir þetta trikk Jóns Ásgeirs, sem var þaulhugsað fantabragð og sýnir innrætið svo um munar.  Það er verið að hundelta lakæja Jóns Ásgeirs eins og ræfilinn hann Lalla Welding en sjálfur sleppur hann og heldur sig ríkmannlega.

Það er sá eini lærdómur sem ég sé koma til mín úr sparisjóðaskýrslunni. Allt búið, allir sloppnir nema Ragnar Z og Jón Þorsteinn, ekkert hægt að gera. Og allt verður endurtekið næst þegar tækifæri gefst.

Svei attan öllu þessu bixi. Álit mitt á Alþingi hefur ekki vaxið við þennan brjálæðislega kostnað fyrir ekki neitt.  

Athugasemdir

[Ómar Ragnarsson, 27.4.2014 kl. 11:25]

Einhverjir hafa þó fengið dóma og fleiri bíða. Brjálæðislegi kostnaðurinn sem þú nefnir nemur um 0,003% eða 1/3000 af Hruninu. Ertu með uppástungu hvað eigi að kalla hið "svokallaða Hrun" sem er í samræmi við þessi stærðarhlutföllin á milli þess og kostnaðarins við að upplýsa um það?  

[Halldór Jónsson, 27.4.2014 kl. 12:40]

Geturðu nefnt mér nikkra sakfellingu sem kemur í framhaldi af þessum skýrslum?. Exeter dómarnir urðu ´ði framhaldi af rannsóknum einkaaðila sem ég fylgdist með. Lalli Welding kannski?

Allavega held ég að lítið bitastætt hafi fengist upp í töpin á grundvelli þessara skýrslna.

[Þórir Kjartansson, 27.4.2014 kl. 13:27]

Auðvitað er skelfilegt hvað þessar skýrslur hafa kostað.  En þær eru bara framhald af hruninu og viðbót við alla milljarðana sem þjófagengin sendu okkur Íslendingum. Sennilega verða fáir dæmdir af dómstólum til að taka afleiðingum gerða sinna. Skýrslurnar sanna þó það sem flesta grunaði og verða því bakhjarl dómstóls götunnar í sínum dómum. 

[Helgi Jóhann Hauksson, 27.4.2014 kl. 14:17]

Skýrsla rannsóknanefdar Alþingis var ódýrust en skýrsla rannsóknanefdar um Sparisjóðina sem stofnað var til að tillögu Eyglóar Harðadóttur (en ekki ríkisstjórn Jóhönnu) kostaði til muna meira en samanlagður kostnaður hinna tveggja, þ.e. skýrsla rannsóknanefndar Alþingis og skýrslan um Íbúðalánasjóð, hvernig svo sem það má vera.

[Helgi Jóhann Hauksson, 27.4.2014 kl. 14:19]

Og vel að merkja þá var það að tillögu Geirs H Haarde í forsætisráðherra tíð hans sem samþykkt var að stofna rannsóknanenfd Alþingis um bankahrunið.

[Halldór Björgvin Jóhannsson, 27.4.2014 kl. 18:47]

Ómar, þetta er vond réttlæting á þessum kosnaði, 2 milljarðar eru hellingur af peningum hvernig sem á það er litið, þetta er peningur sem við höfum hreinlega ekki ráð á að vera eyða.

Kostnaðurinn við hrunið hjá okkur er dropi í hafið miðað við t.d. heildarskuldir bandaríkjanna, ekki gerir það skuldirnar hjá okkur minni fyrir vikið eða auðveldari. 

[Örn Johnson, 27.4.2014 kl. 22:43]

Jón Ásgeir, sá aumi þjófur, stal af mér fullt af milljónum sem hann hefgur aldrei boðist til að endurgreiða mér. Skítahæll er hann og allt hans hyski.

[Baldinn, 28.4.2014 kl. 10:48]

Ekki ætla ég að verja Jón Ásgeir en er það ekki svolítið skrítin söguskýring að þetta sé allt honum að kenna.  Kemur það ekki einmitt fram í þessari skýslu að það hafi verið samspil sparisjóðanna við Kaupþing og Exista sem setti þá á hliðina. 

Halldór þú veist að þetta voru þrír bankar en ekki bara Glitnir.