Falsaður stuðningur

er nafnleynd undirritun á stuðningslista við áframhald ESB-aðlögunarviðræðna.

Málefnið og tilbúnaðurinn er líka svo afspyrnuheimskt og blasir við ef fólk nennti að hugsa augnablik. Það er ekki furða þó svona margt fólk skammist sín fyrir að koma nálægt svona fíflaríi að krefjast þess að ríkisstjórn löglega kjörin til þess að slíta aðildarviðræðunum og fara ekki í ESB, standi fyrir öðru eins og að láta gömlu sendinefndina halda áfram viðræðum? Meira að segja Össur Skarphéðinsson var búinn að átta sig á því að ESB vildi ekki ræða meira við Íslendinga vegna grunnatriðisins um landhelgina og landbúnaðinn.

Hátt í þriðjungur undirskriftanna á listanum er með þessum nanfnleyndarhætti. Hversu mikið skyldi vera um beinar falsanir undirskrifta úr því að svona vinnubrögð eru talin ásættanlega af hálfu forsvarsmannanna? Skyldi ég vera á listanum getur maður spurt? Veit ég eitthvað um það?

Að skrifa undir með nafnleynd er ekki stuðningur heldur fölsun.

Athugasemdir

[Wilhelm Emilsson, 7.5.2014 kl. 23:16]

Halldór, þú skrifar: „Að skrifa undir með nafnleynd er ekki stuðningur heldur fölsun." Ergo: Næst þegar þú kýst í almennum kosningum og nýtur nafnleyndar þá er það fölsun.

Þú hlýtur að sjá að fullyrðing þín stenst ekki.

[Halldór Jónsson, 8.5.2014 kl. 07:46]

Þetta er algert bull hjá þér Wilhelm. Þetta Ergo er út í hött. Ég kem á kjörstað með sama rétt og næsti maður. Við stöndum jafnir þó hann sé forsætisráðherra og greiði atkvæði undir myndavélunum og allir viti hvað hann kýs. Við vitum báðir hvað er verið að kjósa um.

Þetta eru ekki kosningar í lýðveldinu Ísland. Það er verið að búa til lista stuðningmanna í pólitískum tilgangi. Annaðhvort ertu stuðningsmaður eins og útifundi, eða í kröfugöngu 1. maí þar sem enginn er grímuklæddur, þar sem allir geta séð þig eða þú ert ekki í stuðningsmannahópnum.

Þessir grímukæddu í mannfjöldanum á Austurvelli búsáhaldabyltingarinnar, voru þeir pólitískir eða voru þeir bara glæpamenn að vinna skemmdarverk. Sérsveitin er grímuklædd af öðrum ástæðum.

Nafnleynd á áskorunarlista er fölsun á vilja almennings. Berðu saman Hjartað í Vatnsmýrinni. Þar var fólk að lýsa yfir stuðningi sem það stendur við. Ekki ein einasta nafnleynd enda hefði verið hlegið að slíku sem fráleitu.

Skoðanakönnun er öðruvísi, hún er líkari kosningum.

[Wilhelm Emilsson, 9.5.2014 kl. 02:28]

Halldór, ef þú vilt ekki viðurkenna það að fullyrðingin „Að skrifa undir með nafnleynd er ekki stuðningur" stenst ekki þá verður það bara að vera þannig. Þú sakar alla sem hafa skrifað undir með kennitölu um að vera falsara.

[Halldór Jónsson, 9.5.2014 kl. 17:33]

Nei Wilhelm

Mér hefur verið sagt að nafnleyndin sé ekki fólgin í því að gefa bara upp kennitölu enda þekkjast alli rstrax á henni.

Mér er sagt að einhver skilyrði stuðning sinn við málefnið með því að nafn hans verði ekki uppskátt látið.

Hvernig á að staðreyna þennan stuðning? Er það nóg að maðurinn sem afhendir 50.000 manna stuðningslista segi að 10.000 af þeim séu ekki skrifaðir á listann vegna nafnleyndar af persónulegum ástæðum? Finnst þér þetta vera jafngilt og ef 10.000 nöfn með kennitölum væru til viðbótar á listanum?

[Wilhelm Emilsson, 9.5.2014 kl. 21:51]

Mér er sagt, segir þú. Hver segir þetta?

Það er nauðsynlegt að gefa upp kennitölu til að skrifa undir áskorunina.

[Halldór Jónsson, 12.5.2014 kl. 08:11]

Þetta þýðir að það er einhver vörslumaður kennitölunnar sem ábyrgist gagnvart þeim sem undirskriftalistinn beinist að að viðkomandi hafi skrifað undir. Það er hans orð fyrir því en ekki þess sem skrifaði undir með skilyrðinu. Þér finnst það í lagi Wilhelm

[Wilhelm Emilsson, 14.5.2014 kl. 06:18]

Það þarf að vera hægt að ganga úr skugga um að listinn sé ekki falsaður. Ef þú hefur áreiðanlegar heimildir um fölsun legðu þær fram.