Verkföll eru skrípaleikur

og leiksýning. Til hvers fara menn af vinnustað og bera líkkistur um bæinn? Hverskonar fíflalæti eru þetta ef vitað er að verkfallsmennirnir eru á fullu kaupi allan tíman sem þeir vinna ekki á þeim taxta sem þeir ætla og munu kúga út úr viðsemjandanum? 

Hvernig stendur á því að mönnum dettur í hug að borga verkfallsmönnum kaup fyrir skemmdarverkin? Þetta er leikhús fáránleikans ef nokkuð er það. Menn geta bara skemmt sér í verkföllum þangað til þeire eru orðnir leiðir á því og langar að fara að gera eitthvað annað. Enginn hefur tapað neinu nema þolendur gíslatökunnar.Sjúklingar sem deyja á spítölunum, nemendur sem fá ekki kennslu. 

Verkföll og "kjarasamningar" í kjölfarið þar sem samið er um sakaruppgjöf   eru hámarksfíflarí og til skammar.

Verkfallsmenn í opinberri þjónustu hegða sér eins og hver annar skipulagður bófaflokkur mannræningja að mínu áliti. Aðeins stigsmunur.  

Athugasemdir

[Ágúst H Bjarnason, 25.11.2014 kl. 20:27]

Sæll frændi

Ekki eru það margar krónurnar sem eiginkonan hefur fengið í vasann undanfarnar fimm vikur. Þú mátt gjarna láta okkur vita hvar við getum nálgast aurinn...

[Predikarinn - Cacoethes scribendi , 25.11.2014 kl. 20:28]

Sæll kæri Halldór.

Ég hitti fyrir fáeinum dögum síðan einn tónlistarkennarann sem var í verkfalli. Hann hafði að samanlögðu fengið tvisvar kr. 30.000,- á þessum  fimm vikum og mun ekki fá meira var honum sagt.

[Halldór Jónsson, 25.11.2014 kl. 21:16]

Hluti af nýju samningunum er venjulega að þó að kaupgreiðslur liggi niðri meðan verkfallið stendur þá er bara borgað verkfallið í næstu útborgun.

[Þorkell Guðnason, 26.11.2014 kl. 00:50]

Svona, svona... Dóri minn. Stóð ekki einhversstaðar "verður er verkamaðurinn launa sinna"  Þér ætti að vera ljósara en mér, að fólk sem getur músiserað edrú, er að jafnaði skárri- eða amk. ekki lakari manneskjur en gengur og gerist með okkur hin.

Þau vildu eðlilega fá greidd hliðstæð laun fyrir sína kennslu og kennararnir sem ekki geta músiserað - og þá var bara að lenda því máli og semja strax.  Skyldu DagurB og ámóta kónar ekki bara hafa talið sig spara nokkuð fé með því að gera það ekki?

[Halldór Jónsson, 26.11.2014 kl. 08:26]

Það er prinsíppið sem ég sætti mig ekki við.

Kjarasmningurinn gildir frá 1. 11.204 til jafnlengdar á næsta ári. Þeir fá sem sagt borguð óskert laun allan verkfallstímann og svo verkfallsstyrki til viðbótar. Þegar Gústi frændi spyr mig hvert þau eigi að sækja peningana umfram 30 þúsund kallinn sem Cachoetes negnir, þá er það einfalt mál. Þeir fá það borgað í næstu útborgun af þeim sem verkfallið beindist gegn.

Keli, þú ert snjall að vanda. Bara skrifa undir strax.

[Þorkell Guðnason, 26.11.2014 kl. 13:56]

Svona, svona... þú leggur nú varla sama skilning í orðin mín: "lenda því máli og semja strax" annars vegar og þín hins vegar: "Bara skrifa undir strax" - eða gerir þú það?

Ef þú skyldir nú slysast til að hafa nú rétt fyrir þér um að greidd verði laun í verkfallstímanum - hefði mátt reikna það Degib og hinum kvöldu launagreiðendunum til tekna, ef fengist hefði kennsla fyrir verkfallslaunin - með því að kvitta strax ;-)