Lífeyrissjóðaófreskjan

sýnir klærnar og heldur áfram á þeirri braut að leggja undir sig mest allt atvinnulíf landsmanna á þurru landi.

Því er fagnað grímulaust í málgagni Samfylkingarinnar,að ífeyrissjóðir hanfi nú lagt 37 milljarða í að blása upp fasteignafélagið Reiti eftir að það félag komst í þrot eftir að það var stöðvað af Seðlabankanum við glæpsamlegar fyrirætlanir sínar um að fara í kringum gjaldeyrishöftin.

Sem sagt, því er fagnað í þessu þjóðfélagi þegar lífeyrissjóðir herða krumlur sínar um háls þjóðarinnar. Það er rekinn hér grímulaus kommúnismi í því að miðstýrð apparöt eiga allt, ráða öllu og hirða allar eignir til sín og hinnar nýju Nómenklatúru.

Þetta er raunar í stíl við það sem mannvitsbrekkan segir í leiðara málgagnsins að hér sé allt á niðurleið, enginn hagvöxtur sé mælanlegur og horaður almúginn eyði engu í verðhjöðnun og verðbólguleysi. Og erlendu bankarnir slá taktinn undir í þessum Hrunadansi íslensks samfélags. Engin gagnrýni eer uppi á þróunina, engin tilraun gerð til að greina vandann sem að baki liggur heimsendaskrifum ritstjórans, sem er nýlega sjálfur laus undan áhyggjum af eigin rekstrarfélagi.

Það ber allt að sama brunni. Lífeyrissjóðafurstarnir eru að valsa með miklu meiri peninga en þeir, hvað þá þjóðfélagið, er að ráða við. Ríkinu ber skylda til þess að taka þessa peninga úr umferð áður en þessi nýji kolkrabbi og handlangarar hans kyrkja þjóðfélagið. Ófreskjan er farin að spila með helsjúku bankakerfinu sem Steingrímur J. kom í hendur erlendra vogunarsjóða, í því að safna gjaldþrotum athafnalífsins undir verndarhatt Nómenklatúrunnar.

Fyrsta skrefið er að ríkið hætti að leggja þessum öflum til skotfæri með því að hlaða upp skattfé sínu af iðgjöldunum til lífeyrissjóðannna með degi hverjum. Aðeins 12 % af öllum launum í landinu takk fyrir!  Nomenklatúran er að spila með þúsund milljarða af framtíðarskattpeningum okkar allra. Það þarf þó aðeins lagalegt pennastrik til að ríkið verði skuldlaust og þessi brjálaða samþjöppun valds og eigna verði stöðvuð.

Lífeyrissjóðaófreskjan og Nómenklatúra hennar er orðin of þung á fóðrunum fyrir heilsu og framtíð þessarar þjóðar.

Athugasemdir

[Gunnar Heiðarsson, 10.12.2014 kl. 10:57]

Góð grein Halldór. Þessi ófreskja á eftir að éta okkur öll, ef ekki verður gripið inní í tíma. Í samanburði við lífeyrissjóðakerfið voru bankaræningjar útrásarinnar einungis sem litlir kórdrengir.

[Halldór Jónsson, 10.12.2014 kl. 12:24]

Það er margt til í því Gunnar. Mér sýnist að það standi nú orðið lítð af okkur nema halinn út úr gininu á þessari ófreskju sem er þó álíka dularfull og Loch Ness skrímslið eða Katanesdýrið. Nema það að hú er raunveruleg og allir sjá hana en enginn vill viðurkenna tilvist hennar. Sjáðu þöggunina í kringum þetta. Svo væla þeir  Bjarni Ben og Sigmundur Davíð um skuldavanda ríkissjóðs. Finnst þér það sannfærandi?