Reiknikúnstir ráðuneytis

fjármála eru lítt skiljanlegar verkfræðingum.

Svona lítur taflan út frá ráðuneytinu um vörugjöldin:

Rekstrargrunnur, m.kr.	Reikningur 2012	Reikningur 2013	Fjárlög 2014	Áætlun 2014	Frumvarp 2015
Virðisaukaskattur	142.446	148.739	160.000	161.000	180.000
Vörugjöld	53.912	55.155	57.947	56.183	57.547
Almenn vörugjöld af innfluttum vörum	3.922	4.271	4.770	4.070	870
Almenn vörugjöld af innlendri framleiðslu	1.574	1.538	1.760	1.650	1.880
Vörugjöld af ökutækjum	4.244	4.032	5.000	4.130	5.800
Vörugjald af bensíni	4.480	4.343	4.600	4.450	4.600
Sérstakt vörugjald af bensíni	7.477	7.195	7.400	7.150	7.500
Kolefnisgjald	3.061	3.013	3.340	3.230	3.430
Olíugjald	6.893	7.176	7.000	7.300	7.800
Sérstakur skattur af seldri raforku	1.869	2.032	2.090	2.100	2.160
Sérstakur skattur af sölu á heitu vatni	294	311	325	340	360
Flutningsjöfnunargjöld	339	361	407	407	430
Áfengisgjald	11.067	11.409	12.000	12.151	12.951
Tóbaksgjald	5.078	5.798	5.900	5.900	6.100
Ýmis vörugjöld	3.615	3.676	3.659	3.609	4.274
Tollar og innflutningsgjöld	7.682	5.815	4.272	4.772	5.122
Aðrir sértækir skattar á vöru og þjónustu	2.416	2.722	2.559	2.614	2.689
Bifreiðaskattar	7.176	7.156	7.710	7.370	7.700
Aðrir neysluskattar og leyfisgjöld	4.322	4.444	3.967	4.162	4.322
Samtals	217.954	224.030	236.760	236.404	257.988

Ekkert tiltekið um hvað er lagt saman og hverju er sleppt. Af hverju er þetta sett svona fram sem grunnskólanemandi kæmist ekki upp með? Samtals fyrir 2015 er hvað og hvernig fundin?

Eftir standa  einir 30 milljarðar af vörugjöldum og mest á umferðina. Umferðin sem er drifkraftur efnahagslífsins. Án hennar er ekkert athafnalíf.Er þetta rétt hugsun? Darios Persakóngur lét leggja vegi um ríki sitt og kvað þjóð sína ekki svo ríka að hún hefði efni á vondum samgöngum. Rímar þetta við að til vegakerfisins renna aðeins 14 milljarðar? En lífeyrisskuldbindingar vegna opinberra starfsmann hækka um meira en 2.5 milljarða  og nema líklega í heild þvílíkum upphæðum að enginn veit hvernig á að borga. Margur sannleikur um þetta mál virðist  falinn í gríðarlegu málskrúði á 510 síðum í þingskjali l sem fælir fólk frá að lesa eða skilja. En þó er þetta fróðleg lesning og sem flestir ættu að lesa ssér til borgaralegrar sáluhjálpar. 

Þessi vörugjöld á umferðina sem sjá má í töflunni borga einstæðar mæður og aðrir aumingjar í landinu með öllum vinnandi á almennum  markaði. En féið rennur aðeins að hluta til vegamála. Það rennur m.a.til sjálftökuliðsins í ríkisapparatinu, þingmanna og ráðherra, með sín verðtryggðu eftirlaun.  Hundinum er gefin rófan af sjálfum sér að éta með 10 milljörðum í barnabótum og 7 í vaxtabótum ( sem grannt skoðað eru aðeins styrkir til bankanna!).

Það er þvílíkur skógur eftir í sértöku vörugjöldunum að mönnum endist seint örendið til að grisja þetta illgresi. En lofa skal það sem vela gert var í að lækka matar-og heimilisskattana í almennu vörugjöldunum um 3,2  milljarða. Það var stórfengleg aðgerð þó það sem eftir er sé mikið.Það hlýtur að vera hægt að einfalda þennan frumskóg allan og fækka liðunum með sameiningu. Það væri almenn hagræðing og til skilningsauka fyrir alþýðu. 

Allt verður þetta án efa fært til baka og nýjar álögur settar á ef vinstri menn komast einhverntímann aftur til valda. Þeir hækka svo mikið alla liði með sértækum aðgerðum að næstu stjórnum tekst aldrei að vinda ofan af því öllu. Líklega er skógurinn svona þéttur vegna áhrida þeirra í gegnum árin.Þessvegna þenst báknið út stöðugt og fer ekki burt en blífur. Það er víst hinn napri sannleikur hvað sem ungir menn vilja annað.

En sérstakar reikningskúnstir ráðuneyta eiga að mínu litla viti engan rétt á sér og framsetningin á þingskjali  l finnst mér langt í frá að standast kröfur eins og tilvitnuð tafla sýnir. 

Athugasemdir

[Sigurgeir Jónsson, 14.12.2014 kl. 16:26]

Starfsmenn ríkisins hvort sem er á Alþingi, í ríkisstjórn eða annarstaðar semja fjárlög.Og þeir semja um líferisgreislður sér til handa, við sjálfa sig.Þeir eru íslenskur aðall þegar þeir fara á eftirlaun með margföld eftirlaun fólks á almennum markaði, sem verður að borga stöðugar hækkanir til þeirra meðan skert er hjá almennum launþegum.Spilling af verstu gerð.Spilling og ójöfnuður.Sama og var í Sovetinu.

[Kristmann Magnússon, 14.12.2014 kl. 19:07]

Hvaða bull er þetta í ykkur.  Hafið þið séð sérstakan sjúkrahúsaskatt eða sérstakan skatt til að viðhalda eignum ríkisins.  Haldið þið a það kosti bara ekkert að reka þessar stofnanir - einhvers staðar verða peningar í þetta að koma. 

[Halldór Jónsson, 15.12.2014 kl. 14:28]

Ég held að það sé nauðsynlegt að setja sérstakan saumavélaskatt af því að þær eru og ódýrar hér á landi að því að einn sértækur hefur fortalið okkur.