Kastljósið með Líf

Magneudóttur birtir venjulegu fólki  á hverslags villigötum þessi fjölmenningarumræða öll er í huga þessarar konu og þessa Mannréttindaráðs.

Hún segir það blákalt að það sé ekki hlutverk skólanna að hampa einni trú umfram aðra. Þetta er alger umsnúningur á staðreyndum. Skólunum ber auðvitað að hampa þjóðkirkjunni umfram öll önnur trúarbrögð af því að hin evangelíska lútherska kirkja er stjórnarskrárbundin þjóðkirkja og ríkinu, þar með skólunum, ber að styrkja hana og efla. Ella skulu þau breyta stjórnarskránni.

Svo segir þessi kona blákalt að við séum fjölmenningarsamfélag og eigum að gera öllum jafnhátt undir höfði. Ég mótmæli þessari fullyrðingu algerlega enda er fjölmenningarsamfélag rasismi af verstu gerð.Við sem þjóð höfum aldrei samþykkt að verða eitthvað fjölmenningarsamfélag eftir skilgreiningu þessa fólks. Þessu hafa þessir sérviskuhópar vinstri manna prakkað inn í vitund þjóðarinnar þannig að fólk er farið margt að trúa þessari alröngu fullyrðingu.

Við erum Íslendingar. Við erum íslensk þjóð með ýmsa minnihlutahópa innanborðs sem fráleitt geta krafist fullkomins jafnréttis fyrir sína sérvisku og siði þar sem þeir eru ekki íslenskir siðir eða venjur. Þetta fólk á að aðlaga sjálft sig okkar venjum og menningu. Á þeim forsendum var því hleypt inn í landið sem innflytjendum með því fororði að það verði Íslendingar, læri íslensku og taki upp okkar siði og venjur en ekki til að verða einhverjir sértrúarhópar eða þjóðarbrot í þjóðfélaginu í sjöunda lið. Annars er því bara velkomið að fara.

Hér ríkir algert trúfrelsi en með þeim takmörkunum að þjóðkirkjan er hin íslenska kirkja og styðst við mikinn merihluta þjóðarinnar. Menn mega trúa því sem þeir vilja og hafa sína siði á sínum heimilum varði þeir ekki við íslensk lög. Ef þeir tilheyrs þessum minnihlutahópum mynda þeir þó ekkert fjölmenningarsamfélag á Íslandi í óþökk þeirra sem eru fyrir og aldrei hafa verið spurðir álits.Þetta er staðreynd málsins hverju svo sem þetta vinstra fólk reynir að halda öðru fram.

Kastljósið í gær veitir prýðilega innsýn í hugmyndir þessa vinstra fólks sem reynir að þröngva minnihlutaskoðunum  sínum inn á þjóðina með endurteknum rangupplýsingum og orðhengilshætti eins og greinilega sást í þættinum.

 

Athugasemdir

[Ágúst H Bjarnason, 16.12.2014 kl. 22:38]

Það er erfitt að gera öllum til geðs... 

Why It's Impossible To Have A Christmas Party In 2014

http://www.tickld.com/x/christmaspartyin2014

[Halldór Jónsson, 16.12.2014 kl. 22:44]

Takk fyri þetta frændi.Fyndið innslag.

En ég tilfæri hér fésbókarfærslu þar sem sagt er frá skörulegri bloggfærsla Sifjar Cortes: 

"Líf Magneudóttir er varaborgarfulltrúi VG, formaður Mannréttindaráðs Reykjavíkur og varaformaður Skóla- og frístundaráðs og því ætti hún að vita um þessi lög;

62. gr. stjórnarskrárinnar kveður á um að styðja skal og vernda íslensku þjóðkirkjuna og þar sem um er að ræða heimsókn í stofnun sem stjórnarskrárgjafinn felur ríkinu að styðja og vernda, ekki bara í fjárhagslegum efnum, heldur einnig í menningarlegum tilgangi þá er það hvorki brot á lögum né mannréttindum.

Einnig eru 2.gr. grunnskólalaga síðan 2008, þeim sem skólar og kennarar vinna eftir: „Starfshættir grunnskóla skulu mótast af umburðarlyndi og kærleika, kristinni arfleifð íslenskrar menningar, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi.“"

Ætti þetta lið ekki að lesa stjórnarskrána og lögin áður en það fer að túlka hvoruyveggja á almannafæri?

[Þórólfur Ingvarsson, 17.12.2014 kl. 00:34]

Takk fyrir þetta Halldór!

Hnitmiðað skírt og rökstutt.

[Halldór Egill Guðnason, 17.12.2014 kl. 01:08]

Tek undir með Þórólfi. 

[Ómar Ragnarsson, 17.12.2014 kl. 01:18]

Getur það talist "jafnrétti" að Þjóðkirkjan njóti forréttinda umfram fríkirkjuna og aðra kristna "sértúarsöfnuði"?

Er fríkirkjan þó "evangelisk lútersk" eins og Þjóðkirkjan. 

[Helga Kristjánsdóttir, 17.12.2014 kl. 03:08]

Hnitmiðað skírt og vel rökstutt,þannig er það,Þórólfur og Halldór Egill.

[Halldór Jónsson, 17.12.2014 kl. 07:45]

Takk öll. Ómar, Fríkirkjan er eins og nafnið, frjáls og óháð þó hún hafi sömu kenningar breytit engu. Hún tilheyrir ekki þeirri þjóðkirkju sem er talað um í Stjórnarskránni og er því eitt trúfélag með öðrum slíkum hvað sem þau heita.Það gildir ekkert jarnfrétti gagnvart 62.gr.stjórnarskrárinnar hvað þetta varðar.

[Matthías Ásgeirsson, 17.12.2014 kl. 09:14]

Hvernig væri að lesa alla stjórnarskrána en ekki bara 62. grein.

[Skeggi Skaftason, 17.12.2014 kl. 12:06]

Halldór skrifar:

Hér ríkir algert trúfrelsi en með þeim takmörkunum að þjóðkirkjan er hin íslenska kirkja og styðst við mikinn merihluta þjóðarinnar. 

Af hverju þarf trúfrelsi að vera "með takmörkunum" ??

[Skeggi Skaftason, 17.12.2014 kl. 12:44]

Sam­kvæmt töl­um Hag­stofu Íslands er nú um fimmta hvert barn sem stund­ar grunn­skóla­nám skráð í önn­ur trú- og lífs­skoðun­ar­fé­lög en þjóðkirkj­una eða stend­ur al­farið utan þeirra.

Sem sagt, í venjulegum skólabekk með 22-24 nemendum eru 5 sem standa utan Þjóðkirkjunnar.

62. grein Stjórnarskrárinnar er tímaskekkja.

http://www.mbl.is/frettir/innlent/2014/12/17/fimmtungur_skolabarna_utan_kirkjunnar/

[Helga Kristjánsdóttir, 17.12.2014 kl. 13:56]

Skeggi,er nema von að þið hræðist heimsóknir barna í þjóðkirkjuna. Margur heldur mig sig!----En Prestar stunda ekki áróður sem vinstrið hefur komist upp með í góðærinu,sem Sjálfstæðismenn skópu. 

[Skeggi Skaftason, 17.12.2014 kl. 14:59]

Helga, ég skil þig ekki. Skilur þú þig?

[Halldór Jónsson, 17.12.2014 kl. 15:53]

Skeggi getur áreiðanlega ekki skilið að 29% er minnihluti og ber að beygja sig fyrir meirihluta.

Þú breytir þá líklega stjórnarskránni?

[Halldór Jónsson, 17.12.2014 kl. 15:55]

Ég velti nú fyrir mér hver sé tímaskekkja, myndin af þér eða stjórnarskráin. Mér sýnist nú myndin muni vera frá því fyrir 1944

[Hans Miniar Jónsson., 17.12.2014 kl. 18:44]

Það er ekki trúfrelsi á íslandi meðan einu trúfélagi er gefinn meiri peningur per meðlim, meiri vernd og farið er til þess trúfélags í trúarboðstilgangi með börn. 
Það er akkúrat andstæðan við trúfrelsi. 

[Halldór Jónsson, 17.12.2014 kl. 18:48]

Hans Miniar(?)

Það er algert trúferlsi á Íslandi. Þú ruglar saman þjóðkirkjunni sem meirihluti landsmanna styður og einhverja sértrúarhópa. þeir eru bara á eigin vegum og eiga engra styrkja að njóta