Rotturnar naga Reykjavíkurflugvöll

alla daga. 

Því má ekki sofna á verðinum. Eftirfarandi punkta er gott að hafa í huga til að sjá í gegn um blekkingaleik Dags Bé og EssBjarnar þegar þeir skipuðu Rögnunefndina til þess að sleppa við umræður í kosningunum. Þessi nefnd er enn að störfum með sjálfan Dag innanborðs. Komi einhverntíman eitthvað frá þessari nefnd þá verður það með klóförum þokkapiltanna.

Eftirfarandi staðreyndakafli lýsir aðförum " Reykjavíkurrottanna" sem naga Reykjavíkurflugvöll hverja stund:

"Samskipti ríkis og Reykjavíkurborgar   

                                                                                            Af og til, allt frá stríðslokum, hafa forsvarsmenn ríkis á sviði samgöngumála og forsvarsmenn Reykjavíkurborgar deilt um tilvist og framtíð Reykjavíkurflugvallar. Á árunum 1999-2010 var það yfirlýst stefna samgönguráðuneytis (síðar innanríkis-ráðuneytis), að byggð yrði alhliða samgöngumiðstöð á norðaustur hluta flugvallar-svæðisins, norður af skrifstofum Flugleiða/Icelandair. Í því skyni þyrfti þá að leggja niður flugbraut 06/24, - en þó ekki fyrr en áður hefði verið opnuð til notkunnar flug-braut með sömu stefnu á Keflavíkurflugvelli. Þessi stefnumótun ríkisins, og mála-miðlun gagnvart borginni, hafði það að grunnmarkmiði, að þar með yrði tilvist Reykjavíkurflugvallar í Vatnsmýri tryggð til langrar framtíðar.

Þann 10. nóv. 2010 gengu þáverandi borgarstjóri, Jón Gnarr, og formaður borgar-    ráðs, Dagur B. Eggertsson, á fund þáverandi innanríkisráðherra, Ögmundar Jónas-sonar, til að tilkynna honum, að Reykjavíkurborg fallist ekki lengur á fyrirhugaða byggingu samgöngumiðstöðvar. Frá þeim degi, er því ljóst, að engin ástæða er til að leggja niður umrædda flugbraut, - sem í dag fækkar árlegum lokunardögum flug-vallarins um 16, - og hefur þannig afgerandi þýðingu fyrir öryggi sjúkraflugsins.. 

 

Stefnuyfirlýsing ríkisstjórnarinnar                                                                                   Þann 22. maí 2013 kynntu formenn Framsóknarflokks og Sjálfstæðisflokks stefnuyfir-lýsingu nýrrar ríkisstjórnar. Í henni er eftirfarandi ákvæði um flugvöllinn:

"Reykjavíkurflugvöllur er grundvallarþáttur í samgöngum landsins. Til þess að           hann geti áfram gegnt því mikilvæga þjónustuhlutverki, sem hann hefur gagn-             vart landinu öllu, þarf að tryggja framtíðarstaðsetningu hans í nálægð við stjórnsýslu og aðra þjónustu."

Stærsta undirskriftasöfnun Íslands                                                                                                                                             Í kjölfar þess, að borgarstjórn Reykjavíkur samþykkti 4. júní 2013 stórgallaða tillögu sína að Aðalskipulagi Reykjavíkur 2010-2030, sem gerði ráð fyrir tafarlausri skerðingu á hlutverki Reykjavíkurflugvallar, og lokun hans á næstu árum, ákváðu samtökin Hjartað í Vatnsmýri að efna til undirskriftasöfnunar. Á aðeins fimm vikna tímabili síðsumars 2013 ritaði samtals 69.791 kjörgenginn landsmaður undir eftirfarandi áskorun, sem afhent var forsvarsmönnum borgarinnar 20. sept. 2013:

            "Við leggjumst gegn þeim áformum að flugvallarstarfsemi víki úr Vatnsmýrinni   og skorum á Reykjavíkurborg og Alþingi að tryggja öllum landsmönnum óskerta flugstarfsemi í Vatnsmýri til framtíðar."

Meint gildi skjala                                                                                                                                                         Þann 25. okt. 2013 undirrituðu forsætisráðherra, innanríkisráðherra, borgarstjóri, formaður borgarráðs og forstjóri Icelandair Group hf. "Samkomulag um innanlands-flug", sem fjallaði aðeins um eitt málefni, skipun verkefnisstjórnar undir formennsku Rögnu Árnadóttir til "að fullkanna aðra kosti til rekstrar innanlandsflugs en framtíðar-flugvöll í Vatnsmýri."

Í kjölfar þessa undirrituðu aðeins innanríkisráðherra og borgarstjóri annað og aðskilið skjal án fyrirsagnar. Í inngangi þess segir: "munu ríki og Reykjavíkurborg vinna í samræmi við áður undirritaða samninga", - án þess að þeir séu þar nánar tilgreindir. Í bréfi innanríkisráðuneytis til Isavia ohf., dags. 30. des. 2013, eru hins vegar tilgreind fimm skjöl, sem "fyrirhuguð lokun flugbrautar 06/24 byggi á". Nauðsynlegt er að skoða nánar meint gildi umræddra fimm opinberra skjala:

Hið fyrsta er "Bókun vegna Reykjavíkurflugvallar", undirrituð 14. júní 1999 af Sturlu Böðvarssyni og Ingibjörgu Sólrúnu Gísladóttur. Í þessu skjali er ekki orði minnst á flugbraut 06/24, - og hefur það því ekkert gildi í þessu sambandi.

Næstu tvö skjöl,

"Minnisblað borgarstjóra og samgönguráðherra um samgöngumið-stöð í Vatnsmýri og Reykjavíkurflugvöll",

undirritað 11. feb. 2005 af Sturlu Böðvars-syni og Steinunni Valdísi Óskarsdóttur, og

"Minnisblað samgönguráðherra og borgar-stjóra um samgöngumiðstöð í Vatnsmýri",

undirritað 8. apríl 2009 af Kristjáni L. Möller og Hönnu Birnu Kristjánsdóttur. Eins og fram kemur í fyrirsögn þessara tveggja minnisblaða var um að ræða málefni fyrirhugaðrar samgöngumiðstöðvar á norðaustur-hluta flugvallarins, og tengdar framkvæmdir. Eftir að forsvarsmenn Reykjavíkurborgar "slóu umrædda samgöngumiðstöð alfarið út af borðinu" 10. nóv. 2010, hafa þessi tvö skjöl að sjálfsögðu engan tilgang og ekkert gildi. 

Næstu tvö skjöl eru

"Samkomulag um skipulag og uppbygging á landi ríkisins við Skerjafjörð",

undirritað 1. mars 2013 af Degi B. Eggertssyni og Katrínu Júlíusdóttur, og

"Samkomulag um endurbætur á aðstöðu fyrir farþega og þjónustuaðila á Reykja-víkurflugvelli",

sem Ögmundur Jónasson og Jón Gnarr undirrituðu 19. apríl 2013, en "með fyrirvara um samþykki borgarráðs." Kjarni beggja skjala var sú hugmynd, að ríkið selji Reykjavíkurborg tiltekið landsvæði sitt á suðvesturhluta flugvallarins. Við lokaafgreiðslu Alþingis dagana 19. - 20. des. 2013 á frumvarpi til fjárlaga ársins 2014 var því alfarið hafnað, að í þeim væri einhver heimild til sölu nokkurs hluta lands Reykjavíkurflugvallar. Meðan svo er, hafa þessi tvö skjöl ekkert fordæmisgildi.

Í framangreindu bréfi innanríkisráðuneytis til Isavia ohf., dags. 30. des. 2013, og um "lokun flugbrautar 06/24 á Reykjavíkurflugvelli", er eftirfarandi feitletrað í 2. mgr.:

"Rétt er að ítreka að flugbrautinni skal þó ekki lokað eða aðrar ákvarðanir   teknar sem leiða til þess að flugbraut 06/24 verði tekin úr notkun á meðan verkefnisstjórn, sem nú starfar undir forystu Rögnu Árnadóttur  skv. samkomulagi ríkisins, Reykjavíkurborgar og Icelandair Group er enn  að störfum og ákvörðun á grundvelli tillagna hennar liggur ekki fyrir.""

Samt er gefið út graftrarleyfi til Knattspyrnufélagsins VALS til að hefja eyðileggingu flugvallarins. Háskólanum gefnir Fluggarðar til bótalauss niðurrifs og niðurrif félagsheimils Vélflugfélagsins við Þorragötu heimiluð án þess að á eigendurna sé yrt einu orði. 

Ætlar almannaeignin VALUR, þetta íþróttafélag fjöldans, að láta hafa sig í það að teyma sig inn í Samfylkinguna og fara gegn svo deildum meiningum  á félagssvæði sínu sem rottugangur ráðamanna  vinstri meirihlutans á Reykjavíkurflugvelli ber vitni? Ætla þeir að gera knattspyrnufélagið  VAL að hækju þeirra DagsBé og EssBjarnar og málaliðans þeirra, Halldórs Auðars Svanssonar?

Athugasemdir

[Eyjólfur G Svavarsson, 30.1.2015 kl. 02:13]

Ég held að Dagur og félagar geri sér nú ekki alveg grein fyrir því hvað þetta er mikið hita mál hjá þjóðinni. Maður hefur nú heyrt ýmislegt út um allt land. Þeir eiga að hætta þessum mafíustælum.

[Halldór Jónsson, 30.1.2015 kl. 08:48]

Segðu!

[Ívar Pálsson, 30.1.2015 kl. 14:19]

Dagur Bergþóruson Eggertson segir núna að hann vinni eindregið eftir samþykktu aðalskipulagi Reykjavíkur, sem tekur allan Reykjavíkurflugvöll burt í hlutum. Líka að deiliskipulagið taki strax burt flugbraut 06/24. En samt fæst hann ekki til þess að segja öllum: „Flugvöllurinn fer burt“, því að þá yrði hann varla kosinn áfram.

[Jón Þórhallsson, 30.1.2015 kl. 14:32]

Alþingi verður að grípa í taumana.

Hvar eru nú Jón Gunnarson og Höskuldur?

=>Nauðsyn brýtur lög.

[Halldór Jónsson, 30.1.2015 kl. 17:38]

Segðu Jón !

Ívar, Dagur er mun klókari pólitíkus en menn gera sér grein fyrir því hann spilar sig einfeldnig eins og hann gerði í búktalarateyminu.

[Jón Valur Jensson, 30.1.2015 kl. 18:14]

Gott hjá þér að halda merkinu uppi, Halldór!

Þvílíkir skemmdaverkamenn þessi vinstri menn í borgarstjórn!

Og frábær athugasemd þarna frá Ívari Pálssyni.

[Rafn Guðmundsson, 30.1.2015 kl. 18:58]

hver er 'EssBjarnar'?

[Heimir Lárusson Fjeldsted, 30.1.2015 kl. 20:38]

Þeir vinna gegn hagsmunum heildarinnar til að þóknast byggingaspekúlöntum.

[Ómar Ragnarsson, 30.1.2015 kl. 23:10]

Ég hef á blogginu nýlega bent á, að þegar litla brautin er lokuð, lokast sjálfkrafa allar aðrar innanlandsflugbrautir á landinu og engin sv-braut er í Keflavík. 

Einnig er það svo, að litla brautin liggur að mestu leyti um akbraut alfa og yfir hinar brautirnar, þannig að í raun eru aðeins um 300 metrar hennar með sjálstæða tilveru. 

Aðeins losna um tíu hektarar til íbúðabygginga á því svæði, eða 0,1 ferkílómetri. 

Og með því að færa til stórt autt svæði, sem á að vera upp við Hringbraut og setja það á þann stað þar sem nú eiga að vera íbúðarhús næst brautinni, er vel hægt að nota þessa braut áfram, vegna þess hve bratt og hægt vélar koma að henni í aðflugi. 

Þetta er spurning um örlítinn vilja. 

[Halldór Jónsson, 30.1.2015 kl. 23:37]

Ómar,

Þú talar bæði af viti og vilja

[Halldór Jónsson, 30.1.2015 kl. 23:39]

Og takk frir allir hinir.

Dagur Bé er slugnasti og græskumesti stjórnmálamaður seinni tíma. Þvílíkar fléttur sem hann setur upp og hvernig hann vefur miður gefnum mönnum um fingur sér. Menn verða að taka sér vara á honum og strengjabrúðum hans.

[Jón Valur Jensson, 2.2.2015 kl. 14:38]

Þetta eru að vísu skemmdarverkamenn, en hitt er raunar varasamt að fara að líkja jafnvel slíkum, sem  beita sér gegn beztu hagsmunum síns bæjarfélags og lands, við ROTTUR eða önnur meindýr.

Slíkar nafngiftir tíðkuðu nazistar um Gyðinga, eins og við vorum minnt á í Schindler-myndinni, en það sama hafði Lenín gert afar gróflega, í mörgum fúkyrðum og ljótum, sem óvirtu gersamlega mennsku andstæðinga hans –– og af báðum þssum stjórnmálastefnum, nazisma og bolsévisma, hlutust þjóðamorð.

Tölum því varlega! Ljótt orðbragð er spillandi.