Enn ein rós

í blómvönd fármálafglapa Steingríms J. Sigfússonar bættist í hann um í Reykjavíkurbréfi Morgunblaðsins á morgun. Þar hljóðar niðurlagið svo:

"Árið 2007 hafði FIH verið gerður upp með hagnaði sem nam á þriðja tug milljarða króna. Og jafnvel þegar árið ógurlega, 2008, var gert upp vorið 2009 var hagnaður bankans tæpir 4 milljarðar króna.

Þann örlagaríka dag, sem þetta var allt til umræðu, hafði Seðlabanki Íslands samband við Seðlabanka Danmerkur og spurðist fyrir um FIH bankann og hvort efast þyrfti um veðhæfni hans. Því var svarað til að í fljótu bragði teldu menn það ekki vera, en sagt að Danska fjármálaeftirlitið yrði spurt. Þegar það hafði verið gert lét bankinn S.Í. vita að mat eftirlitsins væri hið sama.

En þar sem beðið var um aðstoð í erlendum gjaldeyri vildi S.Í. ekki taka lokaákvörðun í málinu. Stór hluti gjaldeyrisforðans var þannig tilkominn, að íslenska ríkið hafði selt skuldabréf fyrir 1 milljarð evra. S.Í. hafði varðveitt andvirðið og það hafði tekist svo vel að lánið var sjálfbært og ríkissjóður hafði af því engan kostnað.

En þar sem forðinn var þannig til kominn litu bankastjórar S.Í. svo á, að vilji ríkisstjórnarinnar, en ekki bankans, yrði að ráða niðurstöðunni. Þeir sem báðu um aðstoðina héldu því fram, að ríkisstjórnin vildi að þessi fyrirgreiðsla yrði veitt. Þess vegna fór símtalið við forsætisráðherrann fram. Tilviljun réð því að það símtal var hljóðritað.

Þess vegna átti fyrirgreiðslan sér að lokum stað gegn allsherjarveði í banka sem talinn var standa mjög ríflega undir því

Það voru aðrir aðilar og önnur ríkisstjórn sem sáu um meðferð þess veðs og hvort ætti að selja bankann og þá hvenær. Það hefur öllu ráðið um það hversu vel veðið hefur reynst.

Þeir, sem flæmdir voru frá S.Í. með pólitísku offorsi af því tagi, sem hafði verið óþekkt í áratugi á Íslandi, fengu engu um það ráðið. Ábyrgðin á því er annarra.

Bankinn FIH er enn starfandi og lausleg skoðun á eigin fé bendir til að hann sé enn mun meira virði en veðskuldin var.Talan 200 milljarðar eða þrefalt lánið hefur heyrst. Þeir sem eiga bankann nú virðast því mega vera mjög ánægðir með viðskipti sín við Seðlabanka Íslands.

Allan þann tíma sem hin bjánalega umræða hefur farið fram um hið „dularfulla“ samtal forsætisráð- herrans og seðlabankastjórans hefur sá síðarnefndi aldrei verið spurður um það, hvort hann hefði eitthvað á móti því að samtalið væri birt opinberlega. Það er í rauninni enn þá dularfyllra en símtalið sjálft."

Blómvöndur Steingríms J. Sigfússonar í fjarmálalegum afglöpum hefur því enn gildnað við sölu FIH bankans sem hann seldi þarna til stórkostlegs tjóns fyrir Ísland.En bankinn er metinn á 200 milljarða um þessar mundir eða þrefalt lánið sem veitt var.

Hefði Steingrímur J.ekki selt bankann of snemma hefði ekkert tjón orðið af Kaupþingsláninu sem veitt var á grundvelli AlThani-svikanna beinlínis sem nú hefur verið dæmt í.

Það er Steingrímur J. Sigfússon á ábyrgð heilagrar Jóhönnu, sem tapaði umræddum 35 milljörðum en ekki Davíð Oddsson eftir eitthvað laumusímtal við Geir Haarde sem allt málið hefur snúist um í mörg ár hjá þeim vitringunum Steingrími J.,  Helga Hjörvar og Guðmundi Steingrímsyni svo ekki sé nefndur snillingurinn Árni Páll höfundur samnefndra laga sem voru dæmd ólög.   

Þannig starfar þetta vinstra slegt allt. Tómar getgátur og villuljós notað til að skreyta vefi keisarans. Þjóðin situr bara nakin eftir í stað blómahafsins sem tapaðist. 

Athugasemdir

[Rafn Guðmundsson, 22.2.2015 kl. 01:02]

og þetta segir maður sem segis vera verkfræðíngur

[Predikarinn - Cacoethes scribendi , 22.2.2015 kl. 01:06]

Rafn

Löngu er ljóst orðið að þú ert einn þeirra sem féllu í PISA rannsókninni og sést hefur um margra ára skeið til þín þar sem sannast að þú ert illa fær um að lesa þér til gagns.

Þér hefur ásamt fleirum verið bent á skýrslu rannsóknarnefndar Alþingis sem er fróðleg um flest það sem fór illa í hruninu ásamt því að geyma upplýsingar um yfirheyrslur allra sem komu nálægt einhverju og er aðgengilegt á netinu og hægt er að leita eftir orðum. annig gætir þú slegið inn orðið Davíð og fengið upplýsingar um yfirheryslurnar yfir honum. Sömuleiðis er hið sama mögulegt um flest annað sem varðar hrunið.

[Jón Valur Jensson, 22.2.2015 kl. 14:56]

Frábært, Halldór, að fá þennan texta hingað og að upplýst sé um þetta mál, sem þeir vinstri-slugsararnir hafa þótzt geta haft á móti fyrri seðlabankastjóra. Merkilegt hvernig þeir skjóta sig alltaf í fótinn.

[Halldór Jónsson, 22.2.2015 kl. 19:55]

Rafn, ég kem eiki auga á hvað þér finnst athugavert

Já,Prédikari, það er eftirtektarvert hvernig málstaður fyrri ríkisstjórnar og Davíðs styrkist með hverri skýrslu og upplýsingum sem birtast. En mér finnst staða Steingríms bara versna við nýjar uppplýsingar. Hversvegna var FIH seldur og hverjir véluðu þar um?

Jón Valur, það er oft að upp komast svik um síðir

[Predikarinn - Cacoethes scribendi , 24.2.2015 kl. 08:08]

Kaupþingslánið og ráðsmennska Seðlabankastjóra

Grein J'ons Magnússonar hrl. :

http://predikarinn.blog.is/blog/predikarinn/entry/1633722/