Bréfið

mikla frá utanríkisráðherra fór greinilega mjög fyrir brjóstið á þingliði fyrri ríkisstjórnarflokka. Þeir gala og flauta hástöfum eins og ekkert vandamál brýnna bíði úrlausnar hjá þessu Alþingi. Sem þó mætti hugleiða ögn þá boða sem nú rísa sem óðast þar sem er sú holskefla kjarasamninga sem framundan eru.

Við þessar aðstæður vilja menn fara í þjóðaratkvæðagreiðslur um hvert eigi að halda aðildarviðræðum áfram sem gagnaðilinn hefur löngu slitið sem vonlausum. Það er eins og þessir þingmenn og fréttamenn á RÚV gangi útfrá því sem gefnu að þetta mál bíði næstu ríkisstjóornar að leysa þá þegar og ekki megi spilla fyrir þeirri afgreiðslu.

Þetta bréf utamríkisráðherrans er kurteisisleg ábending til gagnaðilans í Brussel að búast ekki við frumkvæði frá núverandi ríkisstjórn um framhald viðræðna. Snyrtileg leið til að spara loft í lungum stjórnarandstæðinga og fría tíma Alþingis til að taka á einhverju sem skiptir meira máli. Stjórnviska sem felst í því að gelda sýningarþörfina hjá sérviskunni í Össuri og ámóta kratakruðeríi.

Þetta bréf var eiginlega ágætt bréf sem hefði mátt, ef horft er í baksýnisspegilinn, mátt  senda svo löngu fyrr.

Athugasemdir

[Helga Kristjánsdóttir, 16.3.2015 kl. 02:27]

Ég skrifa þér með tölvu,því túss er ekki til. Og pósturinn fer ekki út með bréf sem myndi fjúka.--- Já það hvessir úr öllum áttum og ekkert lát á lægðunum,sem stefna allar rakleitt á okkur.Mér er næst að halda að það sé "Fagn"náttúrunnar með okkur vegna áfanga sigurs á landssölu liðinu. Þeir vita að þeir höfðu rangt við frá upphafi í þessu máli. -- PS. Meiriháttar tákn og undur fylgja þessum tímamótum,menn koma til Íslands til að sjá sólmyrkvann,því hér er hann áhrifaríkastur,alltaf mest og best á Íslandi! Kærar kveðjur.