Stærsti flokkur þjóðarinnar

situr oftast hjá í atkvæðagreiðslum á Alþingi.

Jón Þór Ólafsson þingmaður Pírata hefur setið hjá í 66% atkvæðagreiðslna.Hann tekur bara upplýsta afstöðu segir hann. Vel ef hún er þá upplýst.

Verður ekki Alþingi því betra eins og lögreglan þegar það skiptir sér af fæstu? Passar á leiðindamál eins og skattahækkanir, náttúrupassa og svoddann trívíalítet.

Ef maður skiptir sér ekki af málum leysast þau ekki yfirleitt af sjálfu sér? Svo segir Murphy að minnsta kosti. Og er það ekki oft svoleiðis líka?

Er það ekki bara það sem þarf? Leyfa málum að þróast og renna sitt skeið. Vera ekki að æsa sig?

Stærsti flokkur þjóðarinnar veit hvað þarf til.

Athugasemdir

[Heimir Lárusson Fjeldsted, 6.4.2015 kl. 00:06]

Píratar þurfa ekki að bera ábyrgð áákvörðunum annarra.

[Jósef Smári Ásmundsson, 6.4.2015 kl. 08:50]

Sjálfstæðisflokkur er stærsti flokkur þjóðarinnar. Og píratar eru einungis með 3 fulltrúa á þingi. Reyndar koma tæplega 11 % þingmála frá þessu tríói. það að 22% þjóðarinnar vilja kjósa þennan flokk í næstu kosningum segir annaðhvort það að þessum 22$ finnst hann bera af öðrum flokkum eða hinir flokkarnir séu ekki eftirsóknarverðir. Þú verður bara að velja svarið .

[Hrólfur Þ Hraundal, 6.4.2015 kl. 13:26]

Þingmenn eru kosnir til að hafa áhrif til handa umbjóðendum sínum, ekki bara sjáfum sér. Að þora ekki að taka afstöðu og sitja þar með hjá er ekki áhrifaríkt nema fyrir andstæðinganna. Að sitja hjá vegna þess að það er fyrir séð að atkvæði viðkomandi þingmanns nær ekki árangri það er ómerkilegt. Þing menn sem ekki styðja afstöðu sína með atkvæði eru kafbátar sem eingin veit hvert eru að fara.