Opinberir starfsmenn eru leiðandi verkalýðsafl

er furðuleg staðreynd í vestrænu lýðræðisríki. 

Oftar en ekki eru opinberir starfsmenn vinstra fólk  sem síður en svo leiðist að gera hægri stjórnum skráveifu.  Þess þá heldur er það ómögulegt að ræða af alvöru við hinn raunverulega verkalýð þegar ómögulegt er að vita hvað ríkisstarfsmenn semja upp á.

Það þarf með öllum ráðum að semja verfallsréttinn burt af þessum opinberu stéttum ef landið á að geta keppt á alþjóðlegu mörkuðum. Þær hafa sýnt að þær kunna ekkert með slíkt efnahagsvald að fara. Ekkert alvöru þjóðfélag getur þrifist með svona flokka yfir höfði sér sí og æ.

Ríkið hefur ekki þrek til að standa á móti kröfum nema í hálfan mánuð, hversu vitlausar sem  þær eru. Verkfall sem stendur í meira en þrjár vikur er orðið óviðráðanlegt nema að leysa með uppgjöf og játa að borga kaupið afturábak. Annars  myndu verkföll aldrei borga sig til baka til launþega.  Eða þannig er þetta í reynd.

Íslensk verkföll eru bara sýndarmennska og pólitík eins og allt er í pottinn búið. Það nennir þessu enginn í raun og veru nema til þess að geta bent á vondu kallana sem kollvarpa efnahag landsmanna.  

Íslendingar er í rauninni fornaldareðlur sem enn eru að bisa við að starfa eftir hundrað ára gamalli vinnulöggjöf. Nútíma þjóðfélag gengur ekki á svoleiðis uppskriftum. Einkavæðing á nær öllum sviðum er það eina sem sýnist geta bjargað einhverri skynsemi inn í þetta furðulega kjarapex.

Það er verið að spyrja allskyns heimskulegra spurninga eins og af hverju getum við ekki lifað á átta tíma vinnu eins og þeir á Norðurlöndum? Af hverju fáum við ekki meira kaup?

Svarið liggur auðvitað í augum uppi. Fólkið er hér latara og slúgsar miklu meira en annarsstaðar þannig að framleiðnin er allt of lítil.Enda er kaupið svo lágt að það er ekki hægt að ætlast til að menn reyni á sig fyrir það. Þetta er lenskan hér.  Frídagar allt of margir. Eftir því sem mér sýnist vinna Pólverjar yfirleitt helmingi hraðar en Íslendingar á flestum vinnustöðum. Þeir eru ekki með gsm síma sem er í notkun oft á hverjum klukkutíma hjá flestum starfsmönnum. Ættu að vera bannaðir á vinnustöðum.

Ef ég væri í stjórn á verkalýðsfélagi myndi ég steinþegja á meðan ríkið dílar við sitt lið. Látum þetta fólk semja og segjum svo bara sama fyrir okkur.Enginn tilkostnaður bara bíða.

Opinberir starfsmenn eru hið leiðandi verkalýðsafl.

 

Athugasemdir

[Kristmann Magnússon, 7.4.2015 kl. 19:51]

Halldór minn

Nú er candis-inn vaknaður á ný -  þetta er alveg stórfín grein hjá þér en dettur nokkrum í hug að það verði hægt að semja við opinbera starfsemnn um að láta frá sér verkfalls-réttinn.  Það þarf bara að hafa kjark og setja lög um að taka hann af þeim 

[Eðvarð Lárus Árnason, 7.4.2015 kl. 21:32]

Sæll Halldór.  Mikið rétt verkföll eru til vandræða, en þau eru neyðarréttur.  Fyrir áratugum höfðu lögreglumenn verkfallsrétt, og beittu honum einu sinni, of þá var þó öllum neyðartilvikum var sinnt.  Eftir þetta eftirlétu lögreglumenn verkfallsréttinn af hendi,gegn því að lögreglumenn tengdust ákveðnum viðmiðunarstéttum. Blek undirskriftar var illa þornað þegar ríkisvaldið fór að sýna vanefndir.  Þær vanefndir hafa aukist verulega síðan.  Launakjör lögreglumanna hafa versnað sífellt, eftir að þeir sömdu af sér verkfallsréttinn.  Halldór það er mjög rangt gefiðí þessu þjóðfélagi.  Meðan rangindin þrífast er gefið að órógi verður viðloðandi. Eitt sinn sagði Styrmir Gunnarsson, "Ógeðslegt þjóðfélag " Þar á nýji Sjálfstæðisflokkurinn stóran þátt í að framkalla þetta viðhorf Styrmis.  Þjóðin þarf að fá nýtt réttsýnt fólk til valda, og umfram allt þarf að losa þjóðina við fimmflokkinn, og gefa upp á nýtt.  Kannski kemur sá tími að þú og ég kjósum sjóræningja, til að losa þjóðina við óværuna.

[Eðvarð Lárus Árnason, 7.4.2015 kl. 22:03]

Aðeins meir Halldór .  Einu sinni voru kerlingar tvær systur, þær eignuðust í erfðum margar kotjarðir við vesturströnd Íslands. Frá þessum kotum voru varir (útræði ) Ef velælir kotbændur gátu róið til fiskjar. urðu þeir að láta kerlingarnar hafa hluta aflans þó aðeins kæmu þeir með nokkra fiska. Kerlingar þessar settu þær kvaðir á kotungana að þeir mætti ekki eiga naut.  Þær áttu nautin og innheimtu bolatolla. Kotungarnir hefðu getað notað orð einhvers þeirra tíma Styrmis og sagt ógeðslegt þjóðfélag.  Halldór finnst þér nokkuð líkt með kerlingunum tveim, og aðal baráttumáli Sjálfstæðisflokksins nú.