Húsnæðisvandinn

er mikill. Flest ungt fólk sem vill í langskólanám sér fram á að geta aldrei staðist greiðslumat hjá samþættum íslenskum okurbönkum sem dugi til að geta keypt húsnæði.

Stjórnmálamenn bæði til sveitar- og Austurvallar ber sér á brjóst og þykist uppfullt af samúð. samt sitja sveitarstjórnir á lausn sem myndi duga ef þau bara vildu.

Þau þurfa ekki annað en að skipuleggja svæði þar sem fólk má setja upp ódýr hús eins og gámahús til dæmis.Íbúðargámar eru til sölu fyrir rúma milljón, ágæt hús.  Tveir til fjórir svoleiðis mynda lítið barnvænt hús. Útvega fjármögnun fyrir fólkið til að borga lóðirnar þegar flutt er inn.

GÁMAHÚS FYRIR VERKTAKA

Fyrirtækið Stólpi-Gámar hefur um árabil boðið ýmis konar gámaeiningar til sölu eða leigu til aðila sem þurfa á tímabundnum afnotum af slíkum húsum að halda, m.a sem kaffistofur, skrifstofur eða gistirými fyrir verktaka og aðila í ferðarþjónustu. Einnig býður fyrirtækið WC gámahús sem koma með öllum tækjum og lögnum og eru tilbúin til notkunar. Stólpi Gámar selja og leigja allar gerðir flutnings og geymslugáma í öllum stærðum og gerðum, s.s. þurrgáma, einangraða gáma, frystigáma og tankgáma.

Meira

Nei fólkið skal heldur gista á Hótel Mömmu þangað til að það lýkur læknanáminu og getur flutt til Noregs eða lýkur rafvirkjanáminu eða málmtæknináminu og getur flutt til Noregs.

Þvílíkt mannval sem raðast í pólitíkina hjá Íslendingum. Samræðu-og skeggræðustjórnmál eiga að leysa allan vandann. Efnahagslífið býður ekki upp á lausnir fyrir ungt fólk sem vill samt búa á þessu landi sem vantar heldur svona lausnir í stað 500 þúsund króna verktakaverð á fermetra í tíræðum steinsteypubjörgum. 

Er maður ekki alveg bergnuminn af að horfa á Dag Bé.og EssBjörn leysa húsnæðisvandann í Reykjavík eða Ármann í Kópavogi?

Hvað skyldu lóðirnar undir húsnæðisvandann kosta hjá Robba og Gunnari í Fjallabyggð?

 

Athugasemdir

[Böðvar Guðmundsson, 20.4.2015 kl. 10:33]

Langar að taka undir hvert orð, ekki nógu margir sem tala um húisnæðismálin af þekkingu.

Og ekki er von á góðu frá núverandi húsnæðisráðherra.

[Kristmann Magnússon, 20.4.2015 kl. 13:26]

Já ég ætla líka að taka undir hvert orð hjá Halldóri í dag.

Vel mælt og orð í tíma töluð 

[Kolbrún Hilmars, 20.4.2015 kl. 16:46]

Af hverju á unga fólkið ekki kost á því að kaupa húsnæði tilbúið undir tréverk? Eða jafnvel skemmra komið?
Mín kynslóð gerði þetta á sínum tíma (þegar lánafyrirgreiðslan var ekki upp á marga fiska) og fullgerði svo húsnæðið allt eftir efnum og ástæðum. 
Þótt það tæki 10 ár voru allir ánægðir, enda sparaðist húsaleigan himinhá til fjárfestingarfélaga sem þurftu að skila arði.

[Rafn Haraldur Sigurðsson (IP-tala skráð) 20.4.2015 kl. 17:34]

 Ef þú skráir þig sem útigangsmann, þá skaffar Reykjavíkurborg þér 1stk svona gám úti á Granda. 

[Gunnar Heiðarsson, 21.4.2015 kl. 07:57]

 Gámur er hannaður til að geta borið á sér allt að 15 full lestaða gáma, um borð í skipum sem ferðast við öll veðurskilyrði um úthöfin. Þá er umgengni gáma við losun og lestum oft mjög slæm, ekið inn í þá með vinnuvélum og fleira í þeim dúr. Þeim er ætlað að endast í yfir tuttugu ár við þessar aðstæður. Hvernig myndu þá gámar duga við bestu aðstæður, fastsettir á landi þar sem þeir fengju góða umgengni. Það er vart hægt að hugsa sér betra byggingaefni til húsbygginga, sérstaklega þegar verð er tekið í þá jöfnu.

En eins og með svo margt er reglukerfið hjá okkur til trafala. Ekki má nota gáma sem húsnæði nema í takmarkaðan tíma, þ.e. til bráðabyrgða. Því dettur engum í hug hér á landi að sóa tíma sínum í hönnun slíkra húsa, gámarnir einfaldlega teknir hráir og nauðsynlegustu breytingar gerðar svo hægt sé að nota þá sem bráðabyrðarhúsnæði.

Þessu er svolítið öðruvísi farið erlendis. Vestan hafs hafa sprottið upp fyrirtæki sem sérhæfa sig í að byggja hús úr gámum, varanleg hús. Innan Evrópu er þessi þróun einnig hafin.

Hers vegna ekki hér á landi?

Hér fyrir neðan er svo hægt að sjá smá sýnishorn af því hvað hægt er að gera með gámum. Í raun er það bara ímyndunaraflið sem heftir möguleikana, gámarnir bjóða upp á allt sem mönnum getur hugsanlega dottið í hug.

http://www.viralnova.com/shipping-container-homes/

http://www.lifebuzz.com/shipping-containers/

http://www.homedsgn.com/tag/shipping-container-house/

[Gunnar Heiðarsson, 21.4.2015 kl. 08:00]

Ekki er óalgengt að full lestaður gámir vegi frá 25 til 31 tonn. 15 gámar gætu því vegið allt að 450 tonnum. Þann þunga þarf gámur að geta borið á sér, í stórsjó á úthöfunum.

[Halldór Jónsson, 21.4.2015 kl. 08:45]

Takk fyrir undirtektir öll sömul. Það ereu fleiri en ég sem hafa áhyggjur af húsnæðismálum unga fólksins. Athugasemdir Gunnar Heiðarssonar um burðarþol gámanna eru gott innlegg í allar vangaveltur um traustleika svona húsa.