Valgerður Bjarnadóttir

er í útvarpinu og segir að það eigi að borga fólki mannsæmandi laun svo það geti lifað.

Það var einu sinni stefna sem hét Social Credit sem gekk út á að að allir fengju nóga peninga. Hún var notuð á Nýfundnalandi sem missti sjálfstæði sitt í framhaldi.

Valgerður finnur að því að skattar séu lækkaðir þegar þarf að borga fólki óskilgreint mannsæmandi laun. Hækkun allra skatta er henni hjartfólgin.  Hún er þá skýr á því að peningar til þess að borga opinberum starfsmönnum þessi mannsæmandi laun komi ekki nema með því að hækka skatta. Hún vill því hærri skatta og hærri laun til ríkisstarfsmanna.

Man nokkur mynd StormsP af kallinum sem er að sníða rófuna af hundi sínum til að gefa honum að éta? 

Er þetta ekki munurinn á pólitík krata og hægri manna? Kratar vilji skattleggja til að eyða? Hægri menn vilji spara til þess að geta eytt? Þessvegna vilji þeir hægri menn auka einkavæðingu allstaðar því þeir trúi því að menn fari betur með eigin peninga en annarra?

Er það  munurinn á frændsystkinunum Valgerði Bjarnadóttur og Bjarna Benediktssyni?

Athugasemdir

[Predikarinn - Cacoethes scribendi , 13.6.2015 kl. 14:43]

Sæll kæri Halldór.

Ég tek undir það sem þú skrifar hér - þessi er munurinn á hægri og vinstri mönnum. Hitt er annað að ég veit ekki betur en Valgerður sé systir Björns Bjarnasonar auk þess að vera fræanka fjármálaráðherrans núverandi. Þetta hefði einhvern tímann verið kallaður ættleri eða svartur sauður innan fjölskyldunnar. Faðir hennar er væntan lega búinn að taka marga snúninga í gröf sinni vegna Valgerðar, svona líkt og skopparakringla býst ég við.

[Þorsteinn H. Gunnarsson, 13.6.2015 kl. 15:49]

Einkavæðingin gengur út á það að ríkið borgi. Samanber enkaskóla sem þyggja fé af fjárlögum og heilsugæslur sem fá fé úr ríkisjóðir pr. sjúkling.

Enkavæðing er bara í nösunum á á mönnum, svona þykjustuleikur.

En fólk verður að hafa peninga á milli handanna svo það geti verslað. Þess vegna þarf hærri laun, ( flatskjáir og svoleiðis).

[Predikarinn - Cacoethes scribendi , 13.6.2015 kl. 16:05]

Þorsteinn

Ódýrasta heilsugæslan á Íslandi,sem og hin afkastamesta, er einmitt einkarekin og er í Salahverfinu ó Kópavogi.

Þú ert að blása vindhögg úr nös !

[Þorsteinn H. Gunnarsson, 13.6.2015 kl. 17:19]

Það er rétt að það gengur vel í Salahverfi, en það víkur ekki frá þeirri staðreynd að fjármagnið  kemur frá ríkinu.

[Predikarinn - Cacoethes scribendi , 13.6.2015 kl. 20:04]

Það sannar að þú ert að blása vindhögg úr nös - en þetta er eitt af óendanlega m0rgum dæmum um hið sama.