17.júní 2015

er athöfn á Austurvelli að vanda í þjóðræknilegum stíl sem öll þjóðin á og nýtur. Forsetinn leggur blómsveig á Jón Sigurðsson.Forsætisráðherra talar. Kórar flytja hin fegurstu ljóð. Fjallkonan fer með kvæði. Allt í sjónvarpinu í beinni.

Athöfnin er trufluð af tiltölulega fámennum brjáluðum kommúnistaskríl fyrir aftan sem gargar og ber trumbur. Við, sem erum fjöldinn heima, megum ekki einu sinni njóta tónlistarinnar fyrir hávaðanum sem er stöðugur. Því miður sýndu myndavélarnar ekki nægar myndir af hyskinu svo við gætum þekkt þá úr og tekið þá fyrir á förnum vegi, sem þarna fóru hæst.

Hafi maður haft samúð með fólki sem hefur og lágt kaup á spítölunum þá saxaðist vel á hana þarna, þegar fulltrúar þess sýna sitt rétta andlit ofbeldis og ófriðar.

BHM og þessum aragrúa af kjarabaráttufélögum gegn hinu opinbera er skítsama um lög og rétt. Þeim er skítsama hvort einhverjir deyja ótímabært í kjölfar kjaraaðgerða. Þeim er yfirleitt skítsama um allt nema sjálft sig og sína buddu.

Mér líka skítsama um þessi félög núverandi mynd. Ég  vil bara að þau verði gerð skaðlaus og svona aðgerðir heyri sögunni til með einum eða öðrum hætti.  Nú hefur fjöldi fólks úr þessum félögum sagt upp og ætlar úr landi. Ég vil bara fagna því og vona að það komi aldrei aftur. Ég er viss um að við getum fengið ekki mikið verra fólk í staðinn eins og alltaf er því maður kemur í manns stað. Allavega verður það fólk ekki í næsta upphlaupi.

Ég mun gleðjast meira eftir því sem fleira af félögum úr þeim fer úr landi. Ég sætti mig miklu frekar við erlendar hjúkrunarkonur og geislafræðinga og jafnvel erlenda lækna, ef þetta fólk vill ekki vera með þessari þjóð og hlýtt hennar lögum. Það geta flestir talað ensku og þeir sem ekki geta það ættu að geta fengið túlka. Og þá má væntanlega fara að huga líka  að fjárveitingunum til Læknadeildarinnar og Hjúkrunarskólanna.

 

Það virðist eiga að vera svo, að ákvarðanir Alþingis og löglega kjörinnar ríkisstjórnar eigi ekki að gilda ef bolsjevikkunum þóknast annað. Menn ættu að geta gert það sem þeim sýnist í mótmælum en þó aðeins án þess að ganga á rétt meðborgaranna eins og þarna gerðist á Austurvelli. Skrílnum á ekki að leyfast að fótum troða rétt meðborgarans til að hlusta og njóta.

Sem hliðstæðu mætti hugsa sér að ég hefði viljað fá að hleypa úr mínum eigin táragaskút þarna við hornið á Sjálfstæðishúsinu til að mótmæla skerðingum á öldruðum sem líklega jafnmikið tilefni er til? Var það ekki alveg eins minn réttur eins og hinna mótmælendanna sem hindra mig í að njóta stundarinnar? Mitt eigið gas? Ef þeir ekki vilja lykta af því geta þeir þá bara ekki flutt sig?

Hverskonar ræfildómur er það af heilu þjóðfélagi að gefast upp fyrir svona fámennum skríl og leyfa honum að hleypa upp helgistund þjóðarinnar. Jafn fáránlegt og að líða öskurapa á áheyrendapöllum Alþingis.

Girðingin á Austurvelli verður bara að vera fjær næst en friðsamt fólk má alveg koma nær.

17.júní 2015 er lexía fyrir okkur öll.

Athugasemdir

[Helgi Jóhann Hauksson, 17.6.2015 kl. 22:54]

http://jonvalurjensson.blog.is/blog/jonvalurjensson/day/2009/6/17/

[Helgi Jóhann Hauksson, 17.6.2015 kl. 23:00]

Hræsnin ríður ekki við einteyming. Hér á þessari slóð sem ég set inn hvetur Jón Valur Jensson af miklum ákafa til mótmæla á sama stað og sama tíma þann 17. júní árið 2009. Nú er hann eins og Halldór hneykslaður upp fyrir haus vegna mótmæla — hvað ætli þeir segðu hefðu þeir verið í sal Lærðaskólans á fundi Trampe greifa þegar Jón Sig reis upp hrópaði „Vér mótmælum allir“ og eyðilagði fundinn. http://jonvalurjensson.blog.is/blog/jonvalurjensson/day/2009/6/17/

[Predikarinn - Cacoethes scribendi , 18.6.2015 kl. 01:30]

Helgi

Fór J'on Valur að eins og skríllinn í dag með bumbur og skrílshávaða svo að ekki heyrðust ræðuhöld, s0ngur þjóðs0ngsins og kyrrðarstund sem eðlileg og nauðsynleg er þegar blómakrans er settur að styttu Jóns Sigurðssonar. Í dag sýndi skríllinn rétt andlit sitt liksins. Ég tek undir með Halldóri að verst er að ekki eru til myndir af hverjum og einum svo hægt sé að vara sig á þessu .......#/$#  !

Jón Sigurðsson reis upp þegar Trampe greifi, sem var fulltrúi konungs, hafði með ólögmætum hætti slitið fundinum eftir lítilsháttar orðaskipti þeirra í millum og sagði :

„ og ég mótmæli í nafni konungs og þjóðarinnar þessaru aðferð og ég áskil þinginum rétt til þess að klaga til konungs vors yfir lögleysu þeirri sem hér er höfð í frammi“

Þá risu þingmenn upp og mæltu nokkurn veginn í einu hljóði :

„Vér mótmælum allir“

Helgi - ef þér finnast skrílslætin í dag eitthvað í ætt við það sem gerðist á tilvitnuðum fundi 9. ágúst 1851 - þá þarftu að setjast á skólabekk og læra siðfræði og annað mikilvægt eins og virðingu og kurteisi upp á nýtt.

[Predikarinn - Cacoethes scribendi , 18.6.2015 kl. 01:42]

P.S.

afsakið innsláttarvillurnat