Rögnunefndin kveður

með afskaplega fallegum upplestri formannsins fagra á niðurstöðunum. Skeggjað fés frumkvöðulsins var hvergi í augsýn þó hann sé yfirleitt fremstur þegar myndavélar eru í boði.

Dagur B. Eggertsson lét setja þessa nefnd saman til þess að taka flugvallarmálið af herðum sér fyrir kosningarnar þar sem flokkur hans stóð höllum fæti og raunar tapaði duglega eins og hann hafði til unnið. En tilviljunin færði Degi kauptækifæri með fjármunum borgarbúa sem hann notaði til að kaupa Pírata til liðs við borgarstjórastól sinn og vegtyllur fyrir kumpáninn EssBjörn, sem þó heldur sig meira til hlés í seinni tíð.

Og Dagur er óspar á peninga fólksins eins og fyrri daginn og flestir af hans sauðahúsi. Hann mokaði því hiklaust í Rögnunefndina þar sem hann var svo líka einn launaþiggjendanna og tryggði þar með þá niðurstöðu fyrirfram að endurbætur á Vatnsmýrarflugvelli kæmu ekki á dagskrá.

Í Morgunblaðinu stendur þetta:

" Það er verið að vekja upp gamlan draug,« sagði Ómar Ragnarsson, einkaflugmaður og fyrrverandi fréttamaður, við mbl.is..Hann rifjaði upp að fyrir 55 árum hefðu verið uppi hugmyndir um flugvöll í Kapelluhrauni, skammt frá Hvassahruni.

Sú hugmynd hefði verið slegin út af borðinu eftir að prófað hefði verið að fljúga vélum til skiptist að og frá Reykjavíkurflugvelli í hvassri aust-suðaustanátt, sem væri algengasta vindáttin á höfuðborgarsvæðinu, og jafnframt að og frá hugsanlegu flugvallarstæði í Kapelluhrauni. »Hefur Reykjanesfjallgarðurinn fjarlægst og lækkað síðustu 55 árin og hefur vindurinn minnkað,« spurði Ómar.

 

Framsókn og flugvallarvinir segja í fréttatilkynningu miður að hlutverk Rögnunefndarinnar hafi ekki verið að leggja mat á hagkvæmni þess að halda Reykjavíkurflugvelli í núverandi mynd, heldur aðeins að athuga hvort önnur flugvallarstæði kæmu til greina fyrir rekstur innanlandsflugs. Ítrekar flokkurinn stuðning sinn við óbreyttan Reykjavíkurflugvöll í Vatnsmýri."

 

Frá þessu nýfundna flugvallarstæði er til þess að gera stutt til Pattersons flugvallar þar sem langar undirbyggðar flugbrautir bíða lagfæringa fyrir einkaflug og öllu því tengdu. Mun styttra en á Stóra Kropp. Lagfæring Patterson kostar brot af milljarðatugunum sem þeir Dagur Bé eru búnir að finna legstað fyrir í Hvassahrauni. Frá Patterson er svo hægt að taxéra upp á Keflavíkurflugvöll ef svo ber undir. Sameiginlega flugstjórn fyrir báða velli í Keflavík er hægt að viðhafa auðveldlega.

Fjallið hefur sem sagt tekið jóðsótt og músin er fædd. Nú flautar Dagur Bé. á jarðýturnar og byrjar framkvæmdir við að gefa hinum og þessum lönd í Vatnsmýri þá hann hafi ekki getað sannað eignarhald sitt ennþá á neinu á því svæði.

Rögnunefndin kveður og heldur af stað í skýstrók til himna

 

Athugasemdir

[Hrólfur Þ Hraundal, 26.6.2015 kl. 17:21]

Hver borgaði fyrir þessa Rögnunefnd, raunar Dagsnefnd  og til hvers var það gert?  Það hefur alltaf legið fyrir að brúklegt pláss fyrir höfuðborgar flugvöll er bara að finna á Bessastaðanesinu og svo þar sem hann er.   Þó að Ragna hafi verið skást af öllum i ríkistjórn Jóhönnu vitlausu þá er ekkert víst að hún sé sérfræðingur í staðsetningu flugvalla.       

[Jón Valur Jensson, 26.6.2015 kl. 17:43]

Þakka þér góða ádrepu, Halldór! 

Var yfirleitt nokkur fagmaður í flugfræðum í Rögnunefndinni? Hefðu flugmenn ekki fremur átt heima í henni en Dagur B. Eggertsson?

[Eðvarð Lárus Árnason (IP-tala skráð) 26.6.2015 kl. 18:02]

Sæll Halldór Ég ætlaði að leggja fram spurningar í atugasemdirá bloggi Jóns Magnússonar hrl.                     en það voru giðingar hjá honum sem ég komst ekki í gegn Spurningar mínar voru bara 2 sem kannski þú gætir svarað

1  .Borgar Dagur B. fyrir Reykjavíkurflugvöll.Borgi hann ekki,Gæti jón t.d  innheimt eignarhluta þinn og minn  í sameign okkar í Reykjavíkurflugvelli ???

[Halldór Jónsson, 26.6.2015 kl. 18:45]

Ég er nú búinn að glugga í skýrslu Rögnunefndarinnar. Þar koma "flugkvikureikningar" í stað aðflugsrpófana sem er búið að marggera vegna Kapelluhrauns sem gaf margfalt verri niðurstöðu en Reykjavíkurflugvöllur i Vatnsmýri.

Þessi skýrsla er mjög ótrúverðug sérlega eftir að verkfræðistofan Efla lét kaupa sig til að skrifa skýrsluna fyrir ISAVIA þar sem allar staðreyndir um vinda voru talaðar niður samkvæmt því sem mér skildist á andsvari Leifs Magnússonar . Ég sé enga ástæðu til að taka tölur nefndarinnar öðruvísi en með fyrirvara.

Og niðurstaðan er skondin1.22 milljarðar fyrir að vegalengdin úr Fossvogi að Hvassahraunsflugvelli er aðeins 21 km. Þá eru eftir 29 km til Keflavíkur en kannski um 20 að Patterson. Bíll á 100 km hraða er 12 mínútur frá Hvassahrauni að Patterson eða 19 mínútur til Keflavíkur.

Aðeins þrautþjálfað fólk í gersamlegri fyrirlitningu á verðmæti og meðferð skattfjár getur komið með svona tillögur fyrir almenning. 22 milljarðar út í loftið fyrir svona tillögur. 

[Jón Valur Jensson, 26.6.2015 kl. 22:05]

Mjög athyglisvert, Halldór!