Hvenær lækkaði einhver eitthvað?

síðast? Áður en Bjarni Benediktsson varð ráðherra í núverandi ríkisstjórn og lækkaði fjármagnstekjuskatt, lækkaði auðlindagjald á sjávarútveginn og lækkaði tryggingagjald. Auðvitað gerði hann þetta bara fyrir vini sína gróðapungana og kvótagreifana segja kommarnir.Svo lækkaði hann höfuðstól verðtryggðra lána fyrir auðlegðarskattþegana?

Svo lækkaði Bjarni heildarvörugjöld þegar hann afnam þau á margar neysluvörur almennings. Svo lækkaði hann virðisaukaskattsprósentuna úr 25.5% í 24 %. Þetta er nærri 6 % lækkun virðisaukakskattsprósentunnar. Fyrir hverja gerði hann þetta?

Svo boðar hann nú að afnema alla tolla á annað en innflutta matvöru. Fyrir hverja skyldi hann nú vera að gera þetta?

Svarið liggur í augum uppi. Þetta er allt fyrir Pírata sem eru stærsti flokkur þjóðarinnar. Píratar fá mest í sinn hlut af öllu sem til almennings rennur.

Bjarni er hlutfallslega minnst að gera fyrir Sjálfstæðisflokkkinn sem bara minnkar og minnkar í skoðanakönnunum.

Fæstir njóta eldanna sem fyrstir kveikja þá. Hvað skyldu Píratar gera þegar þeir mynda stjórn með kommunum og Bjartri Framtíð? Hvenær hefur einhver lækkað eitthvað áður en Bjarni varð ráðherra?

Athugasemdir

[Kristmann Magnússon, 12.7.2015 kl. 12:53]

Þetta er rétt hjá þér og Bjarna verður minnst um ókomin ár fyrir þetta frumkvæði sitt.  Alveg eins og Matta Matt sem afnám verðlagsákvæðin á sínum tíma öllum landsmönnum til mikilla hagsbóta því við það afnám lækkaði vöruverð í landinu en hækkaði ekki eins og kommarnir spáðu.  Svo máttu heldur ekki gleyma Jóni Baldvin sem stórlækkaði tolla í sinni ráðherratíð.  En Bjarni er hér að gera MJÖG GÓÐA hluti og bráðum verður verðlag á Íslandi mjög nálægt því sem það er í nágrannalöndunum og fólk þarf ekki að vera að fara til útlanda til að versla. Og fyrri ráðamenn mega skammast sín fyrir að hafa ekki haft skilning á þessum málum. Ríkissjóður stóð mun betur í þeirra tíð þegar þeir þorðu ekki að stíga þessi skref ÖLLUM LANDSMÖNNUM til mikilla hagsbóta. Húrra fyrir Bjarna ! 

[Halldór Jónsson, 12.7.2015 kl. 13:11]

Já Húrra fyrir Bjarna. Hugsaði þér Mannsi að allir tollar verða afnumdir nema bara þeir sem halda uppi landbúnaðinum. Heldurðu að það verði ekki fækkað eitthvað hjá Tollstjóra í framhaldi? Ef svo þá hefur Bjarni gert enn meira en sést á þessu útvortis.