"Grát ástkæra fósturmold"

kom manni í hug að hlusta á formann ungliða Vinstri Grænna segja þá vera sósíalista sem vilja jöfnuð með því að skattleggja þá sem betur mega hærra. Skera ofan  af í stað þess að lyfta þeim lágu.Þetta er fólkið sem finnst vaxtabætur vera styrkur við fátæka í stað þess að vera styrkur til lánveitenda. Finnst skattfrelsi á láglaun vera þjóðfélagslegt góðverk stjórnmálamanna í stað þess að berjast gegn láglaunum.

Svo vill hann ganga úr NATÓ en herinn er burt svo hann varð að sleppa því. Hann hafði engar tillögur um neitt annað.

Að hugsa sér að þetta skuli vera unga Ísland og ungur maður með allt lífið framundan til að finna kröftum sínum viðnám. Nákvæmlega sama suðan og hjá Svavari Gestssyni og öðrum úlpukommunum á Laugavegi 11 fyrir meira en hálfri  öld. Kannski stólar hann á að hann fái síðar að sleikja froðuna ofan af skattpottinum eins og Svavar gerði með ágætum strax og hann fékk færi á.

Mér datt bókartitillinn að ofan í hug þegar ég hugsaði um letina og framtaksleysið sem einkennir margt þetta vinstra lið og kaffihúsaspekinga.

Athugasemdir

[Kristmann Magnússon, 12.7.2015 kl. 21:29]

Já þú kallar þá úlpukomma sem er nú bara ansi gott orð, en ég var einu sinni með mann í vinnu sem ég kallaði komma, og þá sagði hann við mig - Mannsi - ég er ekki kommi ég er lífsþægindakommi.  Þannig eru þeir flestallir - vilja fá öll lífsþægindi en ekkert gera eða láta af hendi rakna sjálfir.
Skattleggja aðra en ekert greiða sjálfir