Óðaverðbólga er hafin

sem fyrirsjáanlegt var með kjarasamningunum sem ríkisstjórnin startaði með samningunum við lækna. Það verður dýrt fyrir þjóðina að hún skyldi tapa þeirri störukeppni eins og afleiðingarnar sanna sem eru að birtast dag frá degi.

Í Morgunblaðinu í dag talar Halldór Halldórsson borgarfulltrúi minnihlutans um þetta í viðtali :

 

»Við erum núna að sjá hlutfallshækkanir launa, sem hafa ekki sést síðan það var óðaverðbólga á Íslandi,« segir Halldór Halldórsson, formaður Sambands íslenskra sveitarfélaga. Launakostnaður er orðinn mjög þungur baggi í rekstri sveitarfélaga og fer vaxandi. Fjallað verður um þau mál á fjármálaráðstefnu sveitarfélaga sem hefst í dag.

 

Halldór segir að þær launahækkanir sem sjá megi í kjarasamningum bæði á almennum markaði og hjá ríki og sveitarfélögum séu svakalegar. ,,Við erum einhvern veginn búin að missa tökin,« segir hann. Halldór segir að yfirstandandi viðræður á milli heildarsamtaka á vinnumarkaði, sveitarfélaga og ríkisins um leiðir út úr þeim vanda sem upp er kominn í kjaramálum, séu góðar og óhjákvæmilegt sé að smíða nýtt vinnumarkaðsmódel.

 

Sveitarfélögin eiga ólokið á sjötta tug kjarasamninga en samningar allra starfsmanna sveitarfélaganna að frátöldum grunnskólakennurum eru lausir.

 

»Eftir því sem við tökum fleiri verkefni fjölgar starfsfólki okkar. Sveitarfélögin eru sífellt stærri aðili á launamarkaðinum. Staðan er orðin þannig í dag að við erum með fleira fólk í vinnu en ríkið. Það eru fleiri stöðugildi hjá sveitarfélögunum en hjá ríkinu,« segir Halldór.

 

Fulltrúar Sambands ísl. sveitarfélaga hafa rætt við fjármálaráðherra um nauðsyn þess að tekjustofnar sveitarfélaga verði breikkaðir. »Við viljum fá aðkomu að fleiri tekjustofnum, til dæmis varðandi ferðaþjónustuna. Sveitarfélögin kvarta undan því að tekjur af ferðaþjónustu skili sér ekki til þeirra. Það er samhljóða álit sveitarfélaganna að ferðaþjónustan skili nánast engu til þeirra.«

 

Matthías Rögnvaldsson, forseti bæjarstjórnar Akureyrar, tekur í sama streng og Halldór í viðtali í Morgunblaðinu í dag. Launahækkanir þyngja róður sveitarfélaganna og er því spáð að rekstur sveitarfélaga verði almennt þungur á þessu ári. Laun kennara vega þungt, en grunnskólinn er stærsti útgjaldaliður flestra sveitarfélaga.

 

»Bærinn hefur líklega aldrei fengið á sig eins miklar hækkanir og raunin verður á þessu ári. Útgjöldin vegna launa hækka líklega á bilinu 500 til 600 milljónir króna, þannig að það stefnir í að A-hluti bæjarsjóðs verði gerður upp með halla á árinu,« segir Matthías. Hann telur sanngjarnt að sveitarfélögin fái hluta virðisaukaskattsins til sín og líka hluta fjármagnstekjuskattsins."

Menn taki eftir því hvaða lausnir þessum sveitarstjórnarmönnum detta fyrst í hug? Skattahækkanir! Meiri skatta!  Meiri tekjur til að standa undir útgjöldum. Þeir eru búnir að missa tökin í rekstrinum. Þeir stjórna ekki neinu lengur. Dauðaspírallinn er hafinn eins og hjá afturþungri flugvél í flatspinni.

Menn eru búnir að missa tökin á rekstrinum. Allstaðar. Hjá Ríki og bæjum. Launþegarnir hafa séð til þess að það verður að prenta peninga til þess að geta borgað þeim kröfurnar. Sem betur fer eru launin þeirra ekki í Evrum eins og í Grikklandi eða verðtryggð. Það eru lánin þeirra hinsvegar. Nú skulum við sjá hvað fólkið verður flinkt að borga verðtrygginguna( fíflin þessi DELETE DELETE) sem píndu þessa leið í gegn.

Við þekkjum hana oðaverðbólgu vel þau eldri. Gleðlega óðaverðbólgu þið launþegar (óráðsíubjálfarnir ykkar DELETE) allir.  

(í næstu kosnngum ber að setja háttvirtir kjósendur í stað uppnefnanna hér að framan þó betur eigi við.DELET DELETE))