Hversu lengi enn?

á þjóðin að horfa upp á þessa svívirðu sem viðgengst í slitastjórn Glitnis?

"Slitastjórn Glitnis fær 57.000 krónur greiddar á tímann og námu greiðslur til þeirra Steinunnar Guðbjartsdóttur, formanns slitastjórnarinnar og Páls Eiríkssonar sem einnig situr í stjórninni, 118 milljónum á fyrstu sex mánuðum ársins. Það er 27 milljóna aukning milli ára. Tímagjaldið hefur hækkað um 250 prósent frá því slitameðferð búsins hófst árið 2009." Hvaða vísitölur eru í gangi hjá slitastjórninni?

Hvað hæfileikum býr þessi Steinunn frá Króki yfir sem gera hana svo verðmæta? Hún fór  m.a. til New York með mál tengt Glitni en var rassskellt af bandarískum dómara til að snauta heima aftur. Hún virtist ekki betri lögfræðingur en þetta.

Ég hef heyrt að Það sé  nóg af lögfræðingurm sem eru á lausu fyrir miklu minna gjald en þessi Steinunn  og Pétur kosta. Hvað eru þau eiginlega að gera?

Hvenær linnir þessum ósköpum? Á þetta að ganga til eilífðarnóns?

Hversu lengi enn á almenningur við að horfa upp á þetta?

Athugasemdir

[Davíð12 (IP-tala skráð) 17.10.2015 kl. 00:17]

Gaman að sjá hve annt þér er um erlendu eigendur slitabúana sem þessir Íslensku lögfræðingar eru að okra á. Það er óþarfi að láta þá blæða svona þó við köllum þá í góðlátlegu gríni hrægammasjóði.

En þeir geta þó huggað sig við það að þessum dýru lögfræðingum tókst að semja stöðugleikagjaldið niður um nokkur hundruð milljarða og hafa náð mörg hundruð prósenta ávöxtun á eignasafnið síðan þeir fengu það í hendur.