Leyfum verðtryggingu

á innlán til skemmri tíma en þriggja ára.

Af hverju er verðtrygging innlána ekki leyfð til skemmri tíma en þriggja ára nú þegar óðaverðbólga getur verið á næsta leiti? Af hverju er verið að ráðast gegn sparifé almennings og eldri borgara sérstaklega á þann hátt sem bankarnir og ríkisvaldið eru nú að stunda?

Ríkið leggur fullan fjármagnstekjuskatt á verðbætur af sparifé. Er einhver glóra í því? Af hverju mega menn ekki eiga sparifé í skjóli þó vextir þurfi ekki að vera háir?

Af hverju leyfum við ekki verðtryggingu á sparifé til skemmri tíma?

Athugasemdir

[Jóhann Kristinsson, 18.10.2015 kl. 15:39]

Lausnin er að afnema verðtryggingu fyrir öll lán, fyrr verður óðaverðbólgu vandamálið ekki leyst.

Með verðtryggingu þá er þetta eins snjóhengja i fjallinu fyrir ofan bæinn, það vita allir að það verður snjóskriða sem eyðileggur mikinn hluta bæjarins, en það er ekkert gert í því að afstýra snjó skriðunni af því að ráðamenn sem gætu afstýrt snjóskriðunni búa í bæjarhlutanum sem ekki verður fyrir snjóskriðunni.

Kveðja frá Houston

[Sindri Karl Sigurðsson, 18.10.2015 kl. 20:10]

Dittó.

[Halldór Jónsson, 18.10.2015 kl. 20:33]

gjaldeyrisfrelsiþá tilað eiga sparifé sitt í erlendri mynt

[Halldór Egill Guðnason, 18.10.2015 kl. 20:53]

Kæri nafni.: Það eru til, algerlega löglegir og í fullum gangi, verðtryggðir innlánareikningar í Landsbankanum. Bankanum OKKAR!

 Vextirnir eru reyndar eins og að gefa kindum snjó, um frostavetur, en þetta er til. Það er hinsvegar gengið þannig frá hnútunum, að þeir sem að opna umrædda reikninga, hagnast ekkert annað á því, en að halda sjó. Það er hinsvegar barasta býsna verðmætt. Að halda sjó og tapa ekki öðru en tíma, er orðið að forréttindum, nú um stundir. Ef ég ætti dollar fyrir hverja stund, sem ég hef haldið sjó.........púff.

 Góðar stundir, með kveðju að sunnan.

[Halldór Jónsson, 18.10.2015 kl. 21:44]

þú segir mer tíðindi nafni. ég hringi sko í bankann okkar þegar ekki verður verkfall. Kveðjur suður um höfin, að sólgylltri strönd!

[Halldór Egill Guðnason, 18.10.2015 kl. 21:58]

Hér er sko eingin helvítis sólgyllt strönd. SW 69 hnutar og snjókoma. Vorið    er komið enn á ný! Ef ég sé kríu, sendi ég kveðju heim. Barnatrúnni er eg sennilega búinn að gleyma,.....

Meistari Megas.

[Halldór Jónsson, 19.10.2015 kl. 13:16]

Kveðjur samt til þín. En ég fann ekki styttri bækur en 36 mánaða hjá Landsbankanum

[Helgi Jónsson (IP-tala skráð) 19.10.2015 kl. 15:39]

Ég myndi helst vilja fá laun í evrum og sparnaðurinn væri í evrum, en til þess að það gæti orðið að veruleika , þá þurfum við að ganga í ESB með sínum sólgylltu ströndum.