Fjörtíuþúsund fífl

snúa til baka eftir loftslagsfundinn í París.

Árangurinn fyrir Íslands hönd mælist í því að Svandís Svavarsdóttir er búin að ákveða að Íslendingar skuli aldrei leita að olíu meira. Sem sagt leggja varanlegan lífskjaraskatt á þjóðina eins og hún gerði með íblönduninni í bensínið sem kemur verst niður á þeim sem hún þóttist elska mest fyrir kosningar. Svandís er því sannur meinvættur í lífi lítilmagnans.

Allir sjá áhrifin frá skrautsýningunni í París á líf Íslendinga. Þeir sem stjórna örsmæðarbroti af losun manna á CO2 eiga að fara að herða mittisólar sínar í framhaldi af skattfjárskostnaði góða fólksins til Parísar.

Niðurstaða ráðstefnunnar fyrir utan timburmenn er nákvæmlega engin fyrir mannkynið en íþyngjandi fyrir Íslendinga. Hún breytir engu um heildarlosun mannkynsins af þessarri nauðsynlegu loftegund þar sem helstu framleiðendur standa utan við. Sá eini sem græðir er Al Gore og þeir gróðapungar sem hann styðja.  

Hnattræn hlýnun væri aðeins  til góðs og eykur matvælaframleiðslu í heiminum. Hún gerir Ísland snöggtum byggilegra. Við getum sent dæluskip til að hækka einhverjar eyjar ef svo ber undir.

En svona til að afhjúpa tvöfeldni Svandísar og góðafólksins hennar sem er sama fólkið og vill gráta albanska drenginn úr Helju því hann á svo bágt meðan gamalt fólk sveltur hérlendis, þá væri gott að fá fram opinberlega hver sé hennar afstaða til:

1.Vindmyllugarða

2.Þórsvirkjana  

Auðvitað steinþegir hún um það hvað mannkyn eigi að gera í orkumálum. Enda er það ekki háttur komma að hafa áhyggjur af því sem ekki er hægt að nota sjálfum sér til framdráttar í áróðursskyni eins og loftslagmál.

Þar á Svandís fjörtíuþúsund sálufélaga að minnsta kosti.

Athugasemdir

[Axel Jóhann Hallgrímsson, 13.12.2015 kl. 13:11]

Því miður held ég að það sé rétt hjá þér Halldór að raunverulegur árangur af ráðstefnunni í París verði lítill, ef nokkur.

Ástæðan er einföld, þeir sem raunverulega ráða því sem máli skiptir um framvindu loftslagsmála eru steinrunnir tréhestar eins og þú.

Tréhestar sem munu einn daginn vakna með höfuðið upp í eigin rassgati til þess eins að kenna öðrum um.

[Ágúst H Bjarnason, 13.12.2015 kl. 14:17]

Það hefur verið reiknað út og birt í ritrýndri grein hver áhrif niðurstöðu loftslagsráðstefnunnar gætu orðið.  Um það var nýlega fjallað á bloggsíðu loftslagsfræðingsins Dr. Judith Curry prófessors.

Úr niðurstöðunum greinarinnar:

§  The climate impact of all Paris INDC promises is miniscule: if we measure the impact of every nation fulfilling every promise by 2030, the total temperature reduction will be 0.048°C (0.086°F) by 2100.

§  Even if we assume that these promises would be extended for another 70 years, there is still little impact: if every nation fulfills every promise by 2030, and continues to fulfill these promises faithfully until the end of the century, and there is no ‘CO₂ leakage’ to non-committed nations, the entirety of the Paris promises will reduce temperature rises by just 0.17°C (0.306°F) by 2100.

§  US climate policies, in the most optimistic circumstances, fully achieved and adhered to throughout the century, will reduce global temperatures by 0.031°C (0.057°F) by 2100.

§  EU climate policies, in the most optimistic circumstances, fully achieved and adhered to throughout the century, will reduce global temperatures by 0.053°C (0.096°F) by 2100.

§  China climate policies, in the most optimistic circumstances, fully achieved and adhered to throughout the century, will reduce global temperatures by 0.048°C (0.086°F) by 2100.

§  The rest of the world’s climate policies, in the most optimistic circumstances, fully achieved and adhered to throughout the century, will reduce global temperatures by 0.036°C (0.064°F) by 2100.

Þetta er í samræmi við loforðin sem ríkin gáfu fyrir ráðstefnuna, en hvort samið hafi verið um meira eða minna veit ég ekki.

Það verður nú að viðurkenna að 0,05 gráður er töluvert. Það jafngildir hitahækkun sem verður ef við förum niður af 8 metra háum hól, eða niður af svölum á 3 hæð í íbúðarhúsi.

Þetta er þó minna en talað hefur verið um, þ.e. 1,5°C eða 2,0°C hækkun frá því fyrir iðnbyltinguna (1750), en þá voru eftir 150 ár til loka Litlu ísaldarinna svokölluðu.  (Sjá bloggpistilinn Hvað er eðlilegt veðurfar?).

(Þetta er miðað við það sem kallast “lapse rate” í veðurfræðinni og nemur um 6,5°C nærri yfirborði jarðar).



Sjá umfjöllun á vef prófessors Curry:

http://judithcurry.com/2015/11/09/lomborg-impact-of-current-climate-proposals/

(Athugasemdirnar 275 eru sumar einnig áhugaverðar).

[Halldór Jónsson, 13.12.2015 kl. 14:18]

Yfirleitt nenni ég ekki að svara svona fólki eins og þér.En  til eru þeir menn í heiminum sem vita meira en þú.

[Halldór Jónsson, 13.12.2015 kl. 14:21]

Þetta komment var auðvitað ætlað Axel Jóhanni en pistill ágústar skaust inn áður á milli okkar

[Ágúst H Bjarnason, 13.12.2015 kl. 14:21]

 Í pistlinum átti að standa neðst:

(Þetta er miðað við það sem kallast “lapse rate” í veðurfræðinni og nemur um 6,5°C per kílómetra nærri yfirborði jarðar).

Það vantaði "per kílómetra" í setninguna.    Þetta jafngildir um 0,065°C per 10 metra breytinu í hæð.

[Ágúst H Bjarnason, 13.12.2015 kl. 14:30]

Ritrýnda greinin er aðgengileg hér:

http://onlinelibrary.wiley.com/doi/10.1111/1758-5899.12295/full

Abstract:

This article investigates the temperature reduction impact of major climate policy proposals implemented by 2030, using the standard MAGICC climate model. Even optimistically assuming that promised emission cuts are maintained throughout the century, the impacts are generally small. The impact of the US Clean Power Plan (USCPP) is a reduction in temperature rise by 0.013°C by 2100. The full US promise for the COP21 climate conference in Paris, its so-called Intended Nationally Determined Contribution (INDC) will reduce temperature rise by 0.031°C. The EU 20-20 policy has an impact of 0.026°C, the EU INDC 0.053°C, and China INDC 0.048°C. All climate policies by the US, China, the EU and the rest of the world, implemented from the early 2000s to 2030 and sustained through the century will likely reduce global temperature rise about 0.17°C in 2100. These impact estimates are robust to different calibrations of climate sensitivity, carbon cycling and different climate scenarios. Current climate policy promises will do little to stabilize the climate and their impact will be undetectable for many decades.

[Sindri Karl Sigurðsson, 13.12.2015 kl. 16:16]

það er að sjálfsögðu galið að halda því fram að íbæting í eldsneyti geri eitthvað gáfulegt, þegar kemur að loftslagsmálum.

Þetta brennur allt saman og myndar CO2. Það að hækka eldsneyti á Íslandi með svona aðgerðum er ekkert annað er fávitaháttur, sama hvernig á það er litið. En þessu SS liði er að sjálfsögðu skít sama um það.

[Þ. J., 13.12.2015 kl. 18:03]

Sæll Halldór, hvað varðar þessar eyjar sem menn eru að reyna að væla styrki útá, þá eru þetta allt saman kóral-eyjar.

Kóral eyjar eru lágt yfir sjó vegna þess að kórall hættir að vaxa þegar sjór gengur ekki lengur yfir hann, ef að sjávarstaða hækkar þá gengur meiri sjór uppá kóralinn og hann vex.

 Þær eru með öðrum orðum sjálfhækkandi.  Náttúrann er magnaður verkfræðingur.

Axel jóhann.  Þar sem þú hefur greinilega aðgang að internetinu og ert bæði læs og skrifandi, þá ættirðu kannske að eyða smá tíma í að kynna þér þessi mál áður en þú drullar yfir aðra.

[Halldór Jónsson, 13.12.2015 kl. 20:09]

Þ.J. mínar þakkir fyrir skynsamlega grein á þínu bloggi sem ég voan að ég megi  auglýsa á þessu bloggi þar sem þar koma fram athyglisverðar staðreyndir sem almenningur  þarf að sjá.

[Halldór Jónsson, 13.12.2015 kl. 20:19]

Sindri, þú ert með þetta á hreinu. CO2 keypt með lægra orkugildi, sem þýða fleiri lítrar brenna  og meira CO2 losnar.

[Halldór Jónsson, 13.12.2015 kl. 20:20]

Takk fyrir Ágúst frændi.

[Axel Jóhann Hallgrímsson, 13.12.2015 kl. 22:35]

Þ.J. gott ef þú færir að eigin ráðum og kynntir þér málið áður en þú þvælir einhverja vitleysu. Kóraleyjar hækka ekki, eins og þú bendir á fyrr en þær eru komnar á kaf. Full seint í rassinn gripið þá, mætti ætla.

Vaxtarhraði kórala er á bilinu 0.3 til 2mm á ári eftir tegundum og aðstæðum. Það tæki því kóraleyju 500 til 3.300 ár að hækka um einn metra.  En það er víst verið að tala um mun meiri hækkun sjávar en það, svo þitt innlegg kemur íbúunum að litlu gagni.

[Halldór Jónsson, 13.12.2015 kl. 22:47]

Hafið hefur þá einhverntimann verið talsvert dýpra en það er núna þegar þessar eyjar voru að vaxa. Það getur aðeins verið ef engir jöklar hefðu þá verið og allt vatnið í höfunum? Ekki var það útblástur CO2 sem þeim hlýindum olli?  Hvað þá?

Það er líkast að svarið hafi fundist á Parísarfundinum?

[Halldór Egill Guðnason, 13.12.2015 kl. 23:27]

Þegar upp verður staðið, voru það fjörtîu þúsund fífl, sem gæddu sér á guðaveigum, sem aðrir greiddu, meðan fíflin lögðu á ráðin um  helsi og ãnauð okkur til handa, í nafni hnattrænnar hlýnunar. Embættismannakerfi veraldarinnar er orðið yfirfullt af fíflum. Ella hefði þessi fíflasamkoma ekki átt sér stað. 

Góðar stundir, með kveðju að sunnan.

[Halldór Jónsson, 13.12.2015 kl. 23:43]

Nafni, ég sendi þér sérstakar kveðjur til suðursins góða og gjöfula.

Gamall vinur minn sagði við eitt sinn þegar gekk fram af okkur hvernig allt var hér á landi gegnisfellinga og óðaverðbólgunnar: "Þetta er eitt allsherjar fíflarí allt saman og því verður akki breytt" 

Núna hálfri öld síðar rifjuðust þessi orð upp fyrir mér þegar ég var að lesa skeytið frá þér. Það er heimskan sem öllu ræður í þessum heimi eins og í Birtingi Voltaires.

[Þ. J., 14.12.2015 kl. 18:11]

 Jú Halldór þér er það að sjálfsögðu frjálst.

Hmm, Axel segir mér að fara að egin ráðum.  Ég veit ekki til að ég hafi verið að drulla yfir neinn, þanneg að það gæti orðið snúið.

  En hvað varðar kóralla þá er voxtur þeirra 0,5 til 2 sentimetrar, ekki millimetrar á ári mælt á flæðum, Þ.e.a.s. þar sem þeir koma reglulega uppúr sjó á fjöru. Og þeir hætta ekki að vaxa fyrr en sjór hættir alveg að berast á þá. Mesti vöxtur sem mælist á kóröllum við kjöraðstæður neðansjávar er yfir 40 sentimetrar (J. Verstelle, ‘The Growth Rate at Various Depths of Coral Reefs in the Dutch East-Indian Archipelago’, Treubia 14:117–126, 1932.)

[Halldór Jónsson, 15.12.2015 kl. 07:44]

Þorsteinn Þ.J.

Já þessar eyjar sem núna eu í vandræðum hafa þá aldrei verið hálendari en það að þær hættu að hækka þegar sjór hætti að pusast yfir þær. Núna virðast þær standa lítið upp úr og á þeim er fólk búið að lifa einhverjar aldir við þær aðstæður að verða að hlaða undir sig sem maður gerir með að taka efni af lægra svæði og flytja á hærra. Þá lækkar námusvæðið er það ekki?

Nú er yfirborð jarðar að taka breytingum,uppog niður og út a hlið  vegna flekahreyfinganna. Suðurströnd Íslands færist til hafs 2 cm á ári. Mýrdalur er að sökkva í sæ sem sést greinilega við Vík þar sem sjór gengur á land eins og þeir segja í Vík. Reynisdrangar munu sökkva í sæ þar sem þeir eru á hraðferð þangað sem nemur 2000 cm/1000árum. Svo sígur land á jörðinni og rís vegna flekahreyfinganna. Það var í gamla daga hægt að sigla á mkilli Stockolms og Uppsala en það er ekki hægt lengur vegna landsriss. Eitt sinn lá sjór yfir öllum Flóanum og þar eru skeljalög í talsverðri hæð yfir sjó.

Það er furðulegt hvernig mönnum dettur í hug að stjórna þessu  öllu með takmörkunum á útblæstri þegar syndaselurinn sjálfur rennur yfir okkur á hverjum degi. Sólin hinn mikli máttur alls sem við erum, verðum og verðum ekki.Við erum algerlega á hennar valdi hvað sem við gerum eða gerum ekki. Henni er gersamlega sama um okkur og fer sínu fram.