Hvað er IPCC?

Á síðu Þ.J. sem Þorsteinn Jónsson kýs að nota sem síðuheiti eru athyglisverðar upplýsingar sem snerta Parísarráðstefnunnar.

Þar segir Þ.J.:

" Alþjóða veðurstofan WMO = World Meteorological Organisation the UN weather body. Þetta er ekki veðurstofa þetta er einn af örmum sameinuðu þjóðanna, klæddur sem veðurstofa.  Þessi grein virðist vera svona sérpöntuð fyrir loftslagsráðstefnuna eftir viku, als konar tilfærslur á gögnum til að fá réttu stikkorðin, þeir sleppa nóvember, sem var kaldur, en taka nov og des frá síðasta ári (óvenju hlýjir) óg velja síðan hentug viðmiðunnartímabil, 1880-1899 & 1961-1990 (óvenju köld)

 Þetta er nokkuð sem ég hef kosið að kalla Öskubusku-vísindi.  Þú byrjar á því að ákveða niðurstöðuna og klippir svo tærnar og hælana af gögnunum þar til þú getur troðið þeim á sinn stað.  Síðan reynirðu að fá menn til að skuldbinda sig óafturkræft til að hlíta niðurstöðunni áður en einhver tekur eftir öllu blóðinu og fer að skoða gögnin.

 IPCC eða loftslagsráð sameinuðu þjóðanna er oftast, ranglega þýtt loftslagsnefnd, en panel er í þessu tilfelli ráð, ekki nefnd, er skrítið fyrirbæri. Þessu ráði hefur verið beitt mjög stíft í því gríðarlega valda og peningabrölti sem umlykur umræðuna um hnattræna hlýnun, enda til þess stofnað.

 Það er alveg magnað hversu algerlega einhliða alt sem þetta ráð sendir frá sér er, en það á sér þó sínar skýringar. Þegar leggja á mat á hin ýmsu gögn og álit sem frá ráði þessu koma þá er nauðsynlegt að skoða hvernig til þess er stofnað.

Í stofnskrá ráðsins er hlutverk þess afmarkað svo.

"Hlutverk IPCC er að meta vísindalegar, tæknilegar og þjóð-hagsfræðilegar upplýsingar sem nota má til rökstuðnings og skilnings á vísindalegri undirstöðu hættunnar af manngerðum loftslagsbreytingum, mögulegum áföllum vegna þessa og aðferðum til aðlögunar og minnkunar skaða."

 Eða á mannamáli, IPCC á að semja skýrslur um magn og ógn hnattrænnar hlýnunar af mannavöldum og leggja til hvað megi gera til minnka áhrif af því sama.

 Hér er nú býsna þröngt sniðinn stakkurinn. Niðurstaða allra rannsókna er fyrirfram ákveðinn, loftslagsbreytingar skulu vera af mannavöldum, þær skulu jafnframt vera skaðlegar, ef niðurstaðan er önnur þá á hún ekki erindi í skýrslu frá þessari stofnun.  

Og hvernig skyldi nú standa á því?

IPCC er sett á fót af WMO og fyrirrennara sínum hjá SÞ UNEP en sú stofnun laut forræðis Maurice nokkurs Strong, sem var mikill áhrifavaldur innan SÞ um langan tíma.
 Strong átti sér þann draum heitastann að gera SÞ að Heimsvaldi (Global government) með egin skattlagningarvaldi og í raun ónæmt og utan leikreglna lýðræðis, svona nokkursskonar skriffinna einræði sjálfskipaða góða fólksins, og var sífellt að leita leiða til að auka völd SÞ og gera SÞ kleyft að leggja skatta á iðnríkin til að fjármagna ímisskonar SÞ starfsemi í þriðja heiminum.

  Nú er ég ekki að segja að það geti ekki verið neitt bitastætt í skýrslum IPCC en ekki búast við jafnri og hlutlausri umfjöllun um efnið frá þeim, þeir einfaldlega mega það ekki."

Hér sagt frá undirliggjandi staðreyndum um þau öfl sem telja sig handhafa stórasannleika í hlýnun jarðar. Þessi öfl eru heimsumlykjandi og snerta líf allra á Vesturlöndum sem verða að taka á sig skerðingar vegna ósannaðra fullyrðinga  valins hóps manna. Birtingarmynd þessa er IPCC.

 

Athugasemdir

[Jóhann Kristinsson, 13.12.2015 kl. 20:32]

Parísarráðstefnan var ekkert annað en skatta og orku skömtunarráðstefna.

Það verður fjöldinn allur af "FAT CATS" og stjórnmálaelítu karlar og kerlingar sem koma til meða að verða marg þúsunda miljarðamæringar ef eitthvað verður farið eftir niðurstöðu ráðstefnunar.

Kveðja frá Las Vegas

[Örn Johnson ´43 (IP-tala skráð) 13.12.2015 kl. 21:22]

Merkileg ráðstefna, samþykkti að rukka skattgreiðendur um þúsundir milljarða króna, alveg óútskýrt hverjir ættu að borga og ekki heldur útskýrt í vasa hvaða þjóðhöfðingja peningarnir eiga að renna. Hvað eigum við íslendingar að borga, eina landið í heiminum sem notar nærri 100% sjálfbæra orku til að hita hús okkar. Veit það einhver?

[Jóhann Kristinsson, 13.12.2015 kl. 21:37]

Örn það endar alltaf með því að hinn almenni borgari borgar brúsan, so to speak.

Fyrirtæki þurfa að greiða sektir af því að fyrirtkið fór yfir einhver markmið. Ef fyrirtækið hækkar ekki vöruna/þjónustuna sem fyrirtækið býður upp á til að standa undir kostnaðinum, þá fer fyrirtækið á hausinn.

Alltaf sömu endalokin "HINN ALMENNI BORGARI BORGAR FYRIR BRÚSAN."

Kveðja frá Las Vegas 

[Halldór Jónsson, 14.12.2015 kl. 06:13]

Takk fyrir þetta báðir tveir. Þið sjáið þetta eins og þetta er.Hugsið ykkur hvað þessi fjörtíuþúsund fífl munu gera ferlega mörgum mikinn skaða og láta þá sködduðu borga sér fyrir aðgerðirnar. Skyldi okkar ríkisstjórn ætla að gleypa þeta hrátt?

[Jóhann Kristinsson, 14.12.2015 kl. 13:55]

Með það á hreinu Halldór að Góða Gáfaða Fólkið gleypir þetta hrátt eins og þú segir, en USA kemur ekki til með að borga krónu í þessa vitleysu.

Kveðja frá Las Vegas