Vér mótmælum enginn !

því að góða fólkið ætlar að keyra í gegn ríkisborgararétt fyrir albönsku fjölskylduna sem vill fá frítt lyf hjá okkur fyrir drenginn sinn sem hún getur ekki fengið heima hjá sér eða getur ekki borgað þar réttara sagt. Þess vegna kom hún hingað sem er annars eðlis vissulega heldur en erindi Tony Omosar reyndist sem hér situr enn í griðum.

Þorir nokkur þingmaður að æmta né skræmta þegar Sigríður Ingibjörg, Steingrímu J. og Helgi Hjörvar krefjast undirgefni við mannúðina sem þau eiga einkaleyfi á? Það gæti verið rifjað upp í næstu kosningabaráttu að sá sami væri illmenni sem vildi ekki hjálpa bágstöddum þegar flóttafólkið er annarsvegar. Svo sjálfsagt rennur þetta ríkisborgarafrumvarp í gegn.

Jón Gunnarsson dirfðist að minna hans hágöfgi Steingrím J. Sigfússon á að Icesave hefði kostað einn Landspítala á næsta ári og síðan hvern af öðrum næsta áratug eða meira ef Icesave samningur hans og félaga Svavars hefði verið fullnustaður. Steingrímur brjálaðist auðvitað og hefði líkast til kýlt Jón ef hann hefði þorað í hann eins í bakið á Geir Haarde. Í stað þess lét hann nægja að öskra á Jón og kalla hann smámenni. Ekki brá Jón sér mikið við það enda Sjálfstæðismenn vanir ýmsum nafngiftum frá kommaliðinu frá skítlegu eðli Davíðs til núna Jóns smámennis.

Makalaust er að þessi Steingrímur þori yfirleitt að sýna sig opinberlega eftir þann endemis feril lyga, svika og asnasparka sem hann skilur efir sig sem stjórnmálaður. Einhverjum stjórnmálamanni við svipaðar aðstæður gæti dottið í hug að láta sér vaxa alskegg til að vera minna áberandi.

Malagafangann heim! Börnin heim! Albanina heim! Aðalatriðið er að vér mótmælum enginn þegar býður refsivöndur góða fólksins.