Er ekki nóg komið

af þessari brjálæðis samþjöppun peningasöfnunar undir tilviljanastjórn af götunni?

Svo segir í Mogga:

"Heildareignir íslenskra lífeyrissjóða um áramótin verða um 3.200 milljarðar króna, eða um 300 milljörðum króna meiri en í ársbyrjun.

 

Þetta kemur fram í áætlun Gunnars Baldvinssonar, framkvæmdastjóra Almenna lífeyrissjóðsins, sem hann vann að beiðni Morgunblaðsins. Til samanburðar lækkuðu eignir sjóðanna um rúmlega 400 milljarða eftir efnahagshrunið haustið 2008.

 

Gangi þessi áætlun eftir munu eignirnar hafa aukist um 822 milljónir króna á hverjum einasta degi ársins.

 

Gunnar segir lífeyrissjóðina hafa hagnast á hækkandi hlutabréfaverði.

 

»Innlend verðbréf draga vagninn en á fyrstu ellefu mánuðum ársins hækkuðu innlend hlutabréf um rúm 38%. Innlend hlutabréf vógu 15% af eignum sjóðanna í ársbyrjun en í árslok hafði hlutfallið hækkað í nálægt 20% af eignum,« segir Gunnar um þróunina í ár. "

Ríkið og sveitarfélögin berjast í bökkum. Þessir aðilar eiga tilkall til svona þriðjungs af þessum peningum í formi skattgreiðsla sem verða hafnar þegar greitt er út úr sjóðunum. Þá hafa lífeyrisjóðafurstarnir verið búnir að veltast með þessa peninga áratugum saman. Tapa þeim, eða velta þeim til einhvers hagnaðar. Fyrir hverja? Þá sem eiga að fá lífeyrinn?

Að hluta til rétt. En líka hafa þeir lagt undir sig allt á Íslandi. Öll fyrirtæki sem eitthvað kveður að eru í eign sjóðanna og undir stjórn þessara fursta sem enginn eigandinn kaus heldur eru valdir eftir kjafthætti þeirra hvers og eins. Ekki eftir hæfileikum til annars.Might makes right! Þeirra verður dýrðin.

Hvenær sem eitthvað á að gera í þjóðfélaginu  er kallað eftir að lífeyissjóðirnir komi að þessu eða hinu. Kaupi banka, kaupi Landsvirkjun, kaupi allt sem nöfnum tjáir að nefna.  Í munni Sjálfstæðismanna kallast þetta einkavæðing. Svo er líka samfélagsvæðing farin að heyrast fra´þeim um sama fyrirbrigðið. Samfélagsbanki á að veita einkabönkunum samkeppni. Hvað með RÚV og þá Útvarp Sögu, ÍNN og  Stöð2 ? Þarf ekki ríkisflugfélag til að veita Flugleiðum samkeppni?

En er þetta fræðilega tal ekki frekar um lífeyrissjóðavæðingu en einkavæðingu? Hver er afleiðingin fyrir þjóðfélagið? Sósíalismi segi ég. Ef Hannes Hólmsteinn hefur betri skýringar þá þessu  þætti mér fengur að þeim svo ég viti hverju ég eigi að trúa.

Ég held að þróunin verði hinsvegar meiri spilling og minni arðsemi. Óhjákvæmilega eins og reynslan hefur verið undir sósíalismanum allstaðar. En undir honum er fjármununum stjórnað af þeim sem ekki eiga neitt í þeim eins og í hreinum ríkisrekstri. Þá fara þeir að þjóna einkahagsmunum stjórnendanna frekar en öðru.

Hvenær sem talað er um ríkisrekstur fara ýmsir "nýfrjálshyggjuspekingar" sem kommarnir kalla svo að heimta honum sé breytt í einkarekstur til að bæta hann.  En þeir sem eiga nauðsynlega peninga til að kaupa eru ekki neinir nema lífeyrissjóðir sem eiga bankana sem búa til peningana. Sem svo lána þeim frökkustu fyrst. En bankarnir en framleiða verðbólguna með peningaprentuninni Og verðbólgan framleiðir spillinguna og flest öll mein þjóðfélagsins. Þessi fákeppnisframleiðsla dag og nátt nemur 822 milljónum á dag hjá lífeyrissjóðunum til biðbótar við peningaframleiðslu  bankanna í rafeyri.

Ríkið vantar peninga til að borga undir flóttafólkið og fleira tengt aumingjamálum sem Alþingi framleiðir. Sveitarfélögin þurfa peninga í meiri aumingjaframfærslu, ferðalaga spíssanna og alla aðra spillingu þeirra og góðverkagerð á félagsmálasviðinu. Hvernig væri að sækja þá strax af iðgjöldunum í spillingarsjóðakerfið íslenska.

Ég tel að það mætti skoða að breyta lífeyissjóðakerfinu að hluta til í gegnumstreymiskerfi í Seðlabankanum. Þar eigi hver gjaldandi sína skúffu á sínu nafni.Þaðan komi lífeyrir launþegans þegar nóg er lifað.Spara lífeyrissjóðabatteríið eitthvað eða minnka það.

En auðvitað er þetta tómt mál að tala um. Því þeir sem eru búnir að fá völdin og peningana skila þeim aldrei ótilneyddir. Og þeir sem við taka reynast yfirleitt ekki hótinu betri eins og stjórnmálasaga okkar ber og vinnubrögðin á Alþingi bera vitni um.

Þar er aldrei nóg komið.

 

 

Athugasemdir

[Hrólfur Þ Hraundal, 29.12.2015 kl. 17:27]

Takk fyrir Halldór. 

Á einhverjum tíma þar sem ég var í grennd, þá kom í bæinn Gulur Ford Taunus gat ryðgaður og í honum par með eigur sínar. 

Tveimur árum seinna átti þetta par tvo bíla, ekki af ódýrustu gerð og þar eftir ævinlega nýja áður en þrjú ár voru liðin.

Þau bjuggu í íbúð lífeyrissjóðsstjóra.  Þetta var einkar athyglisvert því líkt hafði gerst áður.

[Gunnar Heiðarsson, 29.12.2015 kl. 20:15]

Sæll Halldór.

Þessi auðsöfnun, á hendur manna sem enginn hefur kosið, manna sem engum þurfa að standa skil, er beinlínis hættuleg hagkerfinu okkar.

Íslensku lífeyrissjóðirnir eru orðnir krabbamein í þjóðfélaginu og í stað þess að ráðast gegn meininu, eru nú áætlanir um að fóðra það enn frekar. Forsetar ASÍ og forsvarsmenn SA hafa nú tekið saman höndum um að auka enn á tekjur lífeyrissjóðanna, með því að innheimta enn frekari peninga af launafólki landsins. Nú eru innheimt 12% af ÖLLUM greiddum launum í landinu, inn í þessa sjóði en Gylfi og Þorsteinn ætla að hækka þá tölu ó 15,5%!! Þetta ætla þeir að kalla launhækkun til launþega!

Enginn launþegi hefur verið spurður hvort hann vilji fá slíka "launahækkun" og að því mér skilst hafa atvinnurekendur ekki heldur verið spurðir hvort þeim þóknast að launa sínu starfsfólki á þennan hátt. Þetta er alfarið ákvörðun þeirra tveggja, Gylfa og Þorsteins og þeir fá vörn til hennar frá sínu nánasta samstarfsfólki en auðvitað er þetta skipun þeirra sem með þessa gífurlegu fjármuni fara.

Þetta er kannski skírasta dæmi þess hversu vald peninga er mikið. Þeir sem halda utanum fjármagn sem nemur nærri tvöfaldri landsframleiðslu okkar geta sagt mönnum til verka. Nú er dagskipun þeirra sem peningunum stjórna til þeirra sem launþegum stjórna, sú að "launahækkunin" skuli efla enn freka það fjármagn sem sjóðirnir ráða yfir!!

Sveittan!!