Áfram Ísland!

Það er enginn endir í ferðamennskunni og voru jafnmargir á ferðinni í dag í Biskupstungum eins og er þegar stórskipin koma á sumrin.  Örtröð við Gullfoss og Geysi. Tugir af rútum allstaðar og bílaleigubílum.

Ferðamenn ryðjast auðvitað yfir ómerktar girðingar og hafa sína hentisemi eins og í Reynisfjöru. Maður er hræddur um að einhver detti einhvers staðar einhvern tímann bráðum. 

Allt í mínus, engir peningar til. Ef ferðamannapassinn hefði ekki verið stoppaður af GGF, þá væri einhver milljarður í kassanum. Nei, þeir Öggi vildu heldur gefa útlendingum náttúruna ókeypis og skaða íhaldið í leiðinni.

Ætla Íslendingar aldrei að vitkast? Að vísu sé ég þess merki í afgreiðsluborðinu. Þar borga ferðamenn 900 krónur fyrir þriggja mínútna kökusneið af einfaldasta tagi.

Athugasemdir

[Jón Valur Jensson, 15.2.2016 kl. 07:05]

Vísvitandi, gróf okurstarfsemi er engri þjóð til sóma.

22.000 króna uppsett gjald á einstakling fyrir "guided" pöbbarölt með hópi á einu kvöldi, eins og kanadískur ferðamaður hér sagði mér frá, er hrikalegt okur, þótt allir drykkir viðkomandi eina manns séu innifaldir.

Slíkt okur er slæmt afspurnar fyrir þjóðina og laðar naumast að fleiri ferðamenn.

En hér var mín tillaga sl. fimmtudag í stað náttúrukortsins hennar Ragnheiðar Elínar: Auðlindagjald af náttúruauðlindinni?

Ég sé, að viðskiptasiðfræðingurinn á Mbl. er farinn að hugsa líkt í pistli þar í fyrradag: Ekki er sama auðlind og auðlind

 En eins og Kári bendir réttilega á nízku fjármálaráðherra að skera 2,5 milljarða aukabeiðni Landspítalans niður um helming (!) og standa á því fastar en hundur á roðinu, þótt allir viðkomandi, jafnvel aðrir ráðherrar, hafi mælt með því og meira að segja þótt skyndilega kæmu 300 milljarða aukatekjur ríkissjóðs fram, þannig á ekkert að vera stjórnvöldum hér að vanbúnaði að leggja 2-3 milljarða í þá uppbyggingu ferðamannastaða sem háskalegt er orðið að vanrækja öllu lengur. En auðlindagjald á afar ábatasama ferðaþjónustu kemur þar líka vel til greina, ekkert síður en auðlindagjald á útgerðina.

[Halldór Jónsson, 15.2.2016 kl. 07:32]

Ég var eitthvað líka að hræra í þessum tillögum, ég vildi sleppa eftirlitinu og og skírskota til drengskapar Íslendinga að kaupa dagpassa í sjálfsölum ef þeir ættu erindi. Þetta féll á eftirlitsvitleysunni, Öggi varð brjálaður eða brjálaðri en venjulega sem typiskt GGF, skildi þetta ekki frekar en annað sem hann hefur aldrei skilið. En þó er hann Öggi langt í frá sá versti, það eru glampar í honum stöku sinnum, en mættu vera oftar

[Jón Valur Jensson, 15.2.2016 kl. 08:12]

Já, smá-glæta öðru hverju hjá "Ögga" mínum, segirðu! En það er að vísu rétt, að sumar áherzlur hans eru afleitar, t.d. í varnarmálum.