Engum manni er Trump líkur

"at hvatleik sínum og áræði."

-og þó.

Nú segir hann flokksstjórn Republikanaflokksins míns að hann ætli að hafa hamskipti-Metamorhosis. Verða Forsetalegur í tali hér eftir og segja skilið við stórkarlalega fortíð framboðsins síns. Hann sér sigurinn í augsýn og skiptir um gír. Enginn frýr honum vits fremur en Hvamm-Sturlu.

Einn sem einhverjir þekktu tók sér tvö kjörtímabil í það að breyta sér úr kommúnista og andstyggð góðra manna yfir í landsföður. Og svo aftur í eftirlætisgoð millanna. Og svo aftur í landvætti sem sumir barnslegir sóru eiða á hættustundu. Engu breytir þó vissulega hafi komið timar sem í lífi Hrafnkels Freysgoða. Þeir eru skuldbundnir sjálfum sér og eið sínum og geta hvergi flúið sjálfa sig fremur en Hrafnkell gat.

Því er fróun í því fólgin að fylgja líka erlendum kappa í anda og hvika hvergi fremur í trúnaði við hann.

Því engum manni er Trump líkur þar westanhafs að "hvatleik sínum og áræði".

Athugasemdir

[Jóhann Kristinsson, 23.4.2016 kl. 23:47]

Fyrirsögnin er rétt hjá þér og þú hefðir átt að bæta við hann er eins og asni.

Kveðja frá Houston

[Halldór Jónsson, 24.4.2016 kl. 06:29]

Þú verður komin á vagninn hjá Trump fyr en varir þegar henn verður kominn í nýja gírinn. Ekki ferðu að kjósa Hillary?

[Hrólfur Þ Hraundal, 24.4.2016 kl. 06:41]

 Illa líst mér sá sem eys úrsér fúkyrðum, skömmum og allskonar bulli og reigir sig, fettir og brettir  með grettum svo Mussolíni sjálfur hefði farið hjá sér.

 Engu breytir þar um þó sá hin sami ætli síðan að gerast kurteis siðvönd barnagæla, því þá er um kamelljón að ræða sem étur pöddur og getur skipt um ham hvenær sem er.  

Hvaða ham á þá að kjósa og hvað verður hann notaður lengi í leikritinu? 

[Jóhann Kristinsson, 24.4.2016 kl. 12:02]

Ég kýs ekki demókrata hvort sem nafnið er Hillary eða Trump.

Kveðja frá Las Vegas