Ónýta krónan!

sem hver krataspekingurinn af öðrum bannsyngur til helvítis seint og snemma, lifir sínu lífi fyrir utan það allt.

Davíð Oddsson margbenti á það á sínum tíma, að hagvöxtur Íslendinga væri svo gersamlega út fasa við Evrópu, að Evra kæmi aldrei til greina fyrir okkur. Kratarnir skildu auðvitað ekkert af þessu og héldu áfram mað steypuna um ónýtan gjaldmiðil.

Gunnar Rögnvaldsson setur eftirfarandi á síðu sína:

"Nýjasti gagnagrunnur frá AGS er: IMF World Economic Outlook Database, April 2016

Þegar skoðaðar eru tölur gagnasafnsins, má til dæmis finna eftirfarandi grundvallar staðreyndir:

1) Hagvöxtur á Íslandi frá og með 2001 til og með 2015, var 41,6 prósent. Íslenska hagkerfið hefur vaxið um 41,6 prósent að raungildi á þessu tímabili, þrátt fyrir bankahrun. Velmegun Íslendinga á þessu tímabili hefur aukist gríðarlega, þrátt fyrir bankahrun. Hún hefur aukist um 41,6 prósent, eða um nær helming

2) Á sama tímabili hefur hagvöxtur í Danmörku -sem er með gjaldmiðil sinn fastbundinn við evru Þýskalands- aðeins verið 10,5 prósent. Hagvöxtur, velmegunaraukning, hefur þannig verið fjórfalt meiri og betri á Íslandi en í Danmörku á þessu tímabili. Þrátt fyrir bankahrun hér heima

3) Á sama tímabili hefur hagvöxtur á Ítalíu verið minni en enginn, eða -0,2 prósent. Viðreisnar-gjaldmiðill Ítalíu er sjálf evra Þýskalands. Hún hefur reist landið þannig við að það er nú á barmi þjóðargjaldþrots. Enginn hagvöxtur í 14 ár! - og því allt að veslast og rotna upp

41,6 prósent hagvöxtur á 14 árum

10,5 prósent hagvöxtur á 14 árum

-0,2 prósent hagvöxtur á 14 árum

Hvort skyldi nú vera betra. Allt, einn fjórði, eða ekkert?

Öll lönd sem binda gjaldmiðil sinn fastan, eru með því að reyna að hengja sig. Þau lönd sem tekið hafa upp evru, dingla nú þegar hálf dauð í hegningarólinni, bendir Lars Christensen réttilega á hér."

Gunnar klykkir út með þessum orðum:

                            " Aldrei aftur

                        - undir erlent vald"

 

Hér varð hrun sagði maðurinn úr álfheimum þegar hann sá kústskaftið. Þrátt fyrir hans þrotlausu vinnu við að eyðileggja þjóðfélagið sem eftir var og stöðva hagvöxt, þá er þetta niðurstaðan í tölum.

Og svo spá menn Viðreisn jafnvel manni á þing? Eru kjósendur virkilega...?

Nú er á stefnuskrá minnst eins nýja flokksins að binda krónuna við dollarann og boðar það ekki gott um þekkingarstig framboðsins. Hin framboðin jarma verðtryggingarsönginn sinn án þess að gerð sé grein fyrir hvert verðmætaaukning  lánsins eigi að fara? Það er eins og vinstra fólkið eigi alltaf erfitt með hagfræðilega hugsun og peningamál skilur það yfirleitt allra síst. 

Það sem ég hef á móti haustkosningum er það að hagvaxtartímabilið á þessari öld styttist sem nemur flýtingunni ef stjórnandstaðan fær það loft í fjaðrinar sem búist er við.Þeim mun takast að stöðva allan hagvöxt þeim tíma og gera mitt líf og þjóðarinnar verra sem því nemur.

Að hlusta á þau á Sprengisandi núna á meðan ég skrifa þetta, styrkir mig í þeirri sannfæringu að frá þessu fólki kemur aldrei nokkur vitglóra í efnahagsmálum.

Athugasemdir

[Halldór Guðmundsson (IP-tala skráð) 7.8.2016 kl. 13:15]

Færeyska króna hefur verið bundin þeirri dönsku (Evra) til margra ára og stöðuleiki hefur verið margfalt meiri hjá Færeyingum, og vextir í líkingu við það sem gerist á norðurlöndunum, sem sagt þetta hefur gefist mjög vel hjá Færeyingum,og dettur engum heilvita manni í hug að breyta þessu. Því skyldi það ekki ganga að bynda krónuna við dollar?

Það virðist vera mjög góð hugmynd, sem vert er að skoða mjög vel.

[Kolbrún Hilmars, 7.8.2016 kl. 14:57]

Gjaldmiðillinn þarf að vera í takt við íslenskan veruleika, a.m.k. á meðan við þykjumst sjálfstæð, fullvalda þjóð.
Auðvitað gætum við tekið upp, eða bundið okkur við, sterkan erlendan gjaldmiðil.  En það væri bara eins og dansa tangó við skakkan takt.

[Sindri Karl Sigurðsson, 7.8.2016 kl. 15:19]

Stöðugleiki Færeyinga er ekki einföld jafna. Ef illa árar í Færeyjum, fara fleiri til Dk. Ef vel árar í Færeyjum fara færri og síðan er allt þar á milli.

En þeim dettur að sjálfsögðu ekki í hug að vera með tvo gjaldmiðla í gangi í einu og binda því færeysku krónuna við þá dönsku.

Við erum aftur á móti með tvo í gangi og allt í tómu rugli.

[Hermundur Sigurdsson (IP-tala skráð) 7.8.2016 kl. 15:33]

http://www.visir.is/bjarni-og-illugi-vilja-adildarvidraedur-vid-esb/article/2008740050536

Bjarni Ben vill inngöngu í ESB og taka upp Evru.

[Erla Magna Alexandersdóttir, 7.8.2016 kl. 18:30]

EG VAR Í NÁMI Á ITALYU Á  þeim tíma sem evran var komin sem gjaldmiðill.

 Eg átti samtöl við marga sem voru urrandi vondir yfir þessu- þar sem vöruverð rauk upp- atvinnuleysi- sem sagt- enginn sáttur.

 það er furðulegt að fólk skuli ekki átta sig á annara mistökum- og forðast að falla í sömu gryfju.

[Ómar Ragnarsson, 7.8.2016 kl. 21:23]

Hressilega endurskrifuð saga Hrunáranna, að 2009 hafi tekið við "þrotlaus vinna við að eyðileggja þjóðfélagið." 

[Halldór Jónsson, 7.8.2016 kl. 21:56]

B-S Hermundur, þú ert að vísa í grein frá 2008. margt breytt.

B-S Halldór,hvað ætlarðu í gera í kaup og verkfallamálum?

Sindri, ég held að þú sért með skýringua eða einhvern hluta af henni, Færeyingar hlaupa alltaf tl dönsku manni þegar þeir eru búinir að gera í buxurnar.

[Halldór Jónsson, 7.8.2016 kl. 22:00]

'omar, ekki endurskrifauð saga. Steingrímur stritaði við eð gera flest vitlaust eins og með auðlegðarskttinn. Það var krónn og gengisfellingin sem snéri við dæminu fyrir Ísland og útflutningurinn tvöfaldaðist strax, ekkert teljandi vandamál eftir það nema Steingrímur og Jóhanna. þetta er ekki endurskrift heldur upprifjun.

[Halldór Jónsson, 7.8.2016 kl. 22:03]

Ómar, ekki endurskrifauð saga heldur öðruvísi sögð. Steingrímur stritaði við eð gera flest vitlaust eins og með auðlegðarskttinn, sykurskattinn, tekjuskattinn, kvótaskattinn. Það var krónan og gengisfellingin sem snéri við dæminu fyrir Ísland og útflutningurinn tvöfaldaðist strax, ekkert teljandi vandamál eftir það nema Steingrímur og Jóhanna. Þetta er ekki endurskrift heldur upprifjun fyrir trega komma og krata.

[Guðmundur Þorsteinsson (IP-tala skráð) 8.8.2016 kl. 01:53]

Góð hugsun í grein Halldórs. Það sem skiptir máli er að menn eyði ekki meiru en aflað er. Því miður hefur það ekki verið raunin síðustu áratugina og margur man gengisfellingarnar til þess að leiðrétta raungengið. Þeir tímar eru liðnir að hægt sé að reka hagkerfið með tilfærslum frá einum hóp til annars.

Ef menn vilja ekki krónuna þá verða menn að koma með rök fyrir því hvaða gjaldmiðil við ættum að hafa. Lesið þennan pistil: http://vthorsteinsson.blog.is/blog/vthorsteinsson/entry/673603/

Ef við hefðum verði með Evru í hruninu þá værum við líkast til ennþá í gjörgæslu ESB. Gjaldmiðillinn verður aldrei sterkari en hagkerfið sjálft en því miður hefur okkur íslendingum ekki auðnast að eyða ekki um efni fram en vonandi verður lát á því enda streymir gjaldeyrir inn sem aldrei fyrr.

Evran er ekki svipur á sjón í dag: http://www.vb.is/frettir/ags-heltekid-af-ostjorn-og-evru/129920/

Ef Ísland hefði tekið upp Evruna 2008 þá hníga öll rök að því að heimilin og fyrirtækin í landinu væru verr stödd. Það verður þó að viðurkennanst að myntin okkar króna er ólíkindatól og við höfum ekki náð að höndla hana á þann veg sem vera ber. Vandamálið er að fólk vill fá lánað á litlum sem engum vÖxtum og hafa þak yfir höfuðið.

Samevrópskur gjaldmiðill hefur líka haft sýna galla með einsleitri penginamálastjórn frá Brussel. Ef íslenskir þegnar og fyrirtæki vilja evruna þá verða þau að aðhyllast aga. Ég held að við eigum enn eftir allnokkuð í það. Sterk króna hefur líka sýnar skuggahliðar vaxtamunaviðskipti.

Krónan hefur alltaf verið gjaldmiðill sem að hefur sveiflast mikð svona rétt eins og þjóðarsálin. Nú er kannski kominn tími til þess að ná sýni aðhald og ráðdeild í ríkisrekstrinum. Við veðrum líka að afnema þessi fáránlegu höft til þess að sjá hvar við stöndum. Krónan heldur áfram að lifa sínu lífi og hefur gert lengur heldur en evran svo því sé varpað fram.

[Halldór Jónsson, 8.8.2016 kl. 12:40]

Guðmundur,

þú skilur það greinilega að það var ekki krónan sem var vond við okkur heldur eru það við sem erum vond við krónuna. Bófaflokkarnir sem kalla sig kjarafélög hafa séð til þess samkundurnar sem kalla sig kjararáð  redda afgangnum.

[Haflidi (IP-tala skráð) 8.8.2016 kl. 12:59]

mörgum löndum sem nota evru gengur vel, mörgum löndum sem nota ekki evru gengur illa

[Bjarni (IP-tala skráð) 8.8.2016 kl. 16:02]

þetta er nú alveg með ólíkindum hvað menn þrugla hér um efnahagsmál, þó er Halldór á réttu brautinni. Gjaldmiðillinn endurspeglar bara hvað hagkerfið er gott eða lélegt, þannig gaf krónan sig þegar í ljós kom að bankarnir hér voru á brauðfótum en hún styrkist nú því það gengur vel í hagkerfinu. Það er engin töfralausn að taka upp nýjan gjaldmiðil, þannig mætti Hafliði skoða lönd eins og Grikkland, Spán, Portugal sem öll nota evru og gengur mjög illa efnahagslega. Margir telja að það sé einmitt út af því þeir tóku upp evru að það gangi svona illa. Þetta er svona álíka vitlaust og að segja að ef vondur bílstjóri fari nú í grænan og gulan gallabúning að þá verði allt gott og betra. Vonandi fer umræðan aðeins á hærra plan

[Halldór Jónsson, 8.8.2016 kl. 18:17]

Hugsið ykkur krónu-og evruspekingar að við Íslendingar tækjum nú bara upp gullmynt. Þýddi það eitthvað? Alþjóðleg mynt en sveiflast með verði á gulli. Ríkissjóður getur ekki prentað gull til að hækka kaupið hjá læknironum eða hjúkkonum. Hvað gerum við þá? Sláum lán í útlöndum helst til 100 ára sem fellur þagar við erum dauð. Var ekki einn sneddí sem gerði það og það var borgað um daginn?

Það er alveg sama hvað þið andverðtryggingarsinnar  reynið að kjafta ykkur frá hlutunum, þoið verðið alltaf að borga verðtrygginguna ofná ef þið fáið lán. Annars bara fáið þið engin lán. Hafið heldur hugsun á því hvernig fólk á að geta geymt aurana sína án þess að þeir gufi upp í meðförum banksterananna . Heilir stjórnmálaflokkar halda að fólk sé svo sitlaust að það muni kjósa þá ef þeir segja burt með verðtrygginguna. Þair gætu eins sagt ókeypis peningar fyrir alla. Það er þvílíkt framboð af fíflum að hið hálfa væri nóg. menn verða að hafa verðmæti til að láta í skiptum fyrir önnur sem þá vantar til þeirra sem geta látið þau af hendi. Þú færð ekki íbúð hjá neinum sem byggir og býður honum viðrekstur í staðinn fyrir útborgun?