Leyndó, leyndó

er allt sem umlykur fjármál Samfylkingar komma og krata á Íslandi allt frá því að það kommarnir voru á fræmfæri Kremlar.

Hannes Hólmsteinn ritar eftirfarandi samantekt í Mbl:

"Samkennarar mínir í stjórnmálafræðideild hafa talað fyrir auknu gagnsæi í stjórnmálum. Hæg eru heimatök, því að Margrét S. Björnsdóttir starfar í deildinni, en 2009-2013 var hún formaður framkvæmdastjórnar Samfylkingarinnar.

Árið 2009 reis hneykslunaralda vegna hárra styrkja fyrirtækja til stjórnmálaflokka árið 2006, áður en reglum var breytt.

Þá gaf Samfylkingin þær upplýsingar, að flokkurinn hefði þegið 36 milljónir kr. frá fyrirtækjum árið 2006. Í ljós kom, þegar Ríkisendurskoðun fór löngu seinna yfir málið, að flokkurinn hafði fengið 102 milljónir kr. frá fyrirtækjum það ár.

Nú ættu samkennarar mínir að spyrja Margréti, hvað valdi þessu misræmi. Þurfum við ekki aukið gagnsæi? Fleira er hnýsilegt.

Tveir aðilar styðja Samfylkinguna: Sigfúsarsjóður og Alþýðuhús Reykjavíkur ehf. Þeir eiga saman húsnæði það, sem Samfylkingin hefur til afnota, og veita henni styrki. Sigfúsarsjóður var stofnaður til að halda utan um eignir Sósíalistaflokksins, sem starfaði 1938-1968.

Þótt flokksmenn væru aðeins eitthvað á annað þúsund, átti flokkurinn tvö stór hús, Tjarnargötu 20 og Skólavörðustíg 19. Hefur væntanlega eitthvað af hinum stóru styrkjum, sem Sósíalistaflokkurinn fékk frá Moskvu, verið notað til að eignast þau.

Sigfúsarsjóður varð síðan fjárhagslegur bakhjarl Alþýðubandalagsins og loks Samfylkingarinnar. Hann er sjálfseignarstofnun, en hefur ekki skilað ársreikningi í meira en áratug.

Hvað er mikið í sjóðnum?

Hverjir ráða honum?

Hvernig eru þeir valdir?

Hvernig styðja þeir Samfylkinguna?

Þessu getur Margrét eflaust svarað.

Alþýðuhús Reykjavíkur ehf. var stofnað til að halda utan um eignir Alþýðuflokksins, sem starfaði 1916- 1998. Flokkurinn átti Iðnó og Alþýðuhúsið, sem var selt 2001 fyrir 222 milljónir kr. og breytt í Hótel 101. Að núvirði er söluverðið 478 milljónir kr.

Stofnuð voru félögin Fjalar og Fjölnir til að fara með eignir Alþýðuhússins, en engar upplýsingar fást um þau. Í skjölum ríkisskattstjóra eru þau skráð erlendis, en forsvarsmenn Alþýðuhússins vísa því á bug og bera við skráningarörðugleikum.

En hvað varð um 478 milljónirnar? Hvað gera Fjalar og Fjölnir? Hverjir ráða Alþýðuhúsi Reykjavíkur ehf.? Hvernig eru þeir valdir? Hvernig styðja þeir Samfylkinguna? Þessu getur Margrét eflaust svarað. Við þurfum aukið gagnsæi...."

Það er víst búið að veðsetja Valhöll fyrir því sem flokkurinn skilaði af framlögum fyrirtækja árið 2007. Það átti líklega að efla álit flokksins. Samfylkingin virðist standa keik án þess að hafa skilað eyri af hundrað og tveimur milljónum.

 

Athugasemdir

[Jóhann Kristinsson, 14.8.2016 kl. 16:45]

Það þarf að hafa bein í nefinu til að standast áróður vinstrimanna en því miður þá hefur Sjálfstæðisflokkurinn sem er kominn með vinstri hreyfingar fólk innanborðs eins og Unnur Brá og ritari flokksins svo, (einhverjir séu nefndir), ekki lengur mátt og skíra stefnu til að standast þennan áróður. Með öðrum orðum vinstra fólkið hefur uppgötvað, "if you can't beat them, join them.."

Hvernig datt Sjálfstæðisflokknum í hug að skila framlögum sem voru gefinn til flokksins á löglegan hátt?

Héldu ráðamenn Sjalfstæðisflokksins að vinstri flokkar mundu gera það sama?

Hvaða barnaskapur er það hjá ráðamönnum Sjalfstæðisflokksins að sjá ekki hvað vinstra liðið var að gera?

Því er haldið fram að Samfylkingin hafi fengið 102 milljónir í framlögum frá fyrirtækjum, eru allar fríu auglýsingarnar sem Samfylkingin fékk frá Jóni Ásgeir (365 fjölmiðlum) innifalið í þessum 102 milljónum?

Kveðja frá Houston

[Halldór Jónsson, 14.8.2016 kl. 19:35]

Já góð spurning, eittthvað kostaði búasáhaldabyltingin og alt það

[Hrólfur Þ Hraundal, 14.8.2016 kl. 22:25]

Það er löngu ljóst að Bjarni Ben er rola og það var hann sem gaf til baka peninga sem vildarvinir flokksins höfðu gefið honum, vegna þrýstings frá hjörð Ingibjargar Sólrúnar sem svo skilaði aldrei neinum gjöfum sjálf, og eingin gerði athugasemd við.

[Helga Kristjánsdóttir, 15.8.2016 kl. 02:57]

Hugur minn er stútfullur af efni um þetta. Efst er myndin skýr af frambjóðanda til forseta sem bar af Davíð Oddsson. - Getur Samfylkingin ekki haldið kisulórunum hjá sér? 

[Helgi Jónsson (IP-tala skráð) 15.8.2016 kl. 08:08]

Þetta er bara öfund í ykkur öfgahægrimönnum...ekkert annað....áfram Samfó.

[Elle_, 15.8.2016 kl. 12:52]

Enginn sýnilegur öfgamaður er að ofanverðu, Helgi.  Hvað var það sem þú skildir ekki við ranglæti samfóista?  Voru það líka hægri-öfgar og öfund af Hrólfi að gagnrýna hægrimann og kalla hann rolu?