Ríkið leysi Arion til sín

Bankastarfsemi með ríkisforgjöf þrífst ekki á Íslandi án þess að spilling grafi um sig. Það er sama hvort er Landsbanki, Arion eða Íslandsbanki. Það myndast allstaðar hópur manna sem sannfærir stjórnmálamenn að þeir séu bankaséní sem fari bara annað ef þeir fá ekki Bónusa.

Muna menn ekki þegar Siggi Einars í Kaupþingi sagði okkur að Hreiðar Már væri svo mikill bankastjóri að meðfæddum hæfilekum að fengi hann undir 80 milljónum á mánuði færi hann annað? Þeir eru nú báðir farnir eitthvað annað en vandamálið blífur. Þar sem peningar liggja í hrúgum fá menn hugmyndir um að þeir séu betur komnir í þeirra eigin vösum annar geti vondi kallinn komið og stolið þeim.

Mér sýnist best að sem flestir bankarnir séu ríkisbankar og í þeim starfi ríkisstarfsmenn í launaflokkum sem vinni vinnuna sína upp á þá taxta sem þar eru umsamdir. Hætt sé að borga séníum aukalega fyrir að vinna vinnuna sína heldur bara ráðið fleira venjulegt fólk til vinna það sem til fellur.

Ráðnir bankastjórar vinni vinnuna sína og skili góðum rekstri fremur en pólitískum eftir föngum. Þá getur ríkisvaldið stjórnað vöxtunum og félagslegum áhrifum þeirra. Það getur ákveðið að 40 milljóna lán til 40 ára verðtryggt en vaxtalaust standi öllum fæddum 1995 til boða einu sinni á ævinni til íbúðarkaupa. Bankarnir skuli bara framkvæma vilja Alþingis og ekkert múður.

Almenningur má stofna eins marga einkabanka og hann vill. Spilling í ríkisbönkunum verður ekki fordæmisgefandi. Ríkisstarfsmenn hætti að baða sig í spillingu og sjálftöku í bönkum eins og í öðrum opinberum fyrirtækjum, skattstofum, orkufyrirtækjum, skólum, lögreglu osfrv.

Einkavæðing bankanna mistókst af því að það voru fákunnugir ef ekki líka undirhyggjumenn  sem stóðu að henni. Byrjum bara aftur á reit 1.

Ríkið leysi til sín Aríon banka.

Athugasemdir

[Jóhann Kristinsson, 25.8.2016 kl. 11:13]

Það þarf engan sérfræðing að stjórna íslenskum banka, þetta er allt á sjálfstýringu, háir útláns vextir, verðtrygging, gjöld fyrir allan skapaðan hlut eins og t.d. Að athuga hvað er mikið inni á reikningnum mínum. Svo eru innlansvextir mjög lágir.

Bankar á Íslandi eru illa reknir t.d. þá eru þeir með of marga á launaum og of marga á háum launum. Svo vill þetta fólk fá bónusa fyrir að vinna vinnuna sem það var ráðið til að gera.

þjónusta fyrir viðskiptavini bankana er í algjöru lágmarki.

Þegar ég var á Íslandi í júlí þá fór ég í Landsbanka útibúið í Háskólabíó og ætlaði að taka út kr. 900 þúsund út af reikningnum mínum. Þá var mér bent á hraðbankan, ég tjáði þessari ungu dömu sem er Þjónustufulltrúi, að ég hefði ekkert kort. Þá benti hún mér á að fara í bankan í Austurstræti, af því að það væri enginn gjaldkeri í Háskóla útibúinu af því að útibúið væri ekki með neina peninga.

Banki án peninga, þetta er firsta skipti sem ég hef lent í svona.

Fæ grænar bólur á afturendan þegar ég fer inn í bankabyggingu.

Kveðja frá Houston

[Jónas Gunnlaugsson, 25.8.2016 kl. 11:28]

Fjárfestirinn skrifar bókhald í tölvuna og segist eiga færsluna. Fjárfestirinn lánar þér aldrei neitt. Þú framkvæmir vinnuna og hugsar. Þú ert vinnan og andinn, það er skaparinn. Hér ætti að vera broskall. Allt kemur frá þér.

11.4.2016 | 11:32