Frábær grein Jóns Magnússonar

um hvert fjölmenningarstefna Merkel er að leiða Þýskaland sem hann birtir á bloggi sínu í dag.

Greinin er svohljóðandi:

"Angela Merkel og flokkur hennar tapa og tapa fylgi Þýskra kjósenda. Andstöðuflokkurinn við innflytjendastefnu Kristilegra Demókrata(CDU) og Sósíalista (SPD), AfD(Alternative für Deutschland) vinnur stöðugt á og tekur fylgi frá báðum stóru flokkunum þó aðallega CDU. Í gær vann flokkurinn stórsigur í kosningum í Berlín.

Angela Merkel segir að Fjölmenningarsamfélagið sé ekki að virka og innflytjendur þurfi að gera meira til að aðlagast t.d. læra þýsku og verða virkir þáttakendur í þjóðlífinu.

Horst Seehofer formaður CSU systurflokks CDU segir að fjölmenningin sé dauð og Friedrich Ebert stofnunin áætlar að yfir 16 milljónir innflytjenda í Þýskalandi séu þangað komin til að njóta þess að vera á velferðarkerfinu.

Árið 2010 sagði Thilo Zarasin sem var stjórnandi í Seðlabanka Þýskalands að engin þjóðfélagshópur annar en Múslimar lægju jafn þungt á velferðarkerfinu eða ástunduðu glæpi í jafn ríkum mæli. Hann þurfti að segja af sér en engin hefur hrakið ummælin.

Það var athyglisvert að lesa þessi viðhorf þ.19.9.2016. En þau eru raunar frá því 17.10.2010 eða fyrir tæpum 6 árum síðan. Það sem síðan hefur gerst er að Merkel þessi hefur hleypt um milljón innflytjendum til viðbótar til Þýskalands og 16 milljónirnar sem Ebert stofunin sagði að héngi árið 2010 á velferðarkerfinu eru sjálfsagt í dag orðnar 160 milljónir.

Hvað segir svo Merkel 19.10. 2016 eftir að flokkur hennar beið afhroð í Berlín. Hún segir að það hafi verið alvarleg mistök á árunum eftir stríð sú langvarandi tregða að samþykkja umbreytingu Þýskalands í fjölmenningarsasmfélag. Einmitt þetta sama fjölmenningarsamfélag og hún lýsti yfir fyrir 6 árum að væri ekki að virka. Var það e.t.v. vegna mistaka frá árinu 1955 eða 1965?

Þá hefur fólk það. Þeir sem gerðu mistökin voru Konrad Adenauer og Willy Brandt en ekki Angela Merkel að eigin dómi. Lengra verður vart seilst til fanga. Jafnvel Steingrímur J. Sigfússon hefði aldrei látið sér detta það í hug að kenna Ólafi Thors og Hermanni Jónassyni um fjármálakreppuna árið 2008 eins og Angela Merkel seilist nú til fanga varðandi vonlausa vörn fyrir innflytjendamistökum sínum.

En staða Merkel getur og á bara eftir að versna eins skoðanasystra hennar Unni Brá Konráðsdóttur, Áslaugu Örnu Sigurbjörnsdóttur og Semu Erlu Serdar sem boða opin landamæri á kostnað alþýðu þessa lands."

Það er sérlega athyglisvert að formaður Sjálfstæðisflokkssins skuli hafa notað Áslaugu Örnu sem hrísvönd á þingflokk Sjálfstæðismanna til niðurlægingar þeirra og fyrirskipunar til allra flokksmanna að falla fram og tilbiðja hana. Hún væri þvílíkt að sínu skapi.

Við sem sátum síðasta Landsfund fengum þar alveg nóg af henni. 

Það er greinilega ekki á dagskrá Sjálfstæðisflokksins að ræða innflytjendamálin á vitrænan hátt hvað sem tautar.

Við Jón Magnússson megum því tala við sjálfa okkur náðarsamlegast í næstu kosningum. Er Íslenska Þjóðfylkingin smasvörun við AfD(Alternative für Deutschland)? En sagt er að svo megi brýna deig járn að bíti. 

En takk fyrir Jón fyrir þetta yfirlit.

 

Athugasemdir

[Jón Valur Jensson, 20.9.2016 kl. 01:49]

Sexflokkurinn á Alþingi stendur allur að útlendingalögum þeim sem boða opnu landamærin sem Jón Magnússon endaði á því að gagnrýna. Samstaða hefur naumast verið meiri um önnur mál á Alþingi.

Þeim mun athyglisverðari er stefna Íslensku þjóðfylkingarinnar, sem ein flokka hafnar þessu kerfi, þessari fífldirfsku að ætla sér að endurtaka reginskyssur Þjóðverja og Skandinava á síðustu áratugum. Þær skyssur eiga sannarlega eftir að kosta þær þjóðir mikið, rétt eins og mistök Sjálfstæðisflokksins o.fl. flokka í málinu í sumar eiga eftir að kosta þá sívaxandi fjölda atkvæða.

En það verður ekki Jóni hrl. Magnússyni að kenna, né þér, Halldór!

[Hilmar (IP-tala skráð) 20.9.2016 kl. 06:15]

Ég skil ekki eftirfarandi málsgrein í bloggi Jóns:

"Það var athyglisvert að lesa þessi viðhorf þ.19.9.2016. En þau eru raunar frá því 17.10.2010 eða fyrir tæpum 6 árum síðan. Það sem síðan hefur gerst er að Merkel þessi hefur hleypt um milljón innflytjendum til viðbótar til Þýskalands og 16 milljónirnar sem Ebert stofunin sagði að héngi árið 2010 á velferðarkerfinu eru sjálfsagt í dag orðnar 160 milljónir."

Hvernig geta 16 milljónir + 1 milljón orðið að 160 milljónum?

[Hilmar (IP-tala skráð) 20.9.2016 kl. 06:28]

En talandi um íslensku þjóðfylkinguna þá gæti ég alveg trúað því að hún ætti eftir að ná a.m.k. 5% markinu í næstu kosningum og jafnvel þar yfir, nóg virðist a.m.k. af rasistum og nasistum í þjóðfélaginu sem er nógu illa gefið til að kjósa einsmálsflokk í þessum efnum. Gæti reyndar vel trúað að Jón Magnússon hyggist bjóða sig fram fyrir flokkinn, enda á réttum stað þar.

[Halldór Jónsson, 20.9.2016 kl. 08:37]

Hilmar, ég hnaut um þetta líka og næ þessu akki ennþá, hugsanlega misritun.

Ég skil ekki hvernig þú getur skilgreint alla þjóðfylkingarmenn sem rasista og nasista.Þarna er verið að tala um mannúðarsjónarmið gagnvart innflytjendum ekki hvað síst

[Jóhann Elíasson, 20.9.2016 kl. 11:13]

Þetta er bara dæmigerður málflutningur hjá Hilmari og "Góða Fólkinu" yfirleitt, þeir sem EKKI eru sammála málflutningi þeirra eru afgreiddir sem rasistar,  fasistar og nasistar.

[Hilmar (IP-tala skráð) 20.9.2016 kl. 11:13]

Halldór, ég var ekki að skilgreina "alla" þjóðfylkingarmenn þannig, en sé núna að auðvitað má skilja orð mín svo - og biðst velvirðingar á því. Það er örugglega margt fínt fólk í þjóðfylkingunni eins og öðrum flokkum, en það sem ég átti við er að þjóðfylkingin er líklegust flokka til að draga að sér fylgi rasistanna og nasistanna í þjóðfélaginu umfram aðra flokka. Þess vegna kæmi mér alls ekkert á óvart ef þjóðfylkingin fengi yfir 5% fylgi, hafandi t.d. í huga gríðaraukið fylgi Framsóknarflokksins í sveitarstjórnarkosningunum 2014 þegar hann flaug upp í fylgi á einni viku eftir moskuútspilið auk fylgisaukningar við slíka flokka í öðrum löndum undanfarið. Ég yrði reyndar ekkert hissa að sjá þjóðfylkinguna með 8%-10% fylgi þegar talningu lýkur.

[Hilmar (IP-tala skráð) 20.9.2016 kl. 11:18]

Jóhann Elíasson: Frá málefnalegu sjónarhorni þá er enginn munur á þér og kartöflupoka með gleraugu. 

[Hrólfur Þ Hraundal, 20.9.2016 kl. 11:37]

Ég tel mig hvorki rasista né fasista en sé ekkert athugavert við að hafa meiri hug til velferðar landaminna en erlendra manna. 

Eygló Harðardóttir er hinsvegar einkvers konar falsisti sem gefur sig út fyrir að gæta hagsmuna íslendinga í húsnæðisvandræðum,  en hlær svo í hjarta sínu þá hún finnur útlendinga sem kunna ekki að eiga heima hjá sér og tekur þá fram fyrir landa mína sem þá þurfa að flytja til útlanda.

Núverandi stjórn völd virðast vera hjartanlega sammála þessum falsista með allt niðurumsig, frú Eygló Harðardóttur, því ekki heyrist æmt frá því setti þar um.     

[Hilmar (IP-tala skráð) 20.9.2016 kl. 12:16]

Talandi um fasista þá sé ég að Helgi Helgason formaður íþ skilgreinir íslensku þjóðfylkinguna sem fasista í innleggi á fésbókarsíðu flokksins í gær.

Hann segir annars vegar: "Fasismi gengur út á að banna öðru fólki að hafa skoðanir, en sem samrýmast skoðunum þeirra."

Og segir í sama innleggi um stefnu íþ: "Það er stefna okkar að útiloka þá sem eiga ekki samleið með okkur í skoðunum."

Þetta er mjög skýrt hjá formanninum og tekur af allan vafa um að íþ er að höfða til fasista að þessu leytinu til, auk nasista og rasista.

[Halldór Jónsson, 20.9.2016 kl. 12:49]

Ég skildi Helga nú þannig að hann vildi ekki að aðrir væru að skrifa um flokksmálin á ákveðnum stað en flokksmenn sem mér finnst í góðu lagi. ÞMenn mega eiga eitthvað p´rivat.

[Helgi Jónsson (IP-tala skráð) 20.9.2016 kl. 15:08]

He he hehe...kartöflupoki með gleraugu...ekki datt mér þetta í hug.

[Jón Valur Jensson, 21.9.2016 kl. 02:30]

Hinn háttvísi og hófsami Helgi Helgason stjórnmálafræðingur, formaður Íslensku þjóðfylkingarinnar, er algerlega laus við að vera rasisti, hvað þá fasisti!

En huldumaðurinn Hilmar er alls ekki laus við það að fara á stundum langt yfir strikið í rangtúlkandi innleggjum sínum.

[Halldór Jónsson, 21.9.2016 kl. 07:17]

 Helgi er líka uppalinn hjá mér í Sjálfstæðisflokknm í Kópavogi og ég þekki hann og foreldra hans bara að öllu góðu.