Aðförin að stjórnarskránni

heldur áfram af hendi landsölumanna krateríisins. 

Þorvaldur Gylfason þeytir snældu sína sem málaliði 365 í hverri viku og heimtar að Alþingi taki upp hundrað síðna bull sitt frá tímum Stjórnlagaráðsins ómerka. Samkvæmt kenningu dr. Jósefs verður lygin að sannleika sé hún endurtekin nógu oft.

Össur Skarphéðinsson er enn einn agenta Brüsselvaldsins sem vill íslenskt fullveldi burt í sem flestum greinum. Hann skrifar langhund um það í Mogga í dag hvernig stjórnarskrá Íslands þvælist fyrir honum í innleiðingu guðspjallanna frá EES. Samvisku sinnar vegna hafi hann líklega reiknað það út að hann gæti setið hjá við afgreiðslu EES reglanna sem Alþingi samþykkti nýlega með 33 atkvæðum.

Hann skrifar því í gegn um táraflóðið:

"...Það undirstrikar svo á hvers konar holklaka meirihluti Alþingi stóð þegar hann samþykkti málið, að þá höfðu bæði Björg Thorarensen og Stefán Már Stefánsson, sem upphaflega bentu á tveggja-stoða lausnina, stigið fram og kveðið afdráttarlaust upp úr með að samþykkt málsins fæli í sér meira framsal á valdi til yfirþjóðlegra stofnana en áður hefur gerst. Þau töldu framsalið vera komið yfir þau mörk sem stjórnarskráin þolir. .." 

Halda menn að samviskan ein hafi verið að plaga kratasálina?

"...Norðmenn gátu innleitt sömu tilskipun án þess að lenda í samskonar glímu við sína stjórnarskrá. Þeir höfðu áður með hliðsjón af hugsanlegri inngöngu í ESB breytt stjórnarskrá sinni þannig að hún heimilar auknum meirihluta þingheims að samþykkja „meiriháttar valdaframsal.“ Skilyrðið um aukinn meirihluta felur í sér að 3/4 af 2/3 þingmanna hið minnsta gjaldi framsalinu jáyrði. Norðmenn töldu framsalið sem fylgdi samevrópska fjármálaeftirlitinu af slíkri stærðargráðu að þeir afréðu að beita hinu sérstaka framsalsákvæði í fyrsta skipti við innleiðingu málsins. Það sem norska Stórþingið taldi „meiriháttar framsal“ var hins vegar smávægilegt í augum meirihluta Alþingis."

Staðeyndin er sú að Íslendingar ættu að spyrja sig hvort EES aðildin yfirleitt er að borga sig? Er þessi beintenging inn í hið brennandi hús Evrópusambandsins það sem ÍSlendinga vantar mest?

"...Sú staða er nú komin upp. Við upphaf EES sáu menn ekki fyrir þá þróun að fjölmargar stofnanir yrðu til innan ESB, með sérstöku regluverki, sem Ísland þyrfti að innleiða. Málum sem fela í sér framsal á ríkisvalds til yfirþjóðlegrar stofnunar hefur því fjölgað á seinni árum. Sú þróun heldur áfram. Nú þegar bíða þrjú ný mál upptöku í EESsamninginn, sem öll hafa í för með sér framsal valds."

Nei, það örlar ekki að landsöluliðinu að endurskoða afstöðuna í heild. Það á að halda áfram inn í eldinn með lokuð augun. það má ekki ræða það einu sinni hvílik asnaspörk EES hefur leitt yfir okkur í kostnaði fyrir landa og lýð.

"... Ísland er komið að þeim tímamótum að áframhaldandi þátttaka í EES kallar á að stjórnarskránni verði breytt þannig að auknum meirihluta Alþingis verði heimilt að framselja vald til yfir- þjóðlegra stofnana. Slíkt ákvæði er einmitt að finna í drögum Stjórnlagaráðs að nýrri stjórnarskrá. Það færi vel á því að meðal fyrstu verka nýrrar ríkisstjórnar yrði að ljúka því verki. Stjórnarskráin verður að uppfylla okkar þarfir – og við hennar." 

Þá hafa menn það. Þessi gamli kommakrati hefur ekkert lært og engu gleymt. Hann vill draga þjóðina með sér og Þorvaldi Gylfasyni inn í svarthol Evrópusambandsins. Hann er búinn að fá verðuga bandamenn í Benedikt flokkseiganda Viðreisnar við þá iðju.

Auðvitað væri hægt að laga núgildandi Stjórnarskrá að breyttum aðstæðum með nokkrum skynsamlegum orðum, t.d. um aukinn meirihluta og þjóðaratkvæði og þess háttar. En það er ekki á dagskrá hjá þeim kaupahéðnum sem hafa lengi fjármagnað þennan áróður gegn lýðveldinu Íslandi í gegn um handbendi sín.

Aðförin að Stjórnarskrá lýðveldisins Íslands heldur því áfram á fullu afli.

Athugasemdir

[Ómar Ragnarsson, 1.10.2016 kl. 15:07]

Ef ákvæðið í stjórnarskrá stjórnlagaráðs hefði verið í gildi 1993 hefði ekki verið hægt að ganga inn í EES á þeim tíma eins og gert var. En núverandi stjórnarskrá gerði það mögulegt.

Hið "ómerka" stjórnlagaráð var ekki ómerkara en það, að þeir menn sem kærðu framkvæmd kosninga til stjórnlagaþings 2010, treystu sé ekki til að kæra skipun stjórnlagaráðs, enda var hún jafn lögleg og skipun allra þeirra stjórnarskrárnefnda sem skipaðar hafa verið allt frá 1946. 

[Halldór Jónsson, 1.10.2016 kl. 15:17]

Margir telja að Stjórnarskráin hafi verið brotin þegar við vorum svikin inn í þetta EES.Enda sýndi Vigdæis það þá að henni var um og ó. Því miður klikkaði hún á að setja þetta í þjóðaratkvæði.Þá hefði okkur verið hlíft við mörgum óhæfuráðstöfunum.

Þetta stjórnlagaráð var dæmt af og kosningin um pródúktið líka, Enda er það léglegur samsetningur þar sem margt rekst á annars horn eftir því sem ég las drögin. Svona menntaskólaritgerð er gersamlega ótæk sem stjórnarskrá sem á í hæsta lagi að ver örfáar síður, einföld og hnitmiðuð en ekki kjaftæði um selvfölgeligheder. Hvað gagnar kjaftæði um aiðlindir í þjóðareign þegar þið kratar viljið ráðstafa þeim að eigin geðþótta í húsmennsku hjá ESB? 

[Hrólfur Þ Hraundal, 1.10.2016 kl. 18:19]

Það er álit margra að Jóhanna Sigurðardóttir sé ósvífnasti forsætisráðherra Íslandssögunnar.  Þorvaldur Gylfason er henni ekki óllíkur andlega, manískur ofstækismaður sem staðreyndir virka ekki á. Þeir sem studdu Jóhönnu í allri hennar vitleysu, geta varla talist skinsamt fólk. 

Það væri gagn að því að fá að vita hvað Össur Skarphéðinsson gerði að gagni fyrir okkur Íslendinga þá hann var á kráarrölti sínu í Evrópu þá hann var utanríkisráðherra.  En svo sem vendingar ýmissa annarra þá er líklega ekki vinsælt að þær skrautferðir verði skoðaðar.